ਦੇਸ਼ ਅਤੇ ਦੁਨੀਆ ‘ਚ ਕੀਮਤੀ ਹੀਰਿਆਂ ਲਈ ਮਸ਼ਹੂਰ ਮੱਧ ਪ੍ਰਦੇਸ਼ ਦੇ ਪੰਨਾ ਜ਼ਿਲੇ ਦੇ ਇਕ ਕਿਸਾਨ ਦੀ ਕਿਸਮਤ ਚਮਕ ਗਈ। ਕਿਸਾਨ ਅਤੇ ਜਗੀਰ ਸਰਪੰਚ ਪ੍ਰਕਾਸ਼ ਮਜੂਮਦਾਰ ਨੇ ਆਪਣੇ 5 ਸਾਥੀਆਂ ਨਾਲ ਮਿਲ ਕੇ ਜਰੂਆਪੁਰ ਦੇ ਨਿੱਜੀ ਖੇਤਰ ‘ਚ ਇਕ ਖਾਨ ਲਗਾਈ ਸੀ, ਜਿਸ ‘ਚੋਂ 14.21 ਕੈਰੇਟ ਦਾ ਚਮਕਦਾ ਹੀਰਾ ਨਿਕਲਿਆ ਸੀ।ਉਸ ਨੇ ਆਪਣੇ ਸਾਥੀਆਂ ਨਾਲ ਮਿਲ ਕੇ ਇਸ ਹੀਰੇ ਨੂੰ ਦਫਤਰ ‘ਚ ਜਮ੍ਹਾ ਕਰਵਾ ਦਿੱਤਾ ਹੈ। ਕਿਸਾਨ, ਸਰਪੰਚ ਪ੍ਰਕਾਸ਼ ਮਜੂਮਦਾਰ ਦਾ ਕਹਿਣਾ ਹੈ ਕਿ ਉਹ ਹੀਰੇ ਦੀ ਨਿਲਾਮੀ ਤੋਂ ਬਾਅਦ ਪ੍ਰਾਪਤ ਹੋਏ ਪੈਸੇ ਨੂੰ ਬਰਾਬਰ ਵੰਡਣਗੇ ਅਤੇ ਆਪਣੇ ਬੱਚਿਆਂ ਦੀ ਪੜ੍ਹਾਈ ‘ਤੇ ਖਰਚ ਕਰਨਗੇ। ਇਸ ਦੇ ਨਾਲ ਹੀ ਹੀਰਾ ਮਾਹਿਰ ਅਨੁਪਮ ਸਿੰਘ ਨੇ ਦੱਸਿਆ ਕਿ ਇਸ ਹੀਰੇ ਨੂੰ ਆਉਣ ਵਾਲੀ ਨਿਲਾਮੀ ਵਿੱਚ ਰੱਖਿਆ ਜਾਵੇਗਾ। ਇਹ ਇਸ ਸਾਲ ਦਾ ਸਭ ਤੋਂ ਵੱਡਾ ਹੀਰਾ ਹੈ।ਦੱਸਣਯੋਗ ਹੈ ਕਿ ਕਿਸਾਨ ਪ੍ਰਕਾਸ਼ ਨੇ ਖੇਤੀ ਵਿੱਚ ਕੋਈ ਲਾਭ ਨਾ ਹੁੰਦਾ ਦੇਖ ਕੇ ਸਾਲ 2019-20 ਵਿੱਚ ਆਪਣੇ ਕੁਝ ਸਾਥੀਆਂ ਨਾਲ ਮਿਲ ਕੇ ਹੀਰੇ ਦੀ ਖਾਨ ਸਥਾਪਿਤ ਕੀਤੀ ਸੀ। ਇਸ ਤੋਂ ਬਾਅਦ ਉਸ ਨੂੰ ਇਕ ਤੋਂ ਬਾਅਦ ਇਕ 11 ਹੀਰੇ ਮਿਲੇ। ਇਨ੍ਹਾਂ ‘ਚ 7.44 ਕੈਰੇਟ, 6.44 ਕੈਰੇਟ, 4.50 ਕੈਰੇਟ, 3.64 ਕੈਰੇਟ ਅਤੇ ਕੁਝ ਛੋਟੇ ਹੀਰੇ ਵੀ ਮਿਲੇ ਹਨ। ਪ੍ਰਕਾਸ਼ ਨੇ 2022 ਦੀਆਂ ਪੰਚਾਇਤੀ ਚੋਣਾਂ ਵਿੱਚ ਸਰਪੰਚ ਦੀ ਚੋਣ ਲੜੀ ਅਤੇ ਜਿੱਤੀ। ਸਰਪੰਚ ਬਣਨ ਤੋਂ ਬਾਅਦ ਪ੍ਰਕਾਸ਼ ਨੂੰ ਦੋ ਹੀਰੇ ਮਿਲੇ ਹਨ, ਜਿਨ੍ਹਾਂ ਵਿੱਚੋਂ ਇੱਕ 3.64 ਕੈਰਟ ਦਾ ਹੀਰਾ ਹੈ ਅਤੇ ਇੱਕ 12 ਦਸੰਬਰ ਨੂੰ ਮਿਲਿਆ ਸੀ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
