ਦਿੱਲੀ ਬਨਾਮ ਬੈਂਗਲੁਰੂ ਵਿਚਾਲੇ ਖੇਡਿਆ ਜਾਵੇਗਾ ਪਹਿਲਾ ਹਾਕੀ ਮੈਚ

ਸੁਰਜੀਤ ਹਾਕੀ ਸੁਸਾਇਟੀ ਵੱਲੋਂ ਕਰਵਾਇਆ ਜਾ ਰਿਹਾ 39ਵਾਂ ਇੰਡੀਅਨ ਆਇਲ ਸਰਵੋ ਸੁਰਜੀਤ ਹਾਕੀ ਟੂਰਨਾਮੈਂਟ 27 ਅਕਤੂਬਰ ਅੱਜ ਤੋਂ ਸਥਾਨਕ ਸੁਰਜੀਤ ਐਸਟ੍ਰੋਟਰਫ ਹਾਕੀ ਸਟੇਡੀਅਮ, ਜਲੰਧਰ ਦੇ ਬਰਲਟਨ ਪਾਰਕ ਵਿਖੇ ਖੇਡਿਆ ਜਾਵੇਗਾ। 9 ਦਿਨਾਂ ਤੱਕ ਚੱਲਣ ਵਾਲੇ ਇਸ ਟੂਰਨਾਮੈਂਟ ਵਿੱਚ ਕੁੱਲ 16 ਟੀਮਾਂ ਭਾਗ ਲੈ ਰਹੀਆਂ ਹਨ।ਇਸ ਸਬੰਧੀ ਸੁਸਾਇਟੀ ਨੇ ਤਿਆਰੀਆਂ ਮੁਕੰਮਲ ਕਰ ਲਈਆਂ ਹਨ। ਇਹ ਟੂਰਨਾਮੈਂਟ ਨਾਕਆਊਟ-ਕਮ-ਲੀਗ ਦੇ ਆਧਾਰ ‘ਤੇ ਖੇਡਿਆ ਜਾ ਰਿਹਾ ਹੈ। ਰੇਲ ਕੋਚ ਫੈਕਟਰੀ ਕਪੂਰਥਲਾ ਬਨਾਮ ASC ਬੈਂਗਲੁਰੂ ਰਾਤ 11 ਵਜੇ, CAG ਦਿੱਲੀ ਬਨਾਮ EME ਜਲੰਧਰ (2.30 PM) ਅਤੇ ਭਾਰਤੀ ਹਵਾਈ ਸੈਨਾ ਬਨਾਮ BSF ਜਲੰਧਰ (4.15 PM) ਖੇਡੇ ਜਾਣਗੇ।ਇਸ ਟੂਰਨਾਮੈਂਟ ਦਾ ਉਦਘਾਟਨ ਪੰਜਾਬ ਦੇ ਕੈਬਨਿਟ ਮੰਤਰੀ ਇੰਦਰਬੀਰ ਸਿੰਘ ਨਿੱਝਰ ਕਰਨਗੇ। ਵੀਰਵਾਰ ਨੂੰ ਕੁੱਲ ਚਾਰ ਮੈਚ ਖੇਡੇ ਜਾਣਗੇ। ਉਦਘਾਟਨੀ ਮੈਚ ਆਰਮੀ (ਗਰੀਨ) ਬੈਂਗਲੁਰੂ ਅਤੇ ਸੀਆਰਪੀਐਫ, ਦਿੱਲੀ ਵਿਚਕਾਰ ਖੇਡਿਆ ਜਾਵੇਗਾ। ਸੁਸਾਇਟੀ ਦੇ ਪ੍ਰਧਾਨ ਅਤੇ ਡੀਸੀ ਜਸਪ੍ਰੀਤ ਸਿੰਘ ਨੇ ਦੱਸਿਆ ਕਿ ਮੈਚ ਵੀਰਵਾਰ ਸਵੇਰ ਤੋਂ ਸ਼ੁਰੂ ਹੋਣਗੇ। ਫਾਈਨਲ ਦੀ ਜੇਤੂ ਟੀਮ ਨੂੰ ਨਕਦ ਰਾਸ਼ੀ ਨਾਲ ਨਿਵਾਜਿਆ ਜਾਵੇਗਾ।ਪੰਜਾਬ ਪੁਲਿਸ, ਇੰਡੀਅਨ ਆਇਲ ਮੁੰਬਈ, ਇੰਡੀਅਨ ਰੇਲਵੇ, ਬੀਐਸਐਫ ਜਲੰਧਰ, ਸੀਆਰਪੀਐਫ ਜਲੰਧਰ, ਈਐਮਈ ਜਲੰਧਰ, ਇੰਡੀਅਨ ਨੇਵੀ ਮੁੰਬਈ, ਆਰਮੀ ਗ੍ਰੀਨ, ਪੰਜਾਬ ਐਂਡ ਸਿੰਧ ਬੈਂਕ, ਪੀਐਨਬੀ ਦਿੱਲੀ, ਆਰਮੀ ਇਲੈਵਨ, ਕੈਗ ਨਵੀਂ ਦਿੱਲੀ, ਆਰਸੀਐਫ ਕਪੂਰਥਲਾ, ਕੋਰਪਸ ਆਫ ਸਿੰਗਲਾਨ, ਇੰਡੀਅਨ ਏਅਰਫੋਰਸ , ASC ਬੰਗਲੌਰ ਦੀਆਂ ਟੀਮਾਂ ਭਾਗ ਲੈ ਰਹੀਆਂ ਹਨ।