ਕੈਪਟਨ ਦੀ ਵਧੀ ਮੁਸ਼ਕਿਲ, ਆਪਣੇ ਹੀ 2 ਐੱਮਪੀ ਹੋਏ ਖਿਲਾਫ, ਦਿੱਤੀ ਵੱਡੀ ਚਿਤਾਵਨੀ
ਚੰਡੀਗੜ੍ਹ : ਆਪਣੀ ਹੀ ਸਰਕਾਰ ਨੂੰ ਲੋਕਾਂ ਲਈ ਕੰਮ ਕਾਰਨ ਦੀ ਨਸੀਹਤ ਦੇ ਰਹੇ ਇਹ ਨੇ ਕਾਂਗਰਸ ਦੇ ਦੋ ਦਿੱਗਜ਼ ਲੀਡਰ ਅਤੇ ਐੱਮਪੀ ਸ਼ਮਸ਼ੇਰ ਸਿੰਘ ਦੂਲੋ ਅਤੇ ਪ੍ਰਤਾਪ ਸਿੰਘ ਬਾਜਵਾ। ਜੋ ਲਗਾਤਾਰ ਕੈਪਟਨ ਸਰਕਾਰ ਖਿਲਾਫ਼ ਲੋਕਾਂ ਨਾਲ ਵਾਅਦਾ ਖ਼ਿਲਾਫ਼ੀ ਦੇ ਮੁੱਦੇ ਆਵਾਜ਼ ਬੁਲੰਦ ਕਰਦੇ ਹੀ ਰਹਿੰਦੇ ਹਨ। ਜਿਸਦਾ ਸਿਲਸਲਾ ਕੱਲ੍ਹ ਵੀ ਨਹੀਂ ਰੁਕਿਆ, ਦਰਅਸਲ ਆਮ ਬਜਟ ‘ਚ ਕੇਂਦਰ ਸਰਕਾਰ ਨੂੰ ਘੇਰਨ ਲਈ ਰਣਨੀਤੀ ਬਣਾਉਣ ਲਈ ਪੰਜਾਬ ਦੇ ਕਾਂਗਰਸੀ ਸਾਂਸਦਾਂ ਦੀ ਅੱਜ ਮੀਟਿੰਗ ਬੁਲਾਈ ਗਈ।
ਕੈਪਟਨ ਦੀ ਵਧੀ ਮੁਸ਼ਕਿਲ, ਆਪਣੇ ਹੀ 2 ਐੱਮਪੀ ਹੋਏ ਖਿਲਾਫ, ਦਿੱਤੀ ਵੱਡੀ ਚਿਤਾਵਨੀ
ਇਸ ਮੀਟਿੰਗ ‘ਚ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਅਗਵਾਈ ‘ਚ ਪੰਜਾਬ ਦੇ ਸਾਰੇ ਕਾਂਗਰਸੀ ਸਾਂਸਦ ਸ਼ਾਮਲ ਹੋਏ। ਆਮ ਤੌਰ ਤੇ ਕੈਪਟਨ ਖਿਲਾਫ਼ ਸ਼ਰੇਆਮ ਬਿਆਨਬਾਜ਼ੀ ਕਾਰਨ ਵਾਲੇ ਬਾਜਵਾ ਅਤੇ ਦੂਲੋ ਇਥੇ ਵੀ ਨਹੀਂ ਟਲੇ। ਸ਼ਮਸ਼ੇਰ ਸਿੰਘ ਦੂਲੋ ਆਪਣੀ ਹੀ ਸਰਕਾਰ ਨੂੰ ਨਸੀਹਤ ਦਿੰਦੇ ਦਿਖਾਈ ਦਿੱਤੇ। ਸਰਕਾਰ ਨੂੰ ਨਸੀਹਤ ਦੇਣ ਦਾ ਮਾਮਲਾ ਇਥੇ ਹੀ ਨਹੀਂ ਟਲਿਆ। ਇਸ ਤੋਂ ਇਲਾਵਾ ਬਾਜਵਾ ਨੇ ਕਈ ਮੁੱਦਿਆਂ ਸਮੇਤ ਟ੍ਰਾਂਸਪੋਰਟ ਮਾਮਲੇ ‘ਤੇ ਵੀ ਸਰਕਾਰ ਨੂੰ ਘੇਰਿਆ ਉਨ੍ਹਾਂ ਕਿਹਾ ਕਿ ਕਾਂਗਰਸ ਸਰਕਾਰ ‘ਚ ਵੀ ਬਾਦਲ ਪਰਿਵਾਰ ਦਾ ਕਾਰੋਬਾਰ ਦਿਨੋਂ ਦਿਨ ਵੱਧ ਰਿਹਾ ਹੈ।
ਬਾਜਵਾ ਤੇ ਦੂਲੋ ਨੇ ਦਿਖਾਈ ਦਲੇਰੀ, ਕੈਪਟਨ ਦੇ ਮੂੰਹ ‘ਤੇ ਹੀ ਸੁਣਾਈਆਂ ਖਰੀਆਂ-ਖਰੀਆਂ, ਸਭ ਦੇਖ ਕੇ ਹੋ ਗਏ ਹੈਰਾਨ
ਇੰਨਾ ਹੀ ਨਹੀਂ ਬਾਜਵਾ ਨੇ ਕਿਹਾ ਕਿ ਮੇਰਾ ਕਿਸੇ ਨਾਲ ਕੋਈ ਵੀ ਨਿੱਜੀ ਗਿਲਾ ਸ਼ਿਕਵਾ ਨਹੀਂ ਹੈ ਅਤੇ ਮੈਂ ਕੈਪਟਨ ਨੂੰ ਇਹ ਵੀ ਸਿੱਧਾ ਕਹਿ ਦਿੱਤਾ ਕਿ ਜੇਕਰ ਲੋਕਾਂ ਦੇ ਵਾਅਦੇ ਪੂਰੇ ਕਰੋਗੇ ਤਾਂ ਅਸੀਂ ਤੁਹਾਡੇ ਨਾਲ ਹਾਂ ਨਹੀਂ ਤਾਂ ਤੁਹਾਡੇ ਸਾਹਮਣੇ ਖੜੇ ਹਾਂ। ਦੱਸ ਦੇਈਏ ਕਿ ਕੈਪਟਨ ਵੱਲੋਂ ਬੁਲਾਈ ਗਈ ਮੀਟਿੰਗ ‘ਚ ਇਕ ਵਾਰ ਫਿਰ ਬਾਜਵਾ ਅਤੇ ਦੂਲੋ ਵੱਲੋਂ ਆਵਾਜ ਬੁਲੰਦ ਕੀਤੀ ਗਈ ਹੈ।ਬੇਸ਼ੱਕ ਬਾਜਵਾ ਅਤੇ ਦੂਲੋ ਨੇ ਇਹ ਵੀ ਕਿਹਾ ਹੈ ਕਿ ਕੈਪਟਨ ਨੇ ਉਨ੍ਹਾਂ ਦੀਆਂ ਗੱਲਾਂ ਸੁਣ ਕੇ ਸਾਰੇ ਮਸਲੇ ਹੱਲ ਕਰਨ ਦਾ ਭਰੋਸਾ ਦਿੱਤਾ ਹੈ ਪਰ ਕੈਪਟਨ ਬਾਜਵਾ ਅਤੇ ਦੂਲੋ ਦੀ ਨਾਰਾਜ਼ਗੀ ਕਦੋਂ ਤੱਕ ਦੂਰ ਰੱਖ ਸਕਦੇ ਨੇ ਇਹ ਤਾਂ ਆਉਣ ਵਾਲਾ ਵਖ਼ਤ ਹੀ ਦੱਸੇਗਾ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
