ਟੈਕਸਾਸ ਧਮਾਕੇ ਵਿੱਚ 18,000 ਗਾਵਾਂ ਦੀ ਮੌਤ: ਡੇਅਰੀ ਫਾਰਮ ਵਿੱਚ ਮਸ਼ੀਨ ਦੀ ਖਰਾਬੀ ਕਾਰਨ ਧਮਾਕਾ; ਅਮਰੀਕਾ ਵਿੱਚ ਪਹਿਲੀ ਵਾਰ ਹੋਇਆ ਹੈ ਅਜਿਹਾ ਹਾਦਸਾ

ਵਾਸ਼ਿੰਗਟਨ: 14 ਅਪ੍ਰੈਲ 2023 : ਅਮਰੀਕਾ ਦੇ ਟੈਕਸਾਸ ਵਿੱਚ ਇੱਕ ਡੇਅਰੀ ਫਾਰਮ ਵਿੱਚ ਧਮਾਕੇ ਅਤੇ ਅੱਗ ਲੱਗਣ ਕਾਰਨ ਘੱਟੋ-ਘੱਟ 18,000 ਗਾਵਾਂ ਦੀ ਮੌਤ ਹੋ ਗਈ ਹੈ। ਦੁਨੀਆ ਵਿੱਚ ਕਿਸੇ ਇੱਕ ਘਟਨਾ ਵਿੱਚ ਮਰਨ ਵਾਲੇ ਪਸ਼ੂਆਂ ਦੀ ਇਹ ਸਭ ਤੋਂ ਵੱਧ ਗਿਣਤੀ ਹੈ। ਇਹ ਧਮਾਕਾ ਟੈਕਸਾਸ ਦੇ ਡਿਮਿਟ ਵਿੱਚ ਸਾਊਥ ਫੋਰਕ ਡੇਅਰੀ ਫਾਰਮ ਵਿੱਚ ਹੋਇਆ। ਧਮਾਕਾ ਇੰਨਾ ਜ਼ਬਰਦਸਤ ਸੀ ਕਿ ਪੂਰੇ ਇਲਾਕੇ ‘ਚ ਕਾਲਾ ਧੂੰਆਂ ਫੈਲ ਗਿਆ। ਇਸ ਅੱਗ ਨੂੰ ਬੁਝਾਉਣ ਲਈ ਫਾਇਰ ਬ੍ਰਿਗੇਡ ਨੂੰ ਕਈ ਘੰਟੇ ਮੁਸ਼ੱਕਤ ਕਰਨੀ ਪਈ। ਬਾਅਦ ਵਿੱਚ ਪਤਾ ਲੱਗਾ ਕਿ ਇਸ ਅੱਗਜ਼ਨੀ ਦੌਰਾਨ 18000 ਤੋਂ ਵੱਧ ਗਾਵਾਂ ਦੀ ਮੌਤ ਹੋ ਚੁੱਕੀ ਹੈ। ਇਹ ਅਮਰੀਕਾ ਵਿੱਚ ਹਰ ਰੋਜ਼ ਮਰਨ ਵਾਲੀਆਂ ਗਾਵਾਂ ਦੀ ਗਿਣਤੀ ਤੋਂ ਲਗਭਗ ਤਿੰਨ ਗੁਣਾ ਹੈਅੱਗ ਬੁਝਾਉਣ ਤੋਂ ਬਾਅਦ ਫਾਇਰ ਬ੍ਰਿਗੇਡ ਨੇ ਦੱਸਿਆ ਕਿ ਇਸ ਅੱਗ ‘ਚ ਕੋਈ ਵੀ ਵਿਅਕਤੀ ਜ਼ਖਮੀ ਨਹੀਂ ਹੋਇਆ ਹੈ। ਅੱਗ ਦੀ ਲਪੇਟ ਵਿਚ ਇਕ ਡੇਅਰੀ ਫਾਰਮ ਵਰਕਰ ਫਸ ਗਿਆ, ਜਿਸ ਨੂੰ ਕਾਫੀ ਮੁਸ਼ੱਕਤ ਤੋਂ ਬਾਅਦ ਬਚਾਇਆ ਗਿਆ। ਗੰਭੀਰ ਰੂਪ ‘ਚ ਝੁਲਸਣ ਤੋਂ ਬਾਅਦ ਉਸ ਨੂੰ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ। ਇਹ ਸਪੱਸ਼ਟ ਨਹੀਂ ਹੋ ਸਕਿਆ ਕਿ ਧਮਾਕਾ ਕਿਵੇਂ ਸ਼ੁਰੂ ਹੋਇਆ। ਹਾਲਾਂਕਿ, ਕਾਉਂਟੀ ਜੱਜ ਮੈਂਡੀ ਗੇਫਲਰ ਨੇ ਸ਼ੱਕ ਕੀਤਾ ਕਿ ਇਹ ਸਾਜ਼ੋ-ਸਾਮਾਨ ਦੀ ਖਰਾਬੀ ਹੋ ਸਕਦੀ ਹੈ। ਯੂਐਸਏ ਟੂਡੇ ਦੇ ਅਨੁਸਾਰ, ਟੈਕਸਾਸ ਫਾਇਰ ਅਧਿਕਾਰੀ ਕਾਰਨ ਦੀ ਜਾਂਚ ਕਰਨਗੇ।

