24 ਹਜ਼ਾਰ ਫੁੱਟ ਦੀ ਉਚਾਈ ‘ਤੇ ਉੱਡ ਰਹੇ ਜਹਾਜ਼ ਦੀ ਛੱਤ ਅਚਾਨਕ ਗਾਇਬ, 95 ਲੋਕ ਸਨ ਸਵਾਰ …

ਕਈ ਵਾਰ ਅਜਿਹੀਆਂ ਘਟਨਾਵਾਂ ਵਾਪਰ ਜਾਂਦੀਆਂ ਹਨ, ਜਿਨ੍ਹਾਂ ਬਾਰੇ ਕਦੇ ਸੁਪਨੇ ਵਿੱਚ ਵੀ ਨਹੀਂ ਸੋਚਿਆ ਹੁੰਦਾ। ਤੁਸੀਂ ਕਈ ਵਾਰ ਹਵਾਈ ਜਹਾਜ਼ ਵਿੱਚ ਸਫ਼ਰ ਕੀਤਾ ਹੋਵੇਗਾ। ਜਦੋਂ ਤੁਸੀਂ ਕਿਸੇ ਹਵਾਈ ਜਹਾਜ ਵਿੱਚ 24-25 ਹਜ਼ਾਰ ਫੁੱਟ ਦੀ ਉਚਾਈ ‘ਤੇ ਉੱਡ ਰਹੇ ਹੁੰਦੇ ਹੋ ਅਤੇ ਮੰਨ ਲਓ ਕਿ ਉਸ ਸਮੇਂ ਕੋਈ ਹਾਦਸਾ ਵਾਪਰ ਜਾਂਦਾ ਹੈ।

 ਪਰ ਕੀ ਤੁਸੀਂ ਕਦੇ ਸੁਣਿਆ ਹੈ ਕਿ ਹਵਾ ਵਿੱਚ ਉੱਡਦੇ ਜਹਾਜ਼ ਦੀ ਛੱਤ ਗਾਇਬ ਹੋ ਜਾਂਦੀ ਹੈ। ਹਾਂ ਅਜਿਹਾ ਹੋਇਆ ਹੈ।, ਇਕ ਵਾਰ 24 ਹਜ਼ਾਰ ਫੁੱਟ ਦੀ ਉਚਾਈ ‘ਤੇ ਉੱਡਦੇ ਸਮੇਂ ਜਹਾਜ਼ ਦੀ ਛੱਤ ਗਾਇਬ ਹੋ ਗਈ ਸੀ। ਉਸ ਜਹਾਜ਼ ਵਿਚ ਚਾਲਕ ਦਲ ਦੇ ਮੈਂਬਰਾਂ ਸਮੇਤ 95 ਲੋਕ ਸਵਾਰ ਸਨ।ਇਹ ਘਟਨਾ ਅਮਰੀਕਾ ਦੇ ਇੱਕ ਸੂਬੇ ਵਿੱਚ ਵਾਪਰੀ। 28 ਅਪ੍ਰੈਲ 1988 ਨੂੰ ਅਲੋਹਾ ਏਅਰਲਾਈਨਜ਼ ਦੇ ਜਹਾਜ਼ ਨੇ ਅਮਰੀਕਾ ਦੇ ਹਵਾਈ ਸੂਬੇ ਦੇ ਹਿਲੋ ਤੋਂ ਹੋਨੋਲੁਲੂ ਲਈ ਉਡਾਣ ਭਰੀ। ਇਹ ਇੱਕ ਬੋਇੰਗ 737-297 ਜਹਾਜ਼ ਸੀ, ਜਿਸ ਵਿੱਚ 89 ਯਾਤਰੀਆਂ ਅਤੇ ਚਾਲਕ ਦਲ ਦੇ 6 ਮੈਂਬਰਾਂ ਸਮੇਤ ਕੁੱਲ 95 ਲੋਕ ਸਵਾਰ ਸਨ। ਉਸ ਸਮੇਂ ਜਹਾਜ਼ ਅਸਮਾਨ ‘ਚ 24,000 ਫੁੱਟ ਦੀ ਉਚਾਈ ‘ਤੇ ਉੱਡ ਰਿਹਾ ਸੀ। ਫਿਰ ਹਵਾ ਦਾ ਦਬਾਅ ਘੱਟ ਹੋਣ ਕਾਰਨ ਧਮਾਕਾ ਹੋਇਆ ਅਤੇ ਜਹਾਜ਼ ਦੀ ਛੱਤ ਦਾ ਕੁਝ ਹਿੱਸਾ ਉੱਡ ਗਿਆ। ਬਾਅਦ ‘ਚ ਪਤਾ ਲੱਗਾ ਕਿ ਜਹਾਜ਼ ਦਾ ਰੱਖ-ਰਖਾਅ ਸਹੀ ਢੰਗ ਨਾਲ ਨਹੀਂ ਹੋ ਰਿਹਾ ਸੀ। ਜਹਾਜ਼ ‘ਚ ਬੈਠੇ ਯਾਤਰੀਆਂ ਦੇ ਸਿਰ ‘ਤੇ ਛੱਤ ਨਹੀਂ ਸੀ।

ਜਹਾਜ਼ ਨੇ ਦੁਪਹਿਰ 1:25 ‘ਤੇ ਹਿਲੋ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਉਡਾਣ ਭਰੀ ਅਤੇ 1:48 ‘ਤੇ ਜਹਾਜ਼ ਦਾ ਇਕ ਛੋਟਾ ਜਿਹਾ ਹਿੱਸਾ ਟੁੱਟ ਗਿਆ। ਕਪਤਾਨ ਨੂੰ ਇਸ ਬਾਰੇ ਪਤਾ ਲੱਗਾ ਅਤੇ ਜਹਾਜ਼ ਦਾ ਕੰਟਰੋਲ ਢਿੱਲਾ ਹੋ ਗਿਆ। ਜਹਾਜ਼ ਖੱਬੇ ਤੋਂ ਸੱਜੇ ਝੁਕਣ ਲੱਗਾ। ਕੁਝ ਹੀ ਸਮੇਂ ਵਿੱਚ ਛੱਤ ਦਾ ਵੱਡਾ ਹਿੱਸਾ ਗਾਇਬ ਹੋ ਗਿਆ। ਇਸ ਤੋਂ ਬਾਅਦ ਜਹਾਜ਼ ਦੇ ਕਰੂ ਮੈਂਬਰਾਂ ਸਮੇਤ ਯਾਤਰੀ ਵੀ ਘਬਰਾ ਗਏ। ਹਾਲਾਂਕਿ ਜਹਾਜ਼ ਨੂੰ ਉਡਾ ਰਹੇ ਤਜਰਬੇਕਾਰ ਪਾਇਲਟ ਰਾਬਰਟ ਸ਼ੌਰਨਥਾਈਮਰ ਅਤੇ ਮੈਡਲਿਨ ਟੌਮਪਕਿੰਸ ਨੇ ਇਸ ਨੂੰ ਸੁਰੱਖਿਅਤ ਢੰਗ ਨਾਲ ਲੈਂਡ ਕਰਵਾਇਆ ਅਤੇ ਵੱਡਾ ਹਾਦਸਾ ਹੋਣ ਤੋਂ ਟਲ ਗਿਆ।ਖਬਰਾਂ ਮੁਤਾਬਕ ਇਸ ਘਟਨਾ ‘ਚ 58 ਸਾਲਾ ਫਲਾਈਟ ਅਟੈਂਡੈਂਟ ਕਲਾਰਬੇਲ ਲੈਂਸਿੰਗ ਦੀ ਮੌਤ ਹੋ ਗਈ ਸੀ। ਉਹ ਇੱਕ ਸੀਟ ਦੇ ਕੋਲ ਖੜ੍ਹੀ ਸੀ ਅਤੇ ਛੱਤ ਦੇ ਗਾਇਬ ਹੋਣ ਤੋਂ ਬਾਅਦ ਹਵਾ ਵਿੱਚ ਉੱਡ ਗਈ। ਉਸ ਦੀ ਲਾਸ਼ ਕਦੇ ਨਹੀਂ ਮਿਲੀ। ਇਸ ਦੇ ਨਾਲ ਹੀ 8 ਹੋਰ ਲੋਕ ਵੀ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਏ। ਹਾਲਾਂਕਿ ਸੀਟ ਬੈਲਟ ਦੀ ਵਰਤੋਂ ਕਾਰਨ ਯਾਤਰੀਆਂ ਦੀ ਜਾਨ ਤਾਂ ਬਚ ਗਈ ਪਰ ਕਈ ਜ਼ਖਮੀ ਹੋ ਗਏ। ਇਸ ਹਾਦਸੇ ‘ਚ ਜਹਾਜ਼ ‘ਚ ਸਵਾਰ 95 ਲੋਕਾਂ ‘ਚੋਂ 65 ਲੋਕ ਜ਼ਖਮੀ ਹੋ ਗਏ। ਘਟਨਾ ਵਿੱਚ ਜਹਾਜ਼ ਇੰਨਾ ਬੁਰੀ ਤਰ੍ਹਾਂ ਨੁਕਸਾਨਿਆ ਗਿਆ ਸੀ ਕਿ ਇਸਦੀ ਮੁਰੰਮਤ ਕਰਨਾ ਸੰਭਵ ਨਹੀਂ ਸੀ।