ਸਾਵਧਾਨ ! ਇੱਕ ਬਟਨ ਦਬਾਉਂਦੇ ਹੀ ਤੁਹਾਡੇ ਅਕਾਊਂਟ ਤੋਂ ਗਾਇਬ ਹੋ ਸਕਦੇ ਨੇ ਸਾਰੇ ਪੈਸੇ
ਨਵੀਂ ਦਿੱਲੀ : ਜੇਕਰ ਤੁਹਾਨੂੰ ਕੋਈ ਅਜਿਹੀ ਕਾਲ ਆਉਂਦੀ ਹੈ ਜਿਸ ਵਿੱਚ ਤੁਹਾਨੂੰ ਕਿਹਾ ਜਾਂਦਾ ਹੈ ਕਿ ਜੇਕਰ ਤੁਸੀ ਆਪਣਾ ਸਿਮ ਅਪਡੇਟ ਨਹੀਂ ਕਰਦੇ ਤਾਂ ਛੇਤੀ ਹੀ ਇਹ ਡੀਐਕਟੀਵੇਟ ਹੋ ਜਾਵੇਗਾ, ਤਾਂ ਸੁਚੇਤ ਹੋ ਜਾਓ। ਅੱਜਕੱਲ੍ਹ ਸਿਮ ਡੀਐਕਟੀਵੇਟ ਹੋਣ ਦਾ ਡਰ ਦਿਖਾ ਕੇ ਲੋਕਾਂ ਨੂੰ ਲੁੱਟਿਆ ਜਾ ਰਿਹਾ ਹੈ। ਅਜਿਹੀ ਕਾਲ ਉੱਤੇ ਜਾਣਕਾਰੀ ਦੇ ਕੇ ਤੁਸੀ ਸਿਮ ਸਵੈਪ ਫਰਾਡ ਦਾ ਸ਼ਿਕਾਰ ਹੋ ਸਕਦੇ ਹੋ। ਹਾਲ ਹੀ ਵਿੱਚ ਪੁਣੇ ਦੇ ਇੱਕ ਸ਼ਖਸ ਨੂੰ ਇਸ ਦਾ ਸ਼ਿਕਾਰ ਹੋਣ ਦੇ ਚਲਦੇ 93,500 ਰੁਪਏ ਖੋਣੇ ਪਏ।
ਲੱਗ ਚੁੱਕਾ ਹੈ ਲੱਖਾਂ ਦਾ ਚੂਨਾ
ਪਿਛਲੇ ਦਿਨੀਂ ਦਿੱਲੀ ਦੇ ਇਕ ਵਿਅਕਤੀ ਨੂੰ ਸਿਮ ਸਵੈਪਿੰਗ ਦੇ ਜ਼ਰੀਏ ਕਰੀਬ 4 ਲੱਖ ਰੁਪਏ ਦਾ ਚੂਨਾ ਲੱਗ ਗਿਆ। ਇਸ ਤੋਂ ਪਹਿਲਾਂ ਪੂਣੇ ਦੇ ਇਕ ਵਿਅਕਤੀ ਨਾਲ ਕਰੀਬ 1 ਲੱਖ ਰੁਪਏ ਦੀ ਧੋਖਾਧੜੀ ਦਾ ਮਾਮਲਾ ਸਾਹਮਣੇ ਆ ਚੁੱਕਾ ਹੈ। ਜੇਕਰ ਤੁਹਾਨੂੰ ਜਾਂ ਤੁਹਾਡੇ ਕਿਸੇ ਦੋਸਤ ਨੂੰ ਇਸ ਤਰ੍ਹਾਂ ਦਾ ਕੋਈ ਕਾਲ ਆਉਂਦਾ ਹੈ ਤਾਂ ਤੁਹਾਨੂੰ ਸਾਵਧਾਨ ਰਹਿਣ ਦੀ ਜ਼ਰੂਰਤ ਹੈ। ਇਸ ਦੇ ਨਾਲ ਹੀ ਤੁਹਾਨੂੰ ਇਹ ਵੀ ਸਮਝ ਲੈਣਾ ਚਾਹੀਦਾ ਹੈ ਕਿ ਸਿਮ ਸਵੈਪਿੰਗ ਆਖਿਰ ਹੁੰਦੀ ਕੀ ਹੈ ਅਤੇ ਹੈਕਰ ਕਿਵੇਂ ਤੁਹਾਨੂੰ ਆਪਣਾ ਸ਼ਿਕਾਰ ਬਣਾਉਂਦੇ ਹਨ।
Read Also ਆਨਲਾਈਨ ਸ਼ਾਪਿੰਗ ਕਰਨ ਵਾਲੇ ਹੋ ਜਾਣ ਸਾਵਧਾਨ!
