ਉਡ਼ਾਣ ‘ਚ ਦੇਰੀ ਹੋਣ ‘ਤੇ ਏਅਰ ਇੰਡੀਆ ਨੇ ਦਿੱਤਾ ਯਾਤਰੀਆਂ ਨੂੰ ਮੁਆਵਜ਼ਾ

ਨਵੀ ਦਿੱਲੀ : ਸਰਕਾਰੀ ਏਅਰਲਾਈਨਸ ਕੰਪਨੀ ਏਅਰ ਇੰਡੀਆ ਨੇ ਬੀਤੀ 28 ਮਈ ਨੂੰ ਲੰਦਨ ਤੋਂ ਮੁੰਬਈ ਦੀ ਫਲਾਇਟ ‘ਚ ਹੋਈ ਦੇਰੀ ਨੂੰ ਲੈ ਕੇ ਹਰ ਯਾਤਰੀ ਨੂੰ 47,700 ਰੁਪਏ ਦਾ ਮੁਆਵਜ਼ਾ ਦਿੱਤਾ ਹੈ। ਜਹਾਜ਼ ‘ਚ ਤਕਨੀਕੀ ਖਰਾਬੀ ਆਉਣ ਦੀ ਵਜ੍ਹਾ ਨਾਲ ਫਲਾਇਟ ਨੂੰ ਦੋ ਦਿਨ ਤੋੋਂ ਜ਼ਿਆਦਾ ਦਾ ਸਮਾਂ ਲੱਗ ਗਿਆ ਸੀ। ਪਹਿਲਾਂ ਤਾਂ ਕਪੰਨੀ ਨੇ ਦੁੱਖ ਜਤਾਉਂਦੇ ਹੋਏ ਕਿਸੇ ਤਰ੍ਹਾਂ ਦੀ ਜਵਾਬਦੇਹੀ ਲੈਣ ਤੋਂ ਮਨਾ ਕੀਤਾ ਸੀ ਪਰ ਬਾਅਦ ਵਿੱਚ ਉਸਨੇ ਮੁਆਵਜ਼ਾ ਦੇਣ ਦਾ ਕਦਮ ਚੁੱਕਿਆ।

Read Also ਅੰਮ੍ਰਿਤਸਰ ਤੋਂ ਲੰਡਨ ਲਈ ਏਅਰ ਇੰਡੀਆ ਨੇ ਭਰੀ ਪਹਿਲੀ ਉਡਾਣ

ਸਲਾਨਾ 700 ਕਰੋੜ਼ ਦੀ ਬਚਤ
ਇਹ ਮੁਆਵਜ਼ਾ ਯੂਰਪੀ ਸੰਘ ਦੇ ਨਿਯਮਾਂ ਮੁਤਾਬਕ ਦਿੱਤਾ ਗਿਆ ਹੈ। ਇਹ ਇੱਕ ਮਹੱਤਵਪੂਰਣ ਘਟਨਾਕ੍ਰਮ ਹੈ, ਕਿਉਂਕਿ ਭਾਰਤ ਵਿੱਚ ਜਹਾਜ਼ ਦੀ ਦੇਰੀ ਹੋਣ ‘ਤੇ ਕੁਝ ਯਾਤਰੀ ਮੁਆਵਜ਼ੇ ਦੀ ਮੰਗ ਕਰਦੇ ਹਨ। ਭਾਰਤੀ ਹਵਾਬਾਜ਼ੀ ਦੇ ਨਿਯਮਾਂ ਅਨੁਸਾਰ ਫਲਾਇਟ ਕੈਂਸਲ ਹੋਣ ਜਾਂ ਕੰਪਨੀ ਦੁਆਰਾ ਬੋਰਡਿੰਗ ਤੋਂ ਮਨਾ ਕਰਨ ‘ਤੇ ਮੁਆਵਜ਼ੇ ਦੇਣ ਦਾ ਕਦਮ ਚੁੱਕਿਆ ਹੈ। ਏਵੀਏਸ਼ਨ ਸੈਕਟਰ ਦੇ ਮਾਹਿਰਾਂ ਮੁਤਾਬਕ ਜਿਆਦਾਤਰ ਭਾਰਤੀ ਯਾਤਰੀ ਮੁਆਵਜ਼ੇੇ ਦੀ ਮੰਗ ਨਹੀਂ ਕਰਦੇ ਹਨ ਅਤੇ ਇਸਦੀ ਵਜ੍ਹਾ ਨਾਲ ਭਾਰਤ ਦੀ ਏਅਰਲਾਈਨ ਕੰਪਨੀ ਸਾਲਾਨਾ 10 ਕਰੋੜ਼ ਡਾਲਰ ( 700 ਕਰੋੜ਼ ਰੁਪਏ) ਬਚਾਉਂਦੀ ਹੈ।

ਕੰਪਨੀ ਨੇ ਜਵਾਬਦੇਹੀ ਲੈਣ ਤੋਂਂ ਕੀਤਾ ਸੀ ਇਨਕਾਰ
ਯਾਤਰੀਆਂ ਨੇ ਈ – ਮੇਲ ਕਰਕੇ ਜਦੋਂ ਇੰਡੀਅਨ ਏਅਰਲਾਈਨਸ ਤੋਂ ਮੁਆਵਜ਼ਾ ਮੰਗਿਆ ਸੀ, ਤਾਂ ਕੰਪਨੀ ਨੇ ਦੁੱਖ ਜਤਾਉਂਦੇ ਹੋਏ ਕਿਹਾ ਸੀ ਕਿ ਉਹ ਇਸਦੀ ਜਵਾਬਦੇਹੀ ਲੈਣ ‘ਚ ਸਮਰੱਥਾਵਾਨ ਨਹੀਂ ਹੈ। ਏਅਰ ਇੰਡੀਆ ਦੇ ਏਆਈ – 130 ਜਹਾਜ਼ ਨੇ ਤਕਨੀਕੀ ਖਰਾਬੀ ਦੀ ਵਜ੍ਹਾ ਨਾਲ 28 ਮਈ ਨੂੰ 49 ਘੰਟੇ ਦੀ ਦੇਰੀ ਨਾਲ ਉਡ਼ਾਣ ਭਰੀ ਸੀ।ਯੂਰਪੀ ਸੰਘ ਦੇ ਨਿਯਮ 261 / 2004 ਦੇ ਮੁਤਾਬਕ ਯੂਰਪ ਤੋਂਂ ਉਡ਼ਾਣ ਭਰਨ ਵਾਲਾ ਕੋਈ ਵੀ ਜਹਾਜ਼ ਜੇਕਰ ਆਪਣੇ ਸਮੇਂ ਤੋਂ ਤਿੰਨ ਘੰਟੇ ਤੋਂ ਜਿਆਦਾ ਦੇਰੀ ਨਾਲ ਪਹੁੰਚਦਾ ਹੈ ਤਾਂ ਕੰਪਨੀ ਨੂੰ ਹਰ ਯਾਤਰੀ ਨੂੰ 47,700 ਰੁਪਏ ਜੁਰਮਾਨਾ ਦੇਣ ਦਾ ਐਲਾਨ ਕੀਤਾ ਹੈ।