ਡੋਨਾਲਡ ਟਰੰਪ ’ਤੇ ਜਬਰ ਜਨਾਹ ਦਾ ਦੋਸ਼, ਸਾਬਕਾ ਮਿਸ ਸਵਿਟਜ਼ਰਲੈਂਡ ਦਾ ਦਾਅਵਾ- ਹੋਟਲ ਦੇ ਕਮਰੇ ’ਚ ਹੋਈ ਦਰਿੰਦਗੀ
ਸਾਬਕਾ ਮਿਸ ਸਵਿਟਜ਼ਰਲੈਂਡ ਬੀਟਰਿਸ ਕਿਊਲ ਨੇ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ’ਤੇ ਗੰਭੀਰ ਦੋਸ਼ ਲਗਾਏ ਹਨ। ਉਨ੍ਹਾਂ ਦਾ ਦਾਅਵਾ ਹੈ ਕਿ 1993 ਵਿੱਚ ਨਿਊਯਾਰਕ ਦੇ ਪਲਾਜ਼ਾ ਹੋਟਲ ਵਿੱਚ ਟਰੰਪ ਨੇ ਉਨ੍ਹਾਂ ਨਾਲ ਜਬਰ ਜਨਾਹ ਕੀਤਾ ਸੀ। ਉਨ੍ਹਾਂ ਨੇ ਕਥਿਤ ਘਟਨਾ ਨੂੰ ਬੇਹੱਦ ਭਿਆਨਕ ਦੱਸਿਆ ਹੈ।
ਇਹ ਬਿਆਨ ਡੈਮੋਕ੍ਰੈਟਸ ਦੀ ਇੱਕ ਨਵੀਂ ਰਿਪੋਰਟ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਅਮਰੀਕੀ ਪ੍ਰਤੀਨਿਧੀ ਸਭਾ ਦੀ ਨਿਆਂਇਕ ਕਮੇਟੀ ਵੱਲੋਂ ਜਾਰੀ ਇਸ ਰਿਪੋਰਟ ਵਿੱਚ ਜੈਫਰੀ ਐਪਸਟੀਨ ਦੇ ਸੈਕਸ ਟ੍ਰੈਫਿਕਿੰਗ ਨੈੱਟਵਰਕ ਨਾਲ ਟਰੰਪ ਦੇ ਕਥਿਤ ਸਬੰਧਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਹਾਲਾਂਕਿ, ਵ੍ਹਾਈਟ ਹਾਊਸ ਨੇ ਇਨ੍ਹਾਂ ਸਾਰੇ ਦੋਸ਼ਾਂ ਨੂੰ ਪੂਰੀ ਤਰ੍ਹਾਂ ਰੱਦ ਕਰਦਿਆਂ ਇਨ੍ਹਾਂ ਨੂੰ ਸਿਆਸੀ ਮਨੋਰਥਾਂ ਤੋਂ ਪ੍ਰੇਰਿਤ ਅਤੇ ਬੇਬੁਨਿਆਦ ਕਰਾਰ ਦਿੱਤਾ ਹੈ।
ਰਿਪੋਰਟ ਵਿੱਚ ਕੀ ਦਾਅਵਾ ਕੀਤਾ ਗਿਆ?
ਰਿਪੋਰਟ ਮੁਤਾਬਕ, ਕਥਿਤ ਘਟਨਾ ਨਵੰਬਰ 1993 ਦੀ ਹੈ। ਉਸ ਸਮੇਂ ਮਾਡਲ ਅਤੇ ਵਿੱਤੀ ਸੇਵਾਵਾਂ ਦੇ ਖੇਤਰ ਵਿੱਚ ਕੰਮ ਕਰਨ ਵਾਲੀ ਬੀਟਰਿਸ ਕਿਊਲ ਨੂੰ ਜਿਲ ਹਾਰਟ ਨੇ ਐਟਲਾਂਟਿਕ ਸਿਟੀ ਅਤੇ ਨਿਊਯਾਰਕ ਵਿੱਚ ਕਰਵਾਏ ਗਏ ‘ਡੋਨਾਲਡ ਟਰੰਪ ਅਮੈਰੀਕਨ ਡ੍ਰੀਮ ਪੇਜੈਂਟ’ ਵਿੱਚ ਹਿੱਸਾ ਲੈਣ ਲਈ ਸੱਦਾ ਦਿੱਤਾ ਸੀ।
