ਜਾਪਾਨ ‘ਚ ਲੱਗੇ ਭੂਚਾਲ ਦੇ ਤੇਜ਼ ਝਟਕੇ, 22 ਲੋਕ ਜ਼ਖਮੀ

ਮੱਧ ਜਾਪਾਨ ਵਿੱਚ ਅੱਜ ਭੂਚਾਲ ਆਇਆ। ਸਥਾਨਕ ਮੀਡੀਆ ਅਨੁਸਾਰ, ਘੱਟੋ-ਘੱਟ 22 ਲੋਕ ਜ਼ਖਮੀ ਹੋਏ, ਦੁਕਾਨਾਂ ਦੇ ਸ਼ੀਸ਼ੇ ਟੁੱਟ ਗਏ ਅਤੇ ਲੋਕ ਇਮਾਰਤਾਂ ਵਿੱਚੋਂ ਬਾਹਰ ਨਿਕਲ ਆਏ। ਜਾਪਾਨ ਮੌਸਮ ਵਿਗਿਆਨ ਏਜੰਸੀ ਨੇ ਭੂਚਾਲ ਦੀ ਤੀਬਰਤਾ 5.7 ਦੱਸੀ ਹੈ, ਜਦੋਂ ਕਿ ਯੂ.ਐੱਸ. ਜਿਓਲੋਜੀਕਲ ਸਰਵੇ ਨੇ ਇਸਨੂੰ 5.5 ਮਾਪਿਆ ਹੈ।ਅੱਜ ਐਤਵਾਰ ਸਵੇਰੇ ਆਏ ਇਸ ਭੂਚਾਲ ਦਾ ਕੇਂਦਰ ਸ਼ਿਜ਼ੂਓਕਾ ਪ੍ਰੀਫੈਕਚਰ (ਖੇਤਰ) ਵਿੱਚ, ਧਰਤੀ ਦੀ ਸਤ੍ਹਾ ਤੋਂ ਲਗਭਗ 40 ਕਿਲੋਮੀਟਰ ਹੇਠਾਂ ਸੀ। ਆਈਚੀ ਪ੍ਰੀਫੈਕਚਰ ਦੇ ਨੇੜਲੇ ਇੱਕ ਵੱਡੇ ਖੇਤਰ ‘ਤੇ ਇਸਦਾ ਅਸਰ ਪਿਆ, ਜਿਸ ਵਿੱਚ ਹਾਮਾਮਾਤਸੂ ਸ਼ਹਿਰ, ਕਿਓਟੋ ਅਤੇ ਨਾਰਾ ਵਰਗੀਆਂ ਪ੍ਰਾਚੀਨ ਰਾਜਧਾਨੀਆਂ, ਅਤੇ ਯਾਮਾਨਾਸ਼ੀ ਤੇ ਗਿਫੂ ਵਰਗੇ ਗੁਆਂਢੀ ਪ੍ਰੀਫੈਕਚਰ ਸ਼ਾਮਲ ਹਨ। ਅਧਿਕਾਰਤ ਭੂਚਾਲ ਸੰਬੰਧੀ ਮੁਲਾਂਕਣਾਂ ਅਨੁਸਾਰ, ਸਭ ਤੋਂ ਤੇਜ਼ ਝਟਕੇ ਆਈਚੀ ਵਿੱਚ ਮਹਿਸੂਸ ਕੀਤੇ ਗਏ। ਟੋਕੀਓ ਵਿੱਚ ਇਹ ਭੂਚਾਲ ਮਹਿਸੂਸ ਨਹੀਂ ਕੀਤਾ ਗਿਆ, ਕਿਉਂਕਿ ਇਹ ਪ੍ਰਭਾਵਿਤ ਖੇਤਰਾਂ ਤੋਂ ਕਾਫ਼ੀ ਦੂਰੀ ‘ਤੇ ਸਥਿਤ ਹੈ