ਜਲੰਧਰ ਦੇ ਥਾਣਾ ਬਸਤੀ ਬਾਬਾ ਖੇਲ ਦੇ ਅਧੀਨ ਪਾਰਸ ਇਸਟੇਟ ‘ਚ 13 ਸਾਲਾ ਬੱਚੀ ਦੀ ਲਾਸ਼ ਗੁਆਂਢੀ ਦੇ ਘਰੋਂ ਮਿਲਣ ਨਾਲ ਇਲਾਕੇ ‘ਚ ਹੜਕੰਪ ਮਚ ਗਿਆ। ਪਰਿਵਾਰ ਅਤੇ ਮੁਹੱਲਾ ਵਾਸੀਆਂ ਨੇ ਗੁਆਂਢੀ ‘ਤੇ ਲੜਕੀ ਨਾਲ ਦੂਸ਼ਕਰਮ ਕਰ ਕੇ ਕਤਲ ਕਰਨ ਦੇ ਗੰਭੀਰ ਦੋਸ਼ ਲਗਾਏ ਹਨ। ਲਾਸ਼ ਮਿਲਣ ਤੋਂ ਬਾਅਦ ਮੁਹੱਲੇ ‘ਚ ਕਾਫੀ ਰੋਸ ਪੈਦਾ ਹੋ ਗਿਆਮ੍ਰਿਤਕ ਪ੍ਰਭਲੀਨ ਕੌਰ ਦੇ ਪਰਿਵਾਰ ‘ਚ ਉਸਦੀ ਮਾਤਾ ਅਤੇ ਵੱਡਾ ਭਰਾ ਹੀ ਹਨ। ਉਸਦੇ ਪਿਤਾ ਦੀ ਪਿਛਲੇ ਸਾਲ ਮੌਤ ਹੋ ਗਈ ਸੀ।ਮੁਹੱਲਾ ਵਾਸੀ ਨੇ ਦੱਸਿਆ ਕਿ ਸ਼ਾਮ ਨੂੰ ਬੱਚੀ ਘਰ ਨਹੀਂ ਪੁੱਜੀ, ਤਾਂ ਉਸਦੀ ਮਾਂ ਨੇ ਉਸਨੂੰ ਲੱਭਣਾ ਸ਼ੁਰੂ ਕੀਤਾ। ਇਲਾਕੇ ਦੀਆਂ ਸੀਸੀਟਿਵੀ ਫੁਟੇਜ ਚੈੱਕ ਕਰਨ ‘ਤੇ ਸਾਹਮਣੇ ਆਇਆ ਕਿ ਗੁਆਂਢੀ ਨੇ ਸ਼ਾਮ 4 ਵਜੇ ਲੜਕੀ ਨੂੰ ਆਪਣੇ ਘਰ ਬੁਲਾਇਆ ਸੀ। ਕਿਉਂਕਿ ਗੁਆਂਢੀ ਦੀ ਧੀ, ਬੱਚੀ ਦੀ ਸਹੇਲੀ ਸੀ, ਇਸ ਕਰਕੇ ਉਸਦਾ ਘਰ ਆਉਣਾ–ਜਾਣਾ ਸੀ।ਸ਼ਾਮ 7 ਵਜੇ ਤੱਕ ਜਦੋਂ ਉਹ ਘਰ ਨਹੀਂ ਆਈ ਤਾਂ ਪਰਿਵਾਰ ਅਤੇ ਮੁਹੱਲੇ ਦੇ ਲੋਕ ਰਿੰਪੀ ਦੇ ਘਰ ਗਏ, ਪਰ ਉਹ ਬਹਿਸ ਕਰਨ ਲੱਗ ਪਿਆ। ਪਰਿਵਾਰ ਵੱਲੋਂ ਪੁਲਿਸ ਨੂੰ ਸੂਚਨਾ ਦਿੱਤੀ ਗਈ, ਪਰ ਮੁਹੱਲਾ ਵਾਸੀਆਂ ਦੇ ਮੁਤਾਬਕ ਪੁਲਿਸ ਨੇ ਸਿਰਫ਼ ਔਖੇ–ਸੌਖੇ ਤਰੀਕੇ ਨਾਲ ਚੈਕਿੰਗ ਕਰਕੇ ਕਿਹਾ ਕਿ ਘਰ ‘ਚ ਕੋਈ ਨਹੀਂ ਹੈ ਤੇ ਵਾਪਸ ਚਲੀ ਗਈ।