ਉਸ ਸਮੇਂ ਪਲਾਜ਼ਾ ਹੋਟਲ ਦੀ ਮਾਲਕੀ ਟਰੰਪ ਕੋਲ ਸੀ। ਕਿਊਲ ਦੇ ਬਿਆਨ ਅਨੁਸਾਰ, ਇੱਕ ਪ੍ਰੈੱਸ ਲੰਚ ਦੌਰਾਨ ਟਰੰਪ ਉਨ੍ਹਾਂ ਕੋਲ ਆਏ ਅਤੇ ਕਿਹਾ, “ਆਖ਼ਰਕਾਰ ਅਸੀਂ ਮਿਲ ਹੀ ਗਏ, ਮਿਸ ਕਿਊਲ।”ਰਿਪੋਰਟ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਉਸੇ ਦਿਨ ਟਰੰਪ ਦੇ ਇੱਕ ਨੁਮਾਇੰਦੇ ਨੇ ਕਿਊਲ ਨੂੰ ਹੋਟਲ ਦੇ ਉਪਰਲੇ ਕਮਰਿਆਂ ਵਿੱਚ ਟਰੰਪ ਨਾਲ ਮਿਲਣ ਲਈ ਕਿਹਾ। ਕਰੀਅਰ ਅਤੇ ਉੱਚ ਸਿੱਖਿਆ ਵਿੱਚ ਮਦਦ ਮਿਲਣ ਦੀ ਉਮੀਦ ਨਾਲ ਉਹ ਉੱਥੇ ਗਈ। ਕਿਊਲ ਦਾ ਦੋਸ਼ ਹੈ ਕਿ ਸੂਟ ਵਿੱਚ ਪਹੁੰਚਦਿਆਂ ਹੀ ਟਰੰਪ ਨੇ ਉਨ੍ਹਾਂ ਨੂੰ ਪਿੱਛੋਂ ਜ਼ਬਰਦਸਤੀ ਫੜ ਲਿਆ ਅਤੇ ਉਨ੍ਹਾਂ ਨਾਲ ਜਬਰ ਜਨਾਹ ਕੀਤਾ।ਕਿਊਲ ਮੁਤਾਬਕ, ਕਥਿਤ ਘਟਨਾ ਤੋਂ ਬਾਅਦ ਟਰੰਪ ਨੇ ਉਨ੍ਹਾਂ ਨੂੰ ਇਸ ਬਾਰੇ ਕਿਸੇ ਨੂੰ ਨਾ ਦੱਸਣ ਅਤੇ ਚੁੱਪ ਰਹਿਣ ਲਈ ਕਿਹਾ। ਉਨ੍ਹਾਂ ਦੇ ਦਾਅਵੇ ਅਨੁਸਾਰ, ਟਰੰਪ ਨੇ ਕਿਹਾ ਸੀ, “ਸ਼ੋਅ ਤਾਂ ਚੱਲਦਾ ਰਹਿਣਾ ਚਾਹੀਦਾ ਹੈ।”ਕਿਊਲ ਨੇ ਦੱਸਿਆ ਕਿ ਮੁਕਾਬਲੇ ਦੌਰਾਨ ਉਨ੍ਹਾਂ ਦਾ ਪਾਸਪੋਰਟ ਲੈ ਲਿਆ ਗਿਆ ਸੀ, ਜਿਸ ਕਾਰਨ ਉਹ ਕਾਫ਼ੀ ਡਰੀ ਹੋਈ ਸੀ। ਉਨ੍ਹਾਂ ਮੁਤਾਬਕ, ਸਦਮੇ ਦੀ ਹਾਲਤ ਵਿੱਚ ਹੀ ਉਨ੍ਹਾਂ ਨੇ ਮੁਕਾਬਲਾ ਪੂਰਾ ਕੀਤਾ।
ਉਨ੍ਹਾਂ ਦਾ ਦੋਸ਼ ਹੈ ਕਿ ਟਰੰਪ ਨੇ ਉਨ੍ਹਾਂ ਨੂੰ ਅਮਰੀਕੀ ਵੀਜ਼ਾ ਦਿਵਾਉਣ ਅਤੇ ਨਿਊਯਾਰਕ ਯੂਨੀਵਰਸਿਟੀ ਵਿੱਚ ਦਾਖ਼ਲਾ ਦਿਵਾਉਣ ਦੀ ਪੇਸ਼ਕਸ਼ ਵੀ ਕੀਤੀ ਸੀ।
ਰਿਪੋਰਟ ਵਿੱਚ ਜੈਫਰੀ ਐਪਸਟੀਨ ਨਾਲ ਕਥਿਤ ਮੁਲਾਕਾਤ ਦਾ ਵੇਰਵਾ ਵੀ ਦਿੱਤਾ ਗਿਆ ਹੈ। ਕਿਊਲ ਦੇ ਬਿਆਨ ਮੁਤਾਬਕ, ਟਰੰਪ ਦੇ ਕਮਰੇ ਵਿੱਚੋਂ ਬਾਹਰ ਆਉਣ ਤੋਂ ਬਾਅਦ ਐਪਸਟੀਨ ਉਨ੍ਹਾਂ ਕੋਲ ਆਇਆ ਅਤੇ ਉਸ ਨੇ ਕਿਹਾ, “ਮੈਂ ਜੈਫਰੀ ਹਾਂ, ਡੌਨ (ਟਰੰਪ) ਦਾ ਸਭ ਤੋਂ ਚੰਗਾ ਦੋਸਤ।”
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
