ਹਰਸਿਮਰਤ ਦੇ ਅਸਤੀਫੇ ਤੋਂ ਬਾਅਦ ਸਿੱਧੂ ਦੀ ਐਂਟਰੀ, 14 ਮਹੀਨਿਆਂ ਬਾਅਦ Twitter ‘ਤੇ ਕੱਢੀ ਭੜਾਸ
ਪਟਿਆਲਾ : ਖੇਤੀਬਾੜੀ ਆਰਡੀਨੈਂਸ ਨੇ ਜਿੱਥੇ ਪੂਰੇ ਦੇਸ਼ ਦਾ ਪਾਰਾ ਵਧਾਇਆ ਹੋਇਆ ਹੈ, ਉਥੇ ਹੀ ਦੇਸ਼ਭਰ ਦੇ ਕਿਸਾਨ ਸੜਕਾਂ ‘ਤੇ ਉੱਤਰ ਆਏ ਹਨ। ਇਸ ਸਾਰੇ ਘਟਨਾਕ੍ਰਮ ‘ਤੇ ਚੁੱਪੀ ਧਾਰੀ ਬੈਠੇ ਨਵਜੋਤ ਸਿੱਧੂ ਵੀ ਆਖਿਰ ਬੋਲ ਹੀ ਪਏ ਹਨ। ਹੁਣ ਜਦੋਂ ਅਕਾਲੀ ਦਲ ਨੇ ਆਪਣਾ ਸਟੈਂਡ ਸਪੱਸ਼ਟ ਕਰਦੇ ਹੋਏ ਹਰਸਿਮਰਤ ਕੌਰ ਬਾਦਲ ਦਾ ਵੀ ਕੇਂਦਰੀ ਮੰਤਰਾਲੇ ਤੋਂ ਅਸਤੀਫਾ ਦਵਾ ਦਿੱਤਾ ਹੈ।
🔴 Live 🔴 |ਅਸਤੀਫ਼ੇ ਤੋਂ ਬਾਅਦ ਹਰਸਿਮਰਤ ਦਾ ਪਹਿਲਾ ਬਿਆਨ | ਸੁਮੇਧ ਸੈਣੀ ਦਾ ਕਸਾਈ ਚੜੂ ਪੁਲਿਸ ਦੇ ਹੱਥੇ
ਇਸ ਆਰਡੀਨੈਂਸ ਦੇ ਪਾਸ ਹੋਣ ਤੋਂ ਬਾਅਦ ਨਵਜੋਤ ਸਿੱਧੂ ਨੇ ਵੀ ਸਰਕਾਰ ‘ਤੇ ਹੱਲਾ ਬੋਲ ਦਿੱਤਾ ਹੈ। ਸਭ ਤੋਂ ਜ਼ਿਆਦਾ ਬੋਲਣ ਵਾਲੇ ਸਿੱਧੂ ਇਸ ਦੌਰਾਨ ਪੰਜਾਬ ਦੇ ਸਭ ਤੋਂ ਵੱਡੇ ਮਸਲੇ ਤੋਂ ਵੀ ਦੂਰ ਰਹੇ ਪਰ ਹੁਣ ਜਦੋਂ ਖੇਤੀ ਆਰਡੀਨੈਸ ਸੰਸਦ ‘ਚ ਪਾਸ ਹੋ ਚੁੱਕਿਆ ਹੈ ਤਾਂ ਸਿੱਧੂ ਵੀ ਬੋਲ ਪਏ ਹਨ। ਲੱਗਭੱਗ 14 ਮਹੀਨਿਆਂ ਬਾਅਦ ਆਪਣੇ ਟਵਿਟਰ ਅਕਾਊਂਟ ਦਾ ਪ੍ਰਯੋਗ ਕਰਦੇ ਹੋਏ ਸਿੱਧੂ ਨੇ ਦੋ ਟਵੀਟ ਕੀਤੇ ਹਨ।
सरकारें तमाम उम्र यही भूल करती रही,
धूल उनके चेहरे पर थी, आईना साफ करती रही, 1/2— Navjot Singh Sidhu (@sherryontopp) September 18, 2020
ਸਰਕਾਰ ‘ਤੇ ਹਮਲਾ ਕਰਦੇ ਹੋਏ ਸਿੱਧੂ ਨੇ ਕਿਹਾ ਕਿ ਸਰਕਾਰਾਂ ਤਮਾਮ ਉਮਰ ਇਹੀ ਭੁੱਲ ਕਰਦੀਆਂ ਰਹੀਆਂ, ਧੂੜ ਉਨ੍ਹਾਂ ਦੇ ਚਿਹਰੇ ‘ਤੇ ਸੀ, ਸ਼ੀਸ਼ਾ ਸਾਫ਼ ਕਰਦੀਆਂ ਰਹੀਆਂ। ਜਦੋਂ ਕਿ ਦੂਜੀ ਪੋਸਟ ‘ਚ ਉਨ੍ਹਾਂ ਨੇ ਲਿਖਿਆ ਕਿ ਕਿਸਾਨੀ ਪੰਜਾਬ ਦੀ ਰੂਹ, ਸਰੀਰ ਦੇ ਘਾਵ (ਜਖ਼ਮ) ਭਰ ਜਾਂਦੇ ਹਨ, ਪਰ ਆਤਮਾ ‘ਤੇ ਵਾਰ, ਸਾਡੀ ਹੋਂਦ ‘ਤੇ ਹਮਲਾ ਬਰਦਾਸ਼ਤ ਨਹੀਂ। ਜੰਗ ਦੀ ਤੂਤੀ ਬੋਲਦੀ ਹੈ- ਇਨਕਲਾਬ ਜਿੰਦਾਬਾਦ, ਪੰਜਾਬ, ਪੰਜਾਬੀਅਤ ਅਤੇ ਹਰ ਪੰਜਾਬੀ ਕਿਸਾਨਾਂ ਦੇ ਨਾਲ। ਇਸ ਦੇ ਨਾਲ ਉਨ੍ਹਾਂ ਨੇ ਇੱਕ ਤਸਵੀਰ ਵੀ ਸਾਂਝੀ ਕੀਤੀ ਜਿਸ ‘ਤੇ ਲਿਖਿਆ…ਕਿਸਾਨ ਸਾਡਾ ਮਾਣ, ਕਿਸਾਨ ਸਾਡੀ ਪਹਿਚਾਣ, ਕਿਸਾਨ ਸਾਡੀ ਪੱਗੜੀ।