ਲੋਕਾਂ ਨੂੰ ਫਿਰ ਵੀ ਤਸੱਲੀ ਨਹੀਂ ਹੋਈ, ਇਸ ਕਰਕੇ ਉਨ੍ਹਾਂ ਨੇ ਖੁਦ ਗੇਟ ਖੁੱਲ੍ਹਵਾਏ ਅਤੇ ਘਰ ਅੰਦਰ ਚੈੱਕ ਕੀਤਾ ਤਾਂ ਬਾਥਰੂਮ ਤੋਂ ਲੜਕੀ ਦੀ ਲਾਸ਼ ਮਿਲੀ। ਬੱਚੀ ਦੇ ਸਿਰ ‘ਤੇ ਗਹਿਰੀ ਸੱਟ ਸੀ ਅਤੇ ਕਾਫ਼ੀ ਖੂਨ ਵਹਿ ਗਿਆ ਸੀ। ਲਾਸ਼ ਮਿਲਦੇ ਹੀ ਲੋਕਾਂ ਨੇ ਗੁਆਂਢੀ ਨੂੰ ਮੌਕੇ ‘ਤੇ ਕਾਬੂ ਕਰਕੇ ਕੁੱਟਮਾਰ ਵੀ ਕੀਤੀ। ਗੁਆਂਢੀ ਦੀ ਪਤਨੀ ਅਤੇ ਬੱਚੇ ਉਸ ਦਿਨ ਪੇਕੇ ਗਏ ਹੋਏ ਸਨ, ਜਿਸ ਕਰਕੇ ਉਹ ਘਰ ‘ਚ ਇਕੱਲਾ ਸੀ।
ਘਟਨਾ ਦੀ ਜਾਣਕਾਰੀ ਮਿਲਦੇ ਹੀ ਏਡੀਸੀਪੀ ਆਕ੍ਰਿਤੀ ਜੈਨ, ਏਡੀਸੀਪੀ ਹਰਿੰਦਰ ਸਿੰਘ ਗਿੱਲ ਅਤੇ ਪੰਜ ਥਾਣਿਆਂ ਦੀ ਪੁਲਿਸ ਮੌਕੇ ‘ਤੇ ਪਹੁੰਚੀ। ਹਾਲਾਤ ਕਾਫ਼ੀ ਦੇਰ ਤੱਕ ਤਣਾਅ ਪੂਰਨ ਰਹੇ। ਪੁਲਿਸ ਨੇ ਪਹਿਲਾਂ ਗੁਆਂਢੀ ਨੂੰ ਹਿਰਾਸਤ ਵਿੱਚ ਲੈ ਕੇ ਥਾਣੇ ਭੇਜਿਆ। ਫਿਰ ਫ਼ੋਰੈਂਸਿਕ ਟੀਮ ਨੇ ਕ੍ਰਾਈਮ ਸਥਾਨ ਤੋਂ ਸੈਂਪਲ ਇਕੱਠੇ ਕੀਤੇ। ਰਾਤ ਇੱਕ ਵਜੇ ਦੇ ਕਰੀਬ ਪ੍ਰਭਲੀਨ ਦੇ ਸ਼ਵ ਨੂੰ ਸਿਵਲ ਹਸਪਤਾਲ ਦੀ ਮੋਰਚਰੀ ਭੇਜਿਆ ਗਿਆ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
