ਅੱਜ ਤੋਂ ਲਾਗੂ ਹੋਵੇਗਾ ਨਵਾਂ ਨਿਯਮ, Landline ਫੋਨ ਤੋਂ Mobile ਨੰਬਰ ਡਾਇਲ ਕਰਦੇ ਸਮੇਂ ਲਗਾਉਣਾ ਹੋਵੇਗਾ ਜ਼ੀਰੋ

ਨਵੀਂ ਦਿੱਲੀ : ਦੇਸ਼ ਭਰ ‘ਚ ਲੈਂਡਲਾਇਨ ਤੋਂ ਮੋਬਾਇਲ ਫੋਨਾਂ ‘ਤੇ ਕਾਲ ਕਰਨ ਲਈ ਗਾਹਕਾਂ ਨੂੰ ਅੱਜ ਯਾਨੀ 15 ਜਨਵਰੀ ਤੋਂ ਨੰਬਰ ਤੋਂ ਪਹਿਲਾਂ ਜ਼ੀਰੋ ਲਗਾਉਣਾ ਜ਼ਰੂਰੀ ਹੋਵੇਗਾ। ਦੂਰ ਸੰਚਾਰ ਵਿਭਾਗ ਨੇ ਹਾਲ ਹੀ ‘ਚ ਇਸ ਦਾ ਨਿਰਦੇਸ਼ ਜਾਰੀ ਕੀਤਾ ਹੈ। ਏਅਰਟੈੱਲ ਨੇ ਆਪਣੇ ਨਿਸ਼ਚਤ-ਲਾਈਨ ਉਪਭੋਗਤਾਵਾਂ ਨੂੰ ਦੱਸਿਆ, ‘‘15 ਜਨਵਰੀ 2021 ਤੋਂ ਚੱਲ ਰਹੇ ਦੂਰ ਸੰਚਾਰ ਵਿਭਾਗ ਦੇ ਇੱਕ ਨਿਰਦੇਸ਼ ਦੇ ਤਹਿਤ ਤੁਹਾਨੂੰ ਆਪਣੇ ਲੈਂਡਲਾਇਨ ਤੋਂ ਕਿਸੇ ਵੀ ਮੋਬਾਇਲ ‘ਤੇ ਫੋਨ ਮਿਲਾਉਣ ਸਮੇਂ ਨੰਬਰ ਤੋਂ ਪਹਿਲਾਂ ਜ਼ੀਰੋ ਡਾਇਲ ਕਰਨਾ ਪਏਗਾ।”

ਹੁਣ ਹੁਨਰਮੰਦਾਂ ਨੂੰ ਅਮਰੀਕਾ ’ਚ ਮਿਲੇਗੀ ਪਹਿਲ, H1B ਭ ਵੀਜ਼ਾ ‘ਚ ਹੋਈ ਸੋਧ

ਰਿਲਾਇੰਸ ਜਿਓ ਨੇ ਵੀ ਆਪਣੇ ਫਿਕਸਡ ਲਾਈਨ ਉਪਭੋਗਤਾਵਾਂ ਨੂੰ ਯਾਦ ਦਿਵਾਇਆ। ਦੂਰਸੰਚਾਰ ਵਿਭਾਗ ਨੇ ਨਵੰਬਰ ‘ਚ ਕਿਹਾ ਸੀ ਕਿ 15 ਜਨਵਰੀ ਤੋਂ ਲੈਂਡਲਾਇਨ ਤੋਂ ਮੋਬਾਇਲ ‘ਤੇ ਕਾਲ ਕਰਨ ਸਮੇਂ ਪਹਿਲਾਂ ਜ਼ੀਰੋ ਡਾਇਲ ਕਰਨਾ ਹੋਵੇਗਾ। ਸੰਚਾਰ ਮੰਤਰਾਲੇ ਦਾ ਕਹਿਣਾ ਹੈ ਕਿ ਇਸ ਕਦਮ ਤੋਂ ਭਵਿੱਖ ਲਈ ਕਈ ਨਵੇਂ ਨੰਬਰ ਦੀਆਂ ਸੰਭਾਵਨਾਵਾਂ ਪੈਦਾ ਹੋਣਗੀਆਂ।