ਰੋਪੜ, ਸਰਹਿੰਦ ਨਹਿਰ ਦੇ ਉੱਪਰ ਰੋਪੜ-ਚੰਡੀਗੜ੍ਹ ਨੈਸ਼ਨਲ ਹਾਈਵੇ ਲੋਹੇ ਦੇ ਬਣੇ ਪੁੱਲ ਨੂੰ ਹੁਣ ਚੋਰਾਂ ਤੋਂ ਵੱਡਾ ਖਤਰਾ ਪੈਦਾ ਹੋ ਗਿਆ ਹੈ। ਚੋਰਾਂ ਵੱਲੋਂ ਇਸ ਪੁੱਲ ਦੇ ਹੇਠਲੇ ਪਾਸੇ ਲਗਾਈਆਂ ਗਈਆਂ ਸਪੋਰਟਾਂ ਅਤੇ ਐਂਗਲਾਂ ਦੇ ਨੱਟ ਖੋਲੇ ਗਏ ਹਨ ਇੱਕ ਪਾਸਿਓਂ ਚਾਰ ਸਪੋਰਟਾਂ ਦੂਜੇ ਪਾਸਿਓਂ ਤਿੰਨ ਸਪੋਰਟਾਂ ਖੋਲ ਕੇ ਚੋਰ ਆਪਣੇ ਨਾਲ ਲੈ ਗਏ। ਇਸ ਨਾਲ ਪੁੱਲ ਦੇ ਸੁਰੱਖਿਆ ਤੇ ਮਜਬੂਤੀ ਨੂੰ ਇੱਕ ਵੱਡਾ ਖਤਰਾ ਪੈਦਾ ਹੋਇਆ ਹੈ।
ਇਸ ਸਾਰੇ ਮਾਮਲੇ ਦਾ ਉਦੋਂ ਪਤਾ ਲੱਗਿਆ ਜਦੋਂ ਪੁੱਲ ਦੇ ਉੱਤੇ ਇੱਕ ਲਾਈਟ ਲਗਾਣ ਦਾ ਕੰਮ ਕਰਨ ਲਈ ਆਇਆ ਕਰਮਚਾਰੀ ਪੁੱਲ ਦੇ ਹੇਠਾਂ ਉਤਰਿਆ ਤਾਂ ਉਸਨੇ ਦੇਖਿਆ ਕਿ ਕੁਝ ਨੌਜਵਾਨ ਉਸਨੂੰ ਦੇਖ ਕੇ ਭੱਜੇ ਅਤੇ ਜਦੋਂ ਉਸਨੇ ਅੱਗੇ ਜਾ ਕੇ ਦੇਖਿਆ ਤਾਂ ਚੋਰ ਪੁਲ ਦੇ ਨਟ ਖੋਲ ਕੇ ਹੋਰ ਸਪੋਰਟਾਂ ਵੀ ਉਥੋਂ ਚੋਰੀ ਕਰਨ ਦੀ ਤਾਕ ਵਿੱਚ ਸਨ।
ਫਿਲਹਾਲ ਇਹ ਸਾਰੇ ਮਾਮਲੇ ਦੀ ਜਾਣਕਾਰੀ ਜ਼ਿਲ੍ਹਾ ਪ੍ਰਸ਼ਾਸਨ ਤੇ ਪੁਲਿਸ ਤੇ ਪੁਲ ਬਣਾਉਣ ਵਾਲੀ ਕੰਪਨੀ ਦੇ ਅਧਿਕਾਰੀਆਂ ਕੋਲ ਜਾ ਚੁੱਕੀ ਹੈ। ਪੁਲ ਬਣਾਉਣ ਵਾਲੀ ਕੰਪਨੀ ਦੇ ਅਧਿਕਾਰੀਆਂ ਵੱਲੋਂ ਇਸ ‘ਤੇ ਅਗਲਾ ਐਕਸ਼ਨ ਲੈਣ ਦੀ ਗੱਲ ਕਹੀ ਗਈ ਹੈ। ਉਹਨਾਂ ਕਿਹਾ ਕਿ ਪੁਲਿਸ ਕੋਲ ਵੀ ਇਸ ਮਾਮਲੇ ਦੀ ਸ਼ਿਕਾਇਤ ਕੀਤੀ ਗਈ ਹੈ। ਜੋ ਪ੍ਰਬੰਧ ਪੁਲ ਦੀ ਸੁਰੱਖਿਆ ਨੂੰ ਲੈ ਕੇ ਕੀਤੇ ਜਾਣੇ ਹਨ, ਉਹ ਵੀ ਜਲਦ ਕੀਤੇ ਜਾਣਗੇ।।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