किसान पंजाब की आत्मा,
शरीर के घाव भर जाते हैं पर आत्मा पर वार नासूर बन कर सदा रिसता है,
हमारे अस्तित्व हमारी आत्मा पर वार बर्दाश्त नही|जंग की तूती बोल रही है – इंकलाब जिंदाबाद|
पंजाब, पंजाबियत और हर पंजाबी कंधे से कंधे मिलाकर एकजुट होकर किसान के साथ| pic.twitter.com/l7b6rxIpg1
— Navjot Singh Sidhu (@sherryontopp) September 18, 2020
ਇਸ ਪੋਸਟ ਨਾਲ ਸਿੱਧੂ ਨੇ ਕਿਸਾਨਾਂ ਦੇ ਨਾਲ ਖੜੇ ਹੋਣ ਦਾ ਦਮ ਭਰਿਆ ਹੈ। ਪੰਜਾਬ ਕਾਂਗਰਸ ਪਹਿਲਾਂ ਹੀ ਇਸ ਆਰਡੀਨੈੱਸ ਦੇ ਖਿਲਾਫ ਆਪਣਾ ਵਿਰੋਧ ਜਤਾਉਂਦੀ ਆ ਰਹੀ ਹੈ ਪਰ ਸਿੱਧੂ ਇਸ ਮੁੱਦੇ ‘ਤੇ ਕੁੱਝ ਨਹੀਂ ਬੋਲੇ ਅਤੇ ਹੁਣ ਦੋ ਪੋਸਟਾਂ ਅਪਲੋਡ ਕਰ ਉਨ੍ਹਾਂ ਨੇ ਇਨਕਲਾਬ ਦੀ ਗੱਲ ਕੀਤੀ ਹੈ।
ਹਰਮਿਸਰਤ ਬਾਦਲ ਦੇ ਅਸਤੀਫੇ ਤੋਂ ਬਾਅਦ ਮਾਨ ਦਾ ਪਾਰਾ ਹੋ ਗਿਆ HIGH! ਮਸਾਂ ਚੁੱਪ ਕਰਵਾਇਆ ਸਪੀਕਰ ਨੇ!
ਪੰਜਾਬ ਦਾ ਕਿਸਾਨ ਸੜਕਾਂ ‘ਤੇ ਹੈ ਪਰ ਖੇਤੀਬਾੜੀ ਆਰਡੀਨੈੱਸ ਨੂੰ ਪਾਸ ਹੋਣ ਤੋਂ ਕੋਈ ਰੋਕ ਨਹੀਂ ਸਕਿਆ। ਫਿਲਹਾਲ ਖੇਤੀਬਾੜੀ ਆਰਡੀਨੈੱਸ ਨੂੰ ਲੈ ਕੇ ਘਮਸਾਣ ਅਜੇ ਵੀ ਜਾਰੀ ਹੈ। ਅਕਾਲੀ ਦਲ ਨੇ ਇਸਦੇ ਖਿਲਾਫ ਸਖ਼ਤ ਸਟੈਂਡ ਲਿਆ ਹੈ ਅਤੇ ਹਰਸਿਮਰਤ ਬਾਦਲ ਨੇ ਇਸਨੂੰ ਲੈ ਕੇ ਕੇਂਦਰੀ ਮੰਤਰਾਲੇ ਦੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਹੈ। ਹੁਣ ਦੇਖਣਾ ਹੋਵੇਗਾ ਕਿ ਇਸ ਤੋਂ ਅੱਗੇ ਰਾਜਨੀਤੀ ਕਿਸਾਨਾਂ ਨੂੰ ਕੀ ਰੰਗ ਦਿਖਾਉਂਦੀ ਹੈ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