ਅੱਗ ਵਿੱਚ ਮਰਨ ਵਾਲੀਆਂ ਜ਼ਿਆਦਾਤਰ ਗਾਵਾਂ ਹੋਲਸਟੀਨ ਅਤੇ ਜਰਸੀ ਗਾਵਾਂ ਦਾ ਮਿਸ਼ਰਣ ਸੀ। ਇਸ ਅੱਗ ਵਿੱਚ ਖੇਤ ਦੀਆਂ 90 ਫੀਸਦੀ ਗਾਵਾਂ ਦੀ ਮੌਤ ਹੋ ਗਈ। ਜਦੋਂ ਧਮਾਕਾ ਹੋਇਆ, ਗਾਵਾਂ ਦੁੱਧ ਦੀ ਉਡੀਕ ਵਿੱਚ ਇੱਕ ਪੈੱਨ ਵਿੱਚ ਬੰਨ੍ਹੀਆਂ ਹੋਈਆਂ ਸਨ। ਇੰਨੀ ਵੱਡੀ ਗਿਣਤੀ ਵਿੱਚ ਗਊਆਂ ਦੇ ਮਰਨ ਕਾਰਨ ਖੇਤੀ ਦਾ ਸਾਰਾ ਕਾਰੋਬਾਰ ਠੱਪ ਹੋ ਗਿਆ ਹੈ। ਇੱਕ ਅੰਦਾਜ਼ੇ ਅਨੁਸਾਰ ਇੱਕ ਗਾਂ ਦੀ ਔਸਤ ਕੀਮਤ 2000 ਡਾਲਰ ਹੈ। ਸਥਾਨਕ ਲੋਕਾਂ ਨੇ ਦੱਸਿਆ ਕਿ ਉਨ੍ਹਾਂ ਨੇ ਜ਼ੋਰਦਾਰ ਧਮਾਕੇ ਦੀ ਆਵਾਜ਼ ਸੁਣੀ ਅਤੇ ਮੀਲਾਂ ਤੱਕ ਧੂੰਏਂ ਦੇ ਵੱਡੇ ਬੱਦਲਾਂ ਨੂੰ ਦੇਖਿਆ। ਆਸ-ਪਾਸ ਦੇ ਕਸਬਿਆਂ ਤੋਂ ਮੀਲਾਂ ਦੂਰ ਤੱਕ ਕਾਲਾ ਧੂੰਆਂ ਵੀ ਦੇਖਿਆ ਗਿਆ।

ਸਾਊਥ ਫੋਰਕ ਡੇਅਰੀ ਫਾਰਮ ਕੈਸਟ੍ਰੋ ਕਾਉਂਟੀ ਵਿੱਚ ਸਥਿਤ ਹੈ, ਜੋ ਕਿ ਟੈਕਸਾਸ ਵਿੱਚ ਸਭ ਤੋਂ ਵੱਡੀ ਡੇਅਰੀ ਉਤਪਾਦਕ ਕਾਉਂਟੀ ਵਿੱਚੋਂ ਇੱਕ ਹੈ। ਟੈਕਸਾਸ ਦੀ 2021 ਦੀ ਰਿਪੋਰਟ ਦੇ ਅਨੁਸਾਰ, ਕਾਸਟਰੋ ਕਾਉਂਟੀ ਵਿੱਚ 30,000 ਤੋਂ ਵੱਧ ਪਸ਼ੂ ਹਨ।