ਪੁਲਿਸ ਜ਼ਿਲ੍ਹਾ ਖੰਨਾ ਵੱਲੋਂ ਸਪਸ਼ਟ ਕੀਤਾ ਗਿਆ ਹੈ ਕਿ ਪੁਲਿਸ ਜਿਲ੍ਹਾ ਖੰਨਾ ਵਿੱਚ ਜਿਲ੍ਹਾ ਪ੍ਰੀਸ਼ਦ ਦੇ 07 ਜੋਨ, ਬਲਾਕ ਸੰਮਿਤੀ ਦੇ 79 ਜੋਨਾਂ ‘ਤੇ ਵੋਟਾਂ ਸਬੰਧੀ ਪੰਜਾਬ ਰਾਜ ਚੋਣ ਕਮਿਸ਼ਨ ਵੱਲੋਂ ਨੋਟੀਫਿਕੇਸ਼ਨ ਜਾਰੀ ਕਰਕੇ ਮਿਤੀ 1-12-2025 ਤੋਂ ਇਹਨਾਂ ਵੋਟਾਂ ਸਬੰਧੀ ਉਮੀਦਵਾਰਾਂ ਦੀਆਂ ਨਾਮਜ਼ਦਗੀਆਂ ਭਰਨ ਦਾ ਸਮਾਂ ਦਿੱਤਾ ਗਿਆ ਸੀ ਅਤੇ ਵੋਟਾਂ ਪਾਉਣ ਦੀ ਮਿਤੀ 14-12-2025 ਨਿਸਚਿਤ ਕੀਤੀ ਗਈ ਸੀ, ਵੋਟਾਂ ਦੀ ਗਿਣਤੀ ਮਿਤੀ 17-12-2025 ਨੂੰ ਕੀਤੀ ਗਈ ਹੈ। ਪੁਲਿਸ ਜਿਲ੍ਹਾ ਖੰਨਾ ਦੇ 05 ਬਲਾਕਾਂ (ਖੰਨਾ, ਸਮਰਾਲਾ, ਮਾਛੀਵਾੜਾ ਸਾਹਿਬ, ਦੋਰਾਹਾ ਅਤੇ ਮਲੌਦ) ਵਿੱਚ ਉਕਤ ਚੋਣਾਂ ਹੋਈਆਂ ਹਨ। ਨਾਮਜ਼ਦਗੀ ਫਾਰਮ ਭਰਨ ਤੋਂ ਲੈ ਕੇ ਵੋਟਾਂ ਦੀ ਗਿਣਤੀ ਤੱਕ ਇਹ ਪ੍ਰਕਿਰਿਆ ਸ਼ਾਂਤੀ ਪੂਰਵਕ ਸੰਪੰਨ ਹੋਈ ਹੈ ਪ੍ਰੰਤੂ ਖੰਨਾ ਬਲਾਕ ਦੇ ਗਿਣਤੀ ਕੇਂਦਰ ਵਿੱਚ ਯਾਦਵਿੰਦਰ ਸਿੰਘ ਯਾਦੂ ਨੂੰ ਰਿਟਰਨਿੰਗ ਅਫਸਰ ਵੱਲੋਂ ਗਿਣਤੀ ਸਮੇਂ ਵਿਘਨ ਪਾਉਣ ਅਤੇ ਰੌਲਾ ਪਾਉਣ ਕਰਕੇ ਉਸਨੂੰ ਵਾਰ-ਵਾਰ ਵਾਰਨਿੰਗ ਦੇ ਕੇ ਰੋਕਿਆ ਗਿਆ, ਪ੍ਰੰਤੂ ਉਹ ਆਪਣੀ ਜਿੱਦ ‘ਤੇ ਵਾਜਿੱਦ ਰਿਹਾ, ਉਸ ਵੱਲੋਂ ਐਸ.ਡੀ.ਐਮ ਕਮ-ਰਿਟਰਨਿੰਗ ਅਫਸਰ ਅਤੇ ਉਹਨਾਂ ਦੇ ਸਟਾਫ ਨਾਲ ਮਿਸਬਿਹੇਵ ਕੀਤਾ ਗਿਆ। ਜਿਸਨੇ ਸ਼ਾਂਤੀ ਪੂਰਵਕ ਚੱਲ ਰਹੀ ਗਿਣਤੀ ਪ੍ਰਕਿਰਿਆ ਵਿੱਚ ਵਿਘਨ ਪਾਇਆ ਹੈ। ਰਿਟਰਨਿੰਗ ਅਫਸਰ ਵੱਲੋਂ ਉਸਨੂੰ ਪਰੇ ਹਟਾਉਣ ਦਾ ਹੁਕਮ ਕੀਤਾ ਗਿਆ। ਜਦੋਂ ਪੁਲਿਸ ਵੱਲੋਂ ਇਸਨੂੰ ਇੱਕ ਪਾਸੇ ਹਟਣ ਲਈ ਕਿਹਾ ਗਿਆ ਤਾਂ ਉਸ ਵੱਲੋਂ ਪੁਲਿਸ ਨਾਲ ਲਾ-ਕਾਨੂੰਨੀ ਕਰਦਿਆਂ ਹੋਇਆਂ ਧੱਕਾ-ਮੁੱਕੀ ਅਤੇ ਗਾਲੀ-ਗਲੋਚ ਕੀਤੀ, ਜਿਸਨੂੰ ਗਿਣਤੀ ਸੈਂਟਰ ਵਿਚੋਂ ਰੀਮੂਵ ਕੀਤਾ ਗਿਆ, ਜਿਸ ‘ਤੇ ਰਿਟਰਨਿੰਗ ਅਫਸਰ ਖੰਨਾ ਦੀ ਦਰਖਾਸਤ ‘ਤੇ ਬਣਦੀ ਕਾਨੂੰਨੀ ਕਾਰਵਾਈ ਕਰਦੇ ਹੋਏ ਯਾਦਵਿੰਦਰ ਸਿੰਘ ਯਾਦੂ ਦੇ ਵਿਰੁੱਧ ਮੁਕੱਦਮਾ ਨੰਬਰ 212 ਮਿਤੀ 18-12-2025 /ਧ 174/221/223/132/351(2) ਬੀ.