ਸਰੀ ‘ਚ ਰਹਿੰਦੇ ਪੰਜਾਬੀ ‘ਤੇ ਲੱਗੇ ਇਰਾਦਾ ਕਤਲ ਦੇ ਦੋਸ਼
ਸਰੀ: ਸਾਲ ਦੀ ਸ਼ੁਰੂਆਤ ‘ਚ 9 ਜਨਵਰੀ ਨੂੰ ਦੇਰ ਰਾਤ 11:15 ਵਜੇ ਪ੍ਰਿੰਸ ਚਾਰਲਸ ਬੁਲੇਵਾਰਡ ਦੇ 9500 ਬਲਾਕ ਵਿਖੇ ਸਥਿਤ ਟਾਊਨ ਹਾਊਸ ਕੰਪਲੈਕਸ ਵਿਚ ਗੋਲੀ ਚੱਲੀ ਸੀ। ਇਸ ਮਾਮਲੇ ‘ਚ ਆਰ.ਸੀ.ਐੱਮ.ਪੀ. ਨੇ ਪੰਜਾਬੀ ਮੂਲ ਦੇ 32 ਸਾਲ ਦੇ ਰਜਿੰਦਰ ਸੰਧੂ ਖਿਲਾਫ ਇਰਾਦਾ ਏ ਕਤਲ ਸਣੇ 6 ਦੋਸ਼ ਦਰਜ ਕੀਤੇ ਹਨ। ਜਾਣਕਾਰੀ ਮੁਤਾਬਕ ਵਾਰਦਾਤ ਵਾਲੀ ਥਾਂ ‘ਤੇ ਗੋਲੀ ਚੱਲਣ ਤੋਂ ਇਲਾਵਾ ਗੱਡੀਆਂ ਦੀ ਟੱਕਰ ਦੇ ਸੁਰਾਗ ਵੀ ਮਿਲੇ। ਜਾਂਚਕਰਤਾਵਾਂ ਦਾ ਮੰਨਣਾ ਹੈ ਕਿ ਇਕ ਹਲਕੇ ਰੰਗ ਦੀ ਜੀਪ ਰੈਂਗਲਰ ਨੇ ਟੋਯੋਟਾ ਸੀਏਨਾ ਨੂੰ ਟੱਕਰ ਮਾਰ ਦਿੱਤੀ ਤੇ ਫਿਰ ਜੀਪ ਚਲਾ ਰਹੇ ਵਿਅਕਤੀ ਨੇ ਟੋਯੋਟਾ ਦੇ ਡਰਾਈਵਰ ‘ਤੇ ਗੋਲੀ ਚਲਾ ਦਿੱਤੀ।
Read Also ਸਰੀ ‘ਚ ਪੰਜਾਬੀ ਦੀ ਗੋਲੀਆਂ ਮਾਰ ਕੇ ਹੱਤਿਆ
ਇਸ ਮਗਰੋ ਦੋਵੇਂ ਗੱਡੀਆਂ ਵਾਰਦਾਤ ਵਾਲੀ ਥਾਂ ‘ਤੋਂ ਰਵਾਨਾ ਹੋ ਗਈਆਂ ਅਤੇ ਟੋਯੋਟਾ ਵਿਚ ਸਵਾਰ 17 ਸਾਲ ਦੇ ਸ਼ਖਸ ਨੂੰ ਸਰੀ ਮੈਮੋਰੀਅਲ ‘ਚ ਦਾਖਲ ਕਰਵਾਏ ਜਾਣ ਦੀ ਰਿਪੋਰਟ ਮਿਲੀ। ਗੋਲੀਬਾਰੀ ਤੋਂ ਕੁਝ ਸਮੇਂ ਬਾਅਦ ਹੀ ਮੈਟਰੋ ਵੈਨਕੂਵਰ ਟ੍ਰਾਂਜਿਟ ਪੁਲਸ ਨੇ ਸ਼ੱਕੀ ਗੱਡੀ ਦਾ ਪਤਾ ਲਗਾਉਂਦਿਆ ਇਸ ਦੇ ਡਰਾਈਵਰ ਨੂੰ ਹਿਰਾਸਤ ‘ਚ ਲੈ ਲਿਆ।
A 32-year-old #SurreyBC man is accused of attempted murder, in the shooting of a 17-year-old boy outside a townhouse complex in January. The teen was seriously hurt. Mounties believe it was an isolated incident, but don't think the teen was the intended target.
— Denise Wong (@DeniseTWong) March 6, 2019
ਸਰੀ ਆਰ.ਸੀ.ਐੱਮ.ਪੀ. ਵੱਲੋਂ ਕੀਤੀ ਗਈ ਪੜਤਾਲ ਦੇ ਆਧਾਰ ‘ਤੇ ਰਜਿੰਦਰ ਸੰਧੂ ਵਿਰੁੱਧ ਇਰਾਦਾ ਕਤਲ, ਗੋਲੀ ਚਲਾਉਣ, ਪਾਬੰਦੀਸ਼ੂਦਾ ਹਥਿਆਰ ਰੱਖਣ, ਅਸਲ ਸਮੇਤ ਹਥਿਆਰ ਰੱਖਣ ਅਤੇ ਅਣਅਧਿਕਾਰਤ ਤੌਰ ‘ਤੇ ਗੱਡੀ ‘ਚ ਹਥਿਆਰ ਰੱਖਣ ਦੇ ਦੋਸ਼ ਦਰਜ ਕੀਤੇ ਗਏ। ਪੁਲਸ ਮੁਤਾਬਕ ਇਹ ਵਾਰਦਾਤ ਸੋਚੀ ਸਮਝੀ ਸਾਜ਼ਿਸ਼ ਦਾ ਨਤੀਜਾ ਸੀ ਪਰ ਇਸ ਦਾ ਗੈਂਗਵਾਰ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ। ਰਜਿੰਦਰ ਫਿਲਹਾਲ ਪੁਲਸ ਦੀ ਹਿਰਾਸਤ ‘ਚ ਹੈ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.