BBMB ਦੀ ਪਟੀਸ਼ਨ ‘ਤੇ ਅੱਜ ਪੰਜਾਬ ਹਰਿਆਣਾ ਹਾਈ ਕੋਰਟ ਚ ਸੁਣਵਾਈ ਕੀਤੀ ਗਈ। ਇਸ ਦੌਰਾਨ ਬੀਬੀਐਮਬੀ ਅਤੇ ਪੰਜਾਬ ਸਰਕਾਰ ਨੇ ਆਪਣਾ ਪੱਖ ਰੱਖਿਆ ਹੈ। ਬੀਬੀਐਮਬੀ ਨੇ ਕਿਹਾ ਹੈ ਕਿ ਪੰਜਾਬ ਪੁਲਿਸ ਨੇ ਡੈਮ ਤੇ ਕਬਜ਼ਾ ਕੀਤਾ ਜਦੋਂ ਕਿ ਪੰਜਾਬ ਸਰਕਾਰ ਵੱਲੋਂ ਆਪਣਾ ਪੱਖ ਰੱਖਦਿਆਂ ਇਹ ਕਿਹਾ ਕਿ ਡੈਮ ਦੀ ਸੁਰੱਖਿਆ ਨੂੰ ਵਧਾਇਆ ਗਿਆ ਹੈ। ਇਸ ਨਾਲ ਡੈਮ ਦੇ ਕੰਮ ‘ਚ ਕੋਈ ਵੀ ਮੁਸ਼ਕਲ ਨਹੀਂ ਆ ਰਹੀ ਹੈ।
ਪੰਜਾਬ ਸਰਕਾਰ ਦੇ ਐਡਵੋਕੇਟ ਜਨਰਲ ਗੁਰਮਿੰਦਰ ਸਿੰਘ ਗੈਰੀ ਨੇ ਕਿਹਾ ਹੈ ਕਿ ਕੋਰਟ ਚ ਬੀਬੀਐਮਬੀ ਦੀ ਪਟੀਸ਼ਨ ‘ਤੇ ਸੁਣਵਾਈ ਕਰ ਰਹੀ ਸੀ। ਇਸ ਦੌਰਾਨ ਪੰਜਾਬ ਸਰਕਾਰ ਨੇ ਆਪਣਾ ਪੱਖ ਰੱਖਿਆ ਹੈ ਕਿ ਪੁਲਿਸ ਬੀਬੀਐਮਬੀ ਦੇ ਕੰਮ ‘ਚ ਕਿਸੇ ਵੀ ਤਰ੍ਹਾਂ ਦੀ ਰੁਕਾਵਟ ਨਹੀਂ ਪਾ ਰਹੀ ਹੈ। ਪੰਜਾਬ ਪੁਲਿਸ 1960 ਤੋਂ ਉਸ ਜਗ੍ਹਾਂ ‘ਤੇ ਮੌਜ਼ੂਦ ਹੈ। ਹੁਣ ਪਾਕਿਸਤਾਨ ਅਤੇ ਭਾਰਤ ਵਿਚਾਲੇ ਵਧੇ ਤਨਾਅ ਦੇ ਚੱਲਦੇ ਇਹ ਫੈਸਲਾ ਲਿਆ ਗਿਆ ਹੈ। ਇਸ ਦਾ ਪਾਣੀ ਦੇ ਵਿਵਾਦ ਨਾਲ ਕੋਈ ਸਬੰਧ ਨਹੀਂ। ਨਾਲ ਹੀ ਇਸ ਪਟੀਸ਼ਨ ਨੂੰ ਰੱਦ ਕਰਨ ਦੀ ਮੰਗ ਕੀਤੀ ਗਈ ਹੈ।
BBMB. ਨੇ ਪੰਜਾਬ ਦੇ ਉੱਚ ਅਧਿਕਾਰੀਆਂ ਨੂੰ ਲਿਖ ਕੇ ਵੀ ਭੇਜਿਆ ਹੈ। ਆਮ ਆਦਮੀ ਪਾਰਟੀ ਦੇ ਵਰਕਰਾਂ ਵਲੋਂ ਨੰਗਲ ਡੈਮ ਵਿਖੇ ਲਗਾਏ ਧਰਨੇ ਤੋਂ ਬੀ.ਬੀ.ਐਮ.