ਦਰਿੰਦਿਆਂ ਤੋਂ ਬੱਚਿਆਂ ਨੂੰ ਬਚਾ ਕੇ ਰੱਖੋ, ਵੇਖੋ ਇਸ ਬੱਚੇ ‘ਤੇ ਕੀ ਬੀਤੀ
ਲੁਧਿਆਣਾ : ਸੀਸੀਟੀਵੀ ‘ਚ ਕੈਦ ਇਹ ਤਸਵੀਰਾਂ ਲੁਧਿਆਣਾ ਦੇ ਬਾੜੇਵਾਲ ਇਲਾਕੇ ਦੀਆਂ ਹਨ। ਇਨ੍ਹਾਂ ਤਸਵੀਰਾਂ ਨੂੰ ਦੇਖਣ ਤੋਂ ਬਾਅਦ ਹਰ ਵਿਅਕਤੀ ਦਾ ਦਿਲ ਦਹਿਲ ਤਾਂ ਜਰੂਰ ਜਾਵੇਗਾ। ਕਰਿਆਨੇ ਦੀ ਦੁਕਾਨ ਤੇ ਲੱਗੇ ਇਸ ਕੈਮਰੇ ਨੇ ਕੈਦ ਕੀਤੀ ਇਸ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਹਰ ਵਿਅਕਤੀ ਇਕ ਵਾਰ ਹਾਉਂਕਾ ਤਾਂ ਜਰੂਰ ਭਰੇਗਾ, ਭਾਵੇਂ ਉਹ ਕਿੱਡੇ ਵੀ ਜ਼ਿਗਰੇ ਵਾਲਾ ਕਿਉਂ ਨਾ ਹੋਵੇ। ਤਸਵੀਰਾਂ ‘ਚ ਤੁਸੀਂ ਦੇਖ ਸਕਦੇ ਹੋ ਕਿ ਸੜਕ ਦੇ ਉਪਰੋਂ ਇਕ ਛੋਟਾ ਹਾਥੀ ਲੰਘਦਾ ਦਿਖਾਈ ਦੇ ਰਿਹਾ ਹੈ ਪਰ ਤੁਸੀ ਸਾਰੇ ਇਸ ਛੋਟੇ ਹਾਥੀ ਨੂੰ ਤਾਂ ਦੇਖ ਰਹੇ ਹੋਣੇ ਪਰ ਉਸ ਦੇ ਟਾਇਰਾਂ ਨੀਚੇ ਆਏ ਇਕ ਛੋਟੇ ਮਾਸੂਮ ਵੱਲ ਧਿਆਨ ਨਹੀਂ ਗਿਆ ਹੋਣਾ। ਚਲੋਂ ਤੁਹਾਨੂੰ ਸਾਰੀ ਫੁਟੇਜ਼ ਦੁਬਾਰਾ ਦਿਖਾਉਂਦੇ ਹਾਂ ਪਹਿਲੇ ਕੈਮਰੇ ਨੂੰ ਛੱਡ ਕੇ ਜੇ ਦੂਜੇ ਕੈਮਰੇ ਵੱਲ ਧਿਆਨ ਦੇਈਏ ਤਾਂ ਸਾਰਾ ਸਾਫ ਦਿਖਾਈ ਦੇ ਰਿਹਾ।ਸਾਹਮਣੇ ਤੋਂ ਛੋਟਾ ਹਾਥੀ ਹੋਲੀ-ਹੋਲੀ ਆਉਂਦਾ ਦਿਖਾਈ ਦੇ ਰਿਹਾ, ਪਰ ਇਕ ਛੋਟਾ ਜਿਹਾ ਮਾਸੂਮ ਬੱਚਾ ਨੇੜੇ ਖੇਡਦਾ ਵੀ ਦਿਖਾਈ ਦਿੰਦਾ ਹੈ ਪਰ ਜਿਵੇਂ ਹੀ ਟੈਪੂ ਅੱਗੇ ਵੱਲ ਨੂੰ ਵੱਧਦਾ ਹੈ ਤਾਂ ਬੱਚਾ ਇਕ ਦਮ ਉਸ ਟੈਪੂ ਦੇ ਟਾਇਰਾਂ ਨੀਚੇ ਆ ਜਾਂਦਾ ਹੈ ਪਰ ਟੈਪੂ ਚਲਾ ਰਿਹਾ ਡਰਾਈਵਰ ਇਸ ਨੂੰ ਰੋਕਣ ਦੀ ਬਿਜਾਏ ਟੈਪੂ ਨੂੰ ਭਜਾ ਕੇ ਲੈ ਜਾਂਦਾ ਹੈ।
Read Also ਲੜਕੀ ਨੂੰ ਅਗਵਾ ਕਰਨ ਵਾਲਾ ਨੌਜਵਾਨ ਸੀਸੀਟੀਵੀ ‘ਚ ਹੋਇਆ ਕੈਦ
ਛੋਟੇ ਹਾਥੀ ਦੇ ਦੋਨੋਂ ਟਾਇਰ ਬੱਚੇ ਦੇ ਉਪਰੋਂ ਲੰਘ ਜਾਂਦੇ ਨੇ ਤੇ ਬੱਚਾ ਸੜਕ ਤੇ ਹੜਫਦਾ ਦਿਖਾਈ ਦੇ ਰਿਹਾ। ਬੱਚੇ ਦੀ ਹਾਲਤ ਜਿਆਦਾ ਖਰਾਬ ਹੋ ਜਾਣ ਤੋ ਬਾਅਦ ਬੱਚੇ ਨੂੰ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ, ਜਿਥੇ ਮਾਸੂਮ ਨੇ ਆਪਣੇ ਆਖਰੀ ਸਾਹ ਲੈਂਦੇ ਹੋਏ ਜਿੰਦਗੀ ਨੂੰ ਸਦਾ ਲਈ ਅਲਵਿਦਾ ਕਹਿ ਦਿੱਤਾ। ਦੱਸਿਆ ਜਾ ਰਿਹਾ ਕਿ ਜਿਸ ਟੈਪੂ ਹੇਠ ਆ ਕੇ ਬੱਚੇ ਦੀ ਮੌਤ ਹੋਈ ਹੈ ਉਸ ਟੈਪੂ ਦਾ ਡਰਾਇਵਰ ਮ੍ਰਿਤਕ ਬੱਚੇ ਦੀ ਬਾਪ ਦੀ ਦੁਕਾਨ ‘ਤੇ ਕਰਿਆਨਾ ਦਾ ਸਮਾਨ ਛੱਡਣ ਆਇਆ ਸੀ। ਇਹ ਵੀਡੀਓ ਦੇਖਣ ਤੋਂ ਬਾਅਦ ਇਕ ਗੱਲ ਤਾਂ ਜਰੂਰ ਸਪੱਸ਼ਟ ਹੁੰਦੀ ਹੈ ਕਿ ਕਲਜ਼ੁਗ ਦੇ ਇਸ ਦੌਰ ਚ ਇਨਸਾਨੀਅਤ ਖਤਮ ਹੁੰਦੀ ਜਾ ਰਹੀ ਹੈ। ਹਾਦਸਾ ਵਾਪਰਣ ਤੋਂ ਬਾਅਦ ਟੈਪੂ ਡਰਾਈਵਰ ਦਾ ਟੈਪੂ ਭਜਾ ਕੇ ਲੈ ਜਾਣਾ ਇਸ ਦਾ ਸੰਕੇਤ ਦਿੰਦਾ ਹੈ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