ਕੀ ਹੈ ਸਿਮ ਸਵੈਪ
ਸਿਮ ਸਵੈਪ ਦਾ ਸਿੱਧਾ ਜਿਹਾ ਮਤਲਬ ਹੈ ਸਿਮ ਐਕਸਚੇਂਜ। ਇਸ ਵਿਚ ਤੁਹਾਡੇ ਫੋਨ ਨੰਬਰ ਤੋਂ ਇਕ ਨਵੇਂ ਸਿਮ ਦਾ ਰਜਿਸਟਰੇਸ਼ਨ ਕਰ ਲਿਆ ਜਾਂਦਾ ਹੈ। ਇਸ ਤਰ੍ਹਾਂ ਹੋਣ ਨਾਲ ਤੁਹਾਡਾ ਸਿਮ ਕਾਰਡ ਤੁਰੰਤ ਕੰਮ ਕਰਨਾ ਬੰਦ ਕਰ ਦਿੰਦਾ ਹੈ ਅਤੇ ਤੁਹਾਡੇ ਫੋਨ ਵਿਚ ਸਿਗਨਲ ਆਉਣਾ ਬੰਦ ਹੋ ਜਾਂਦਾ ਹੈ। ਇਹ ਇੰਨੀ ਜਲਦੀ ਹੁੰਦਾ ਹੈ ਕਿ ਕੁਝ ਦੇਰ ਲਈ ਤਾਂ ਤੁਸੀਂ ਸਮਝ ਵੀ ਨਹੀਂ ਪਾਉਂਦੇ ਕਿ ਤੁਹਾਡੇ ਨਾਲ ਹੋਇਆ ਕੀ ਹੈ। ਜਿਸ ਸਮੇਂ ਤੱਕ ਸਮਝ ਆਉਂਦੀ ਹੈ ਉਸ ਸਮੇਂ ਤੱਕ ਕਾਫੀ ਦੇਰ ਹੋ ਚੁੱਕੀ ਹੁੰਦੀ ਹੈ। ਹੈਕਰ ਤੁਹਾਡੇ ਨੰਬਰ ਤੋਂ ਰਜਿਸਟਰ ਹੋਏ ਦੂਜੇ ਸਿਮ ‘ਤੇ ਆਉਣ ਵਾਲੇ ਓ.ਟੀ.ਪੀ. ਦੀ ਵਰਤੋਂ ਕਰਕੇ ਪੈਸੇ ਆਪਣੇ ਖਾਤੇ ਵਿਚ ਟਰਾਂਸਫਰ ਕਰ ਲੈਂਦੇ ਹਨ।
ਇਸ ਤਰ੍ਹਾਂ ਹੁੰਦੀ ਹੈ ਸਿਮ ਸਵੈਪਿੰਗ ਦੀ ਸ਼ੁਰੂਆਤ
ਸਿਮ ਸਵੈਪਿੰਗ ਦੀ ਸ਼ੁਰੂਆਤ ਇਕ ਕਾਲ ਤੋਂ ਸ਼ੁਰੂ ਹੁੰਦੀ ਹੈ। ਇਸ ਕਾਲ ਜ਼ਰੀਏ ਕਾਲਰ ਦਾਅਵਾ ਕਰਦਾ ਹੈ ਕਿ ਉਹ ਟੈਲੀਕਾਮ ਕੰਪਨੀ ਦਾ ਐਗਜ਼ੀਕਿਊਟਿਵ ਬੋਲ ਰਿਹਾ ਹੈ। ਇਹ ਤੁਹਾਨੂੰ ਦੱਸਦਾ ਹੈ ਕਿ ਤੁਹਾਡਾ ਸਿਮ ਅਪਡੇਟ ਨਹੀਂ ਹੈ। ਸਿਮ ਅਪਡੇਟ ਹੋਣ ‘ਤੇ ਤੁਹਾਡੀ ਕਾਲ ਡਰਾਪਿੰਗ ਦੀ ਸਮੱਸਿਆ ਠੀਕ ਹੋ ਜਾਵੇਗੀ ਅਤੇ ਇੰਟਰਨੈੱਟ ਦੀ ਸਪੀਡ ਵਧ ਜਾਵੇਗੀ। ਇਸ ਦੌਰਾਨ ਉਹ ਤੁਹਾਡੇ ਕੋਲੋਂ ਤੁਹਾਡੇ ਸਿਮ ਦਾ 20 ਡਿਜਿਟ ਦਾ ਯੂਨੀਕ ਨੰਬਰ ਮੰਗਦਾ ਹੈ। ਕਈ ਵਾਰ ਲੋਕ ਗੱਲਾਂ ਵਿਚ ਆ ਕੇ ਸਿਮ ਦੇ ਪਿੱਛੇ ਲਿਖਿਆ ਹੋਇਆ ਯੂਨੀਕ ਨੰਬਰ ਦੇ ਦਿੰਦੇ ਹਨ।
ਯੂਨੀਕ ਨੰਬਰ ਲੈਣ ਤੋਂ ਬਾਅਦ ਕਾਲਰ ਤੁਹਾਨੂੰ 1 ਨੰਬਰ ਪ੍ਰੈੱਸ ਕਰਨ ਲਈ ਕਹਿੰਦਾ ਹੈ। ਇਸ ਨਾਲ ਆਥੈਂਟਿਕੇਸ਼ਨ ਹੁੰਦਾ ਹੈ ਅਤੇ ਸਿਮ ਸਵੈਪ ਦਾ ਪ੍ਰੋਸੈੱਸ ਪੂਰਾ ਹੋ ਜਾਂਦਾ ਹੈ। ਸਿਮ ਸਵੈਪ ਹੁੰਦੇ ਹੀ ਤੁਹਾਡੇ ਨੰਬਰ ਦੇ ਸਿਗਨਲ ਗਾਇਬ ਹੋ ਜਾਂਦੇ ਹਨ ਅਤੇ ਦੂਜੇ ਪਾਸੇ ਤੁਹਾਡੇ ਨੰਬਰ ਵਾਲੇ ਸਕੈਮਰ ਦੇ ਸਿਮ ਕਾਰਡ ਵਾਲੇ ਫੋਨ ‘ਚ ਸਿਗਨਲ ਆਉਣ ਲੱਗਦੇ ਹਨ। ਜ਼ਿਆਦਾਤਰ ਕੇਸਾਂ ਵਿਚ ਸਕੈਮਰ ਕੋਲ ਤੁਹਾਡੀ ਬੈਂਕਿੰਗ ਆਈ.ਡੀ. ਅਤੇ ਪਾਸਵਰਡ ਹੁੰਦਾ ਹੈ। ਹੁਣ ਉਸਨੂੰ ਬਸ ਓ.ਟੀ.ਪੀ. ਦੀ ਜ਼ਰੂਰਤ ਹੁੰਦੀ ਹੈ, ਜਿਹੜਾ ਕਿ ਸਿਮ ‘ਚ ਆਉਂਦਾ ਹੈ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