ਬੀ. ਖਫ਼ਾ ਹੈ ਕਿਉਂਕਿ ਪੁਲਿਸ ਦਾ ਪ੍ਰਦਰਸ਼ਨਕਾਰੀਆਂ ਲਈ ਮੋਮ ਵਰਗਾ ਨਰਮ ਰੁਖ ਹੈ। ਨੰਗਲ ਡੈਮ ਵਿਖੇ ਜੇ ਆਮ ਆਦਮੀ ਪਾਰਟੀ ਥੋੜ੍ਹਾ ਚਿਰ ਖੜ੍ਹੋ ਜਾਵੇ ਤਾਂ ਪੁਲਿਸ ਸੀ.ਟੀ. ਮਾਰਦੀ ਹੈ। ਪਿਛਲੇ ਕਈ ਦਿਨਾਂ ਤੋਂ ਲੋਕ ਲਾਈਵ ਹੋ ਰਹੇ ਹਨ, ਜਦੋਂਕਿ ਨੰਗਲ ਡੈਮ ’ਤੇ ਫੋਟੋਗ੍ਰਾਫੀ ਅਪਰਾਧ ਹੈ। ਆਮ ਆਦਮੀ ਪਾਰਟੀ ਵਲੋਂ ਟੈਂਟ ਲਗਾਉਣਾ/ ਨਾਅਰੇ ਲਗਾਉਣਾ ਤਰਕ ਸੰਗਤ ਨਹੀਂ ਕਿਉਂਕਿ ਇਸ ਨਾਲ ਕੰਮਕਾਰ ਪ੍ਰਭਾਵਿਤ ਹੁੰਦਾ ਹੈ। ਇਕ ਮਈ ਨੂੰ ਇਕ ਉੱਚ ਪੁਲਿਸ ਅਧਿਕਾਰੀ ਦੇ ਦੌਰੇ ਮੌਕੇ ਵੀ ਲਾਈਵ ਕਰਵਰੇਜ ਹੋਈ ਜੋ ਸੁਰੱਖਿਆ ਨੁਕਤੇ ਤੋਂ ਠੀਕ ਨਹੀਂ ਸੀ। ਮਿਤੀ 2 ਮਈ ਨੂੰ ਕਾਰਜਕਾਰੀ ਇੰਜੀਨੀਅਰ ਟਾਊਨਸ਼ਿਪ ਡਵੀਜ਼ਨ ਐਸ.ਧੀਮਾਨ ਵਲੋਂ ਸੱਦੇ ਜਾਣ ’ਤੇ ਵੀ ਪੁਲਿਸ ਨਹੀਂ ਆਈ। 2 ਮਈ ਨੂੰ ‘ਆਪ’ ਵਰਕਰਾਂ ਅਤੇ ਬੋਰਡ ਅਫ਼ਸਰਾਂ ਵਿਚਾਲੇ ਸ਼ਿਵਾਲਿਕ ਸਿਨੇਮਾ ਸਾਈਟ ’ਤੇ ਟਕਰਾਅ ਹੋਣੋਂ ਟਲ ਗਿਆ ਸੀ। ਇਸ ਮੌਕੇ ‘ਆਪ’ ਆਗੂ ਡਾ. ਸੰਜੀਵ ਗੌਤਮ ਨੇ ਦੱਸਿਆ ਕਿ ਅਸੀਂ ਪੰਜਾਬ ਦੇ ਪਾਣੀ ਤੇ ਜ਼ਮੀਨ ਦੀ ਜੰਗ ਲੜ ਰਹੇ ਹਾਂ। ਅਸੀਂ ਸਰਕਾਰੀ ਕੰਮ ’ਚ ਵਿਘਨ ਨਹੀਂ ਪਾ ਰਹੇ। ਇਸੇ ਦੌਰਾਨ ਪਤਾ ਲੱਗਾ ਹੈ ਕਿ ਭਾਖੜਾ ਡੈਮ ਦੇ ਚੀਫ਼ ਇੰਜੀਨੀਅਰ ਸਰਦਾਰ ਸੀ.ਪੀ. ਸਿੰਘ ਨੂੰ ਸੁਰੱਖਿਆ ਕਰਮਚਾਰੀ ਦੇ ਦਿੱਤਾ ਗਿਆ ਹੈ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
