Mirzapur: ਦਿ ਮੂਵੀ’ ਦੇ ਗੀਤ ‘ਸ਼ੂਰਵੀਰ’ ‘ਤੇ ਵਿਵਾਦ, ਹਟਾਉਣ ਦੀ ਮੰਗ ਲਈ Delhi High Court ‘ਚ ਪਟੀਸ਼ਨ ਦਾਇਰ

ਅਦਾਕਾਰ ਪੰਕਜ ਤ੍ਰਿਪਾਠੀ ਅਤੇ ਅਲੀ ਫਜ਼ਲ ਦੀ ਹਾਲ ਹੀ ਵਿੱਚ ਰਿਲੀਜ਼ ਹੋਈ ਫਿਲਮ \”ਮਿਰਜ਼ਾਪੁਰ: ਦਿ ਮੂਵੀ\”ਜਿੱਥੇ ਬਾਕਸ ਆਫ਼ਿਸ ‘ਤੇ ਸ਼ਾਨਦਾਰ ਕਮਾਈ ਕਰ ਰਹੀ ਹੈ, ਉੱਥੇ ਹੀ ਫਿਲਮ ਦੇ ਇੱਕ ਗੀਤ ਨੂੰ ਲੈ ਕੇ ਵੱਡਾ ਵਿਵਾਦ ਖੜ੍ਹਾ ਹੋ ਗਿਆ ਹੈ। ਫਿਲਮ ਦੇ ਕਲਾਈਮੈਕਸ ਵਿੱਚ ਵਰਤੇ ਗਏ ਗੀਤ \”ਸ਼ੂਰਵੀਰ\” ਨੂੰ ਹਟਾਉਣ ਦੀ ਮੰਗ ਨੂੰ ਲੈ ਕੇ ਮਾਮਲਾ ਦਿੱਲੀ ਹਾਈ ਕੋਰਟ ਤੱਕ ਪਹੁੰਚ ਗਿਆ ਹੈ।ਪ੍ਰਸ਼ਾਂਤ ਕੁਮਾਰ ਸਿੰਘ ਨਾਮ ਦੇ ਵਿਅਕਤੀ ਵੱਲੋਂ ਦਿੱਲੀ ਹਾਈ ਕੋਰਟ ਵਿੱਚ ਇੱਕ ਜਨਹਿੱਤ ਪਟੀਸ਼ਨ (PIL) ਦਾਇਰ ਕੀਤੀ ਗਈ ਹੈ। ਪਟੀਸ਼ਨਕਰਤਾ ਅਨੁਸਾਰ \”ਸ਼ੂਰਵੀਰ\” ਗੀਤ ਅਸਲ ਵਿੱਚ ਰਾਜਸਥਾਨ ਦੇ ਮਹਾਨ ਯੋਧੇ ਮਹਾਰਾਣਾ ਪ੍ਰਤਾਪ ਦੀ ਬਹਾਦਰੀ ਅਤੇ ਮਹਾਨਤਾ ਨੂੰ ਸ਼ਰਧਾਂਜਲੀ ਦੇਣ ਲਈ ਲਿਖਿਆ ਗਿਆ ਸੀ। ਦੋਸ਼ ਲਾਇਆ ਗਿਆ ਹੈ ਕਿ ਫਿਲਮ ਵਿੱਚ ਇਸ ਇਤਿਹਾਸਕ ਅਤੇ ਪ੍ਰੇਰਨਾਦਾਇਕ ਗੀਤ ਦੀ ਵਰਤੋਂ ਕਾਲਪਨਿਕ ਗੈਂਗਸਟਰਾਂ ਦਾ ਮਹਿਮਾਮੰਡਨ ਕਰਨ ਲਈ ਅਣਉਚਿਤ ਢੰਗ ਨਾਲ ਕੀਤੀ ਗਈ ਹੈ।ਪਟੀਸ਼ਨ ਵਿੱਚ ਅਦਾਲਤ ਤੋਂ ਮੰਗ ਕੀਤੀ ਗਈ ਹੈ ਕਿ ਫਿਲਮ ਦੇ ਕਲਾਈਮੈਕਸ ਤੋਂ ਇਸ ਟਰੈਕ ਨੂੰ ਤੁਰੰਤ ਹਟਾਇਆ ਜਾਵੇ ਜਾਂ ਬਦਲਿਆ ਜਾਵੇ। ਪਟੀਸ਼ਨਕਰਤਾ ਦਾ ਕਹਿਣਾ ਹੈ ਕਿ ਗੈਂਗਸਟਰਾਂ ਦੇ ਦ੍ਰਿਸ਼ਾਂ ਨਾਲ ਇਸ ਗੀਤ ਨੂੰ ਜੋੜਨ ਨਾਲ ਇਸ ਦਾ ਮੂਲ ਸੱਭਿਆਚਾਰਕ ਸੰਦਰਭ ਵਿਗੜ ਜਾਵੇਗਾ ਅਤੇ ਲੋਕਾਂ ਦੇ ਮਨਾਂ ਵਿੱਚ ਮਹਾਰਾਣਾ ਪ੍ਰਤਾਪ ਦੀ ਵਿਰਾਸਤ ਨੂੰ ਲੈ ਕੇ ਗਲਤ ਅਤੇ ਗੁੰਮਰਾਹਕੁੰਨ ਪ੍ਰਭਾਵ ਪਵੇਗਾ।ਦੂਜੇ ਪਾਸੇ, ਫਿਲਮ ਬਾਕਸ ਆਫ਼ਿਸ ‘ਤੇ ਲਗਾਤਾਰ ਸਫਲਤਾ ਦੇ ਝੰਡੇ ਗੱਡ ਰਹੀ ਹੈ। ਪੰਕਜ ਤ੍ਰਿਪਾਠੀ (ਕਾਲੀਨ ਭਈਆ), ਅਲੀ ਫਜ਼ਲ (ਗੁੱਡੂ ਪੰਡਿਤ), ਦਿਵਯੇਂਦੂ (ਮੁੰਨਾ ਤ੍ਰਿਪਾਠੀ), ਜਤਿੰਦਰ ਕੁਮਾਰ (ਬਬਲੂ ਪੰਡਿਤ) ਅਤੇ ਰਵੀ ਕਿਸ਼ਨ (ਬੱਬਨ ਯਾਦਵ) ਦੀ ਮੁੱਖ ਭੂਮਿਕਾ ਵਾਲੀ ਇਹ ਫਿਲਮ ਦਰਸ਼ਕਾਂ ਵੱਲੋਂ ਖੂਬ ਪਸੰਦ ਕੀਤੀ ਜਾ ਰਹੀ ਹੈ। ਹੁਣ ਇਹ ਦੇਖਣਾ ਅਹਿਮ ਹੋਵੇਗਾ ਕਿ ਦਿੱਲੀ ਹਾਈ ਕੋਰਟ ਇਸ ਪਟੀਸ਼ਨ ‘ਤੇ ਕੀ ਸੁਣਵਾਈ ਕਰਦੀ ਹੈ।