ਐਨ.ਐਸ. ਥਾਣਾ ਸਿਟੀ-2 ਖੰਨਾ ਵਿਖੇ ਦਰਜ ਕਰਕੇ ਹਸਬ-ਜਾਬਤਾ ਗ੍ਰਿਫਤਾਰ ਕੀਤਾ ਗਿਆ।
ਜਿਸ ਦੇ ਵਿਰੋਧ ਵਿੱਚ ਕੁੱਝ ਸ਼ਰਾਰਤੀ ਅੰਸਰਾਂ ਵੱਲੋਂ 3 ਘੰਟੇ ਲਈ ਨੈਸ਼ਨਲ ਹਾਈਵੇ ਜਾਮ ਕਰ ਦਿੱਤਾ ਗਿਆ ਅਤੇ ਆਮ ਪਬਲਿਕ ਦੀ ਆਵਾਜਾਈ ਨੂੰ ਵੀ ਰੋਕਿਆ ਗਿਆ। ਜਿਸ ‘ਤੇ ਇਹਨਾਂ ਨਾ-ਮਲੂਮ ਵਿਅਕਤੀਆਂ ਵਿਰੁੱਧ ਮੁਕੱਦਮਾ ਨੰਬਰ 213 ਮਿਤੀ 18-12-2025 ਅ/ਧ 285 ਬੀ.ਐਨ.ਐਸ, 8(ਬੀ), ਨੈਸ਼ਨਲ ਹਾਈਵੇ ਐਕਟ 1956 ਥਾਣਾ ਸਿਟੀ-2 ਖੰਨਾ ਅਤੇ ਮੁਕੱਦਮਾ ਨੰਬਰ 184 ਮਿਤੀ 18-12-2025 ਅ/ਧ 223/285 ਬੀ.ਐਨ.ਐਸ. 8(ਬੀ), ਨੈਸ਼ਨਲ ਹਾਈਵੇ ਐਕਟ 1956 ਥਾਣਾ ਸਿਟੀ ਖੰਨਾ ਦਰਜ ਰਜਿਸਟਰ ਕੀਤੇ ਗਏ ਹਨ। ਯਾਦਵਿੰਦਰ ਸਿੰਘ ਯਾਦੂ ਨੂੰ ਅਦਾਲਤ ਸ੍ਰੀ ਭੁਪਿੰਦਰ ਮਿੱਤਲ SDJM ਖੰਨਾ ਦੇ ਪੇਸ਼ ਅਦਾਲਤ ਕੀਤਾ ਗਿਆ, ਜੱਜ ਸਾਹਿਬ ਵੱਲੋਂ ਯਾਦਵਿੰਦਰ ਸਿੰਘ ਯਾਦੂ ਦਾ 14 ਦਿਨ ਦਾ ਜੁਡੀਸ਼ੀਅਲ ਰਿਮਾਂਡ ਫੁਰਮਾ ਕੇ ਕੇਂਦਰੀ ਜੇਲ੍ਹ ਲੁਧਿਆਣਾ ਭੇਜਿਆ ਗਿਆ ਹੈ। ਬਾਕੀ ਗਿਣਤੀ ਕੇਂਦਰਾਂ ‘ਤੇ ਅਮਨ ਅਮਾਨ ਅਤੇ ਸ਼ਾਂਤੀ ਪੂਰਵਕ ਵੋਟਾਂ ਦੀ ਗਿਣਤੀ ਸੰਪੰਨ ਕੀਤੀ ਗਈ ਹੈ। ਉਕਤ ਘਟਨਾ ਸਬੰਧੀ ਇੰਸਪੈਕਟਰ ਹਰਦੀਪ ਸਿੰਘ, ਮੁੱਖ ਅਫਸਰ, ਥਾਣਾ ਸਿਟੀ-2 ਖੰਨਾ ਦੀ ਮੁਅੱਤਲੀ ਸਬੰਧੀ ਫੇਕ ਨਿਊਜ਼ ਸੋਸ਼ਲ ਮੀਡੀਆ ‘ਤੇ ਚੱਲ ਰਹੀਆਂ ਹਨ, ਜਿਹਨਾਂ ਵਿੱਚ ਕੋਈ ਸਚਾਈ ਨਹੀਂ ਹੈ। ਯਾਦਵਿੰਦਰ ਸਿੰਘ ਉਰਫ ਯਾਦੂ ਦੇ ਵਿਰੁੱਧ ਪਹਿਲਾਂ ਵੀ ਕਈ ਮੁਕੱਦਮੇ ਦਰਜ ਹਨ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
