ਇੰਗਲੈਂਡ ਦੇ ਸਾਬਕਾ ਕਪਤਾਨ ਇਓਨ ਮੋਰਗਨ ਨੇ ਕ੍ਰਿਕਟ ਤੋਂ ਸੰਨਿਆਸ ਲੈਣ ਦਾ ਕੀਤਾ ਐਲਾਨ, ਸੋਸ਼ਲ ਮੀਡੀਆ ‘ਤੇ ਦਿੱਤੀ ਜਾਣਕਾਰੀ

ਮੋਰਨਗ ਦੀ ਅਗਵਾਈ ‘ਚ ਇੰਗਲੈਂਡ ਨੇ ਸਾਲ 2019 ‘ਚ ਵਨਡੇ ਵਿਸ਼ਵ ਕੱਪ ਜਿੱਤਿਆ ਸੀ। ਮੋਰਗਨ ਨੇ ਪਿਛਲੇ ਸਾਲ ਜੂਨ ‘ਚ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਲੈ ਲਿਆ ਸੀ। ਉਸਨੇ ਆਪਣੇ ਅੰਤਰਰਾਸ਼ਟਰੀ ਕਰੀਅਰ ਵਿੱਚ 10,858 ਦੌੜਾਂ ਬਣਾਈਆਂ, ਜਿਸ ਵਿੱਚ 16 ਸੈਂਕੜੇ ਅਤੇ 64 ਅਰਧ ਸੈਂਕੜੇ ਸ਼ਾਮਲ ਹਨ। ਉਸ ਦੇ ਨਾਂ ਕਈ ਰਿਕਾਰਡ ਦਰਜ ਹਨ। ਪਰ ਉਹ ਇਸ ਵੇਲੇ ਦੋ ਮਾਮਲਿਆਂ ਵਿੱਚ ‘ਨੰਬਰ ਇੱਕ’ ਹੈ। ਉਹ ਵਨਡੇ (6,957) ਅਤੇ ਟੀ-20 ਅੰਤਰਰਾਸ਼ਟਰੀ (2,458) ਵਿੱਚ ਇੰਗਲੈਂਡ ਲਈ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲਾ ਬੱਲੇਬਾਜ਼ ਹੈ।ਮੋਰਗਨ ਨੇ ਟਵਿੱਟਰ ‘ਤੇ ਲਿਖਿਆ, “ਮੈਨੂੰ ਕ੍ਰਿਕਟ ਦੇ ਸਾਰੇ ਫਾਰਮੈਟਾਂ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕਰਦੇ ਹੋਏ ਬਹੁਤ ਮਾਣ ਮਹਿਸੂਸ ਹੋ ਰਿਹਾ ਹੈ। ਕਾਫੀ ਸੋਚਣ ਤੋਂ ਬਾਅਦ ਮੈਨੂੰ ਲੱਗਾ ਕਿ ਖੇਡ ਤੋਂ ਦੂਰ ਰਹਿਣ ਦਾ ਇਹ ਸਹੀ ਸਮਾਂ ਹੈ। ਇਸ ਖੇਡ ਨੇ ਮੈਨੂੰ ਸਾਲਾਂ ਦੌਰਾਨ ਬਹੁਤ ਕੁਝ ਦਿੱਤਾ ਹੈ। 2005 ਵਿੱਚ ਇੰਗਲੈਂਡ ਜਾਣ ਤੋਂ ਲੈ ਕੇ ਮਿਡਲਸੈਕਸ ਵਿੱਚ ਸ਼ਾਮਲ ਹੋਣ ਅਤੇ SA20 ਵਿੱਚ ਪਾਰਲ ਰਾਇਲਜ਼ ਲਈ ਖੇਡਣ ਤੱਕ, ਮੈਂ ਹਰ ਪਲ ਦਾ ਆਨੰਦ ਮਾਣਿਆ ਹੈ। ਹਰ ਖਿਡਾਰੀ ਦੀ ਤਰ੍ਹਾਂ, ਮੇਰੇ ਕਰੀਅਰ ਵਿੱਚ ਮੇਰੇ ਉਤਰਾਅ-ਚੜ੍ਹਾਅ ਆਏ ਹਨ, ਪਰ ਮੇਰਾ ਪਰਿਵਾਰ ਅਤੇ ਦੋਸਤ ਇਸ ਦੌਰਾਨ ਮੇਰੇ ਨਾਲ ਰਹੇ। ਸਮਾਂ ਮੈਂ ਆਪਣੀ ਪਤਨੀ ਤਾਰਾ, ਮੇਰੇ ਪਰਿਵਾਰ ਅਤੇ ਕਰੀਬੀ ਦੋਸਤਾਂ ਦਾ ਵਿਸ਼ੇਸ਼ ਧੰਨਵਾਦ ਕਰਨਾ ਚਾਹੁੰਦਾ ਹਾਂ। ਮੋਰਗਨ ਨੇ ਅੱਗੇ ਕਿਹਾ ਕਿ ਮੈਂ ਆਪਣੇ ਸਾਰੇ ਸਾਥੀਆਂ, ਕੋਚਾਂ, ਪ੍ਰਸ਼ੰਸਕਾਂ ਅਤੇ ਉਨ੍ਹਾਂ ਸਾਰਿਆਂ ਦਾ ਵੀ ਧੰਨਵਾਦ ਕਰਨਾ ਚਾਹਾਂਗਾ, ਜਿਨ੍ਹਾਂ ਨੇ ਪਰਦੇ ਦੇ ਪਿੱਛੇ ਰਹਿ ਕੇ ਮੈਨੂੰ ਨਾ ਸਿਰਫ ਖਿਡਾਰੀ ਬਣਾਇਆ, ਬਲਕਿ ਉਹ ਵਿਅਕਤੀ ਵੀ ਬਣਾਇਆ ਜੋ ਮੈਂ ਅੱਜ ਹਾਂ।

ਮੋਰਗਨ ਭਾਵੇਂ ਹੀ ਇੱਕ ਖਿਡਾਰੀ ਦੇ ਤੌਰ ‘ਤੇ ਕ੍ਰਿਕਟ ਤੋਂ ਦੂਰ ਰਹੇ ਹੋਣ ਪਰ ਉਹ ਖੇਡ ਨਾਲ ਜੁੜੇ ਰਹਿਣਗੇ। ਆਪਣੀ ਪੋਸਟ ਦੇ ਅੰਤ ‘ਚ ਉਸ ਨੇ ਕਿਹਾ ਕਿ ਮੈਂ ਆਪਣੇ ਖੇਡ ਕਰੀਅਰ ਨੂੰ ਖਤਮ