ਅੰਮ੍ਰਿਤਸਰ ਦੇ ਏਅਰਪੋਰਟ ਰੋਡ ’ਤੇ ਸਥਿਤ ਬਲਿੰਕਿਟ ਸਟੋਰ ਦੇ ਡਿਲੀਵਰੀ ਰਾਈਡਰਾਂ ਨੇ ਕੰਪਨੀ ਦੀਆਂ ਘੱਟ ਰਹੀਆਂ ਦਰਾਂ ਅਤੇ ਮਾੜੀਆਂ ਨੀਤੀਆਂ ਖ਼ਿਲਾਫ਼ ਮੋਰਚਾ ਖੋਲ੍ਹ ਦਿੱਤਾ ਹੈ। ਰਾਈਡਰ ਯੂਨੀਅਨ ਦੇ ਪ੍ਰਧਾਨ ਅਤੇ ਡਾ. ਬੀ.ਆਰ. ਅੰਬੇਡਕਰ ਸੈਨਾ ਦੇ ਪੰਜਾਬ ਚੇਅਰਮੈਨ ਜਗਜੀਤ ਸਿੰਘ ਦੀ ਅਗਵਾਈ ਹੇਠ ਸ਼ਾਸਤਰੀ ਨਗਰ (ਗੁਮਟਾਲਾ) ਸਟੋਰ ‘ਤੇ ਕੰਮ ਠੱਪ ਕਰਕੇ ਜ਼ੋਰਦਾਰ ਪ੍ਰਦਰਸ਼ਨ ਕੀਤਾ ਗਿਆ। ਪ੍ਰਦਰਸ਼ਨਕਾਰੀਆਂ ਨੇ ਚੇਤਾਵਨੀ ਦਿੱਤੀ ਹੈ ਕਿ ਜੇਕਰ ਉਨ੍ਹਾਂ ਦੀਆਂ ਮੰਗਾਂ ਨਾ ਮੰਨੀਆਂ ਗਈਆਂ ਤਾਂ ਇਹ ਸੰਘਰਸ਼ ਪੂਰੇ ਪੰਜਾਬ ਪੱਧਰ ‘ਤੇ ਵਿੱਢਿਆ ਜਾਵੇਗਾਕਮਾਈ ‘ਚ ਵੱਡੀ ਕਟੌਤੀ: ਰਾਈਡਰਾਂ ਦਾ ਕਹਿਣਾ ਹੈ ਕਿ ਪਹਿਲਾਂ ਉਨ੍ਹਾਂ ਨੂੰ ਪ੍ਰਤੀ ਘੰਟਾ 100 ਰੁਪਏ ਤੋਂ ਵੱਧ ਦੀ ਕਮਾਈ ਹੁੰਦੀ ਸੀ, ਜੋ ਹੁਣ ਘਟਾ ਕੇ ਮਹਿਜ਼ 70 ਰੁਪਏ ਕਰ ਦਿੱਤੀ ਗਈ ਹੈ।
12 ਤੋਂ 15 ਘੰਟੇ ਕੰਮ ਦਾ ਬੋਝ: ਪਹਿਲਾਂ 8 ਘੰਟੇ ਦੀ ਸ਼ਿਫ਼ਟ ‘ਚ ਗੁਜ਼ਾਰਾ ਹੋ ਜਾਂਦਾ ਸੀ, ਪਰ ਹੁਣ ਪੈਟਰੋਲ ਦੇ ਵਧ ਰਹੇ ਖਰਚੇ ਅਤੇ ਮਹਿੰਗਾਈ ਕਾਰਨ ਰੋਜ਼ਾਨਾ ਦਾ ਖਰਚਾ ਕੱਢਣ ਲਈ 12 ਤੋਂ 15 ਘੰਟੇ ਕੰਮ ਕਰਨਾ ਪੈ ਰਿਹਾ ਹੈ।
ਇਨਸੈਂਟਿਵ ਸਿਸਟਮ ‘ਚ ਬਦਲਾਅ: 30 ਆਰਡਰਾਂ ‘ਤੇ ਮਿਲਣ ਵਾਲਾ 250 ਤੋਂ 300 ਰੁਪਏ ਦਾ ਇਨਸੈਂਟਿਵ, ਜੋ ਪੈਟਰੋਲ ਦੇ ਖਰਚੇ ਨੂੰ ਸੰਭਾਲਦਾ ਸੀ, ਹੁਣ ਨਾਮਾਤਰ ਰਹਿ ਗਿਆ ਹੈ।
ਲੋੜ ਤੋਂ ਵੱਧ ਭਰਤੀ: ਇੱਕੋ ਸਟੋਰ ‘ਤੇ ਜ਼ਿਆਦਾ ਰਾਈਡਰ ਭਰਤੀ ਕਰਨ ਨਾਲ ਪੁਰਾਣੇ ਰਾਈਡਰਾਂ ਨੂੰ ਆਰਡਰ ਮਿਲਣੇ ਘੱਟ ਹੋ ਗਏ ਹਨ।
ID ਬੰਦ ਕਰਨ ਦੀਆਂ ਧਮਕੀਆਂ: ਰਾਈਡਰਾਂ ਨੇ ਦੋਸ਼ ਲਾਇਆ ਕਿ ਹੱਕਾਂ ਲਈ ਆਵਾਜ਼ ਚੁੱਕਣ ‘ਤੇ ਉਨ੍ਹਾਂ ਨੂੰ ਕੰਪਨੀ ਦੀ ID ਬੰਦ ਕਰਨ ਅਤੇ ਪੁਲਿਸ ਕਾਰਵਾਈ ਕਰਵਾਉਣ ਦੀਆਂ ਧਮਕੀਆਂ ਦਿੱਤੀਆਂ ਜਾ ਰਹੀਆਂ ਹਨ।
ਰਾਈਡਰਾਂ ਨੇ ਸਾਫ਼ ਕੀਤਾ ਹੈ ਕਿ ਜੇਕਰ ਉਨ੍ਹਾਂ ਦੀਆਂ ਮੰਗਾਂ ਵੱਲ ਧਿਆਨ ਨਾ ਦਿੱਤਾ ਗਿਆ ਤਾਂ ਹੜਤਾਲ ਦਾ ਘੇਰਾ ਵਧਾ ਕੇ ਬਾਕੀ ਸਟੋਰਾਂ ਤੱਕ ਵੀ ਫੈਲਾਇਆ ਜਾਵੇਗਾ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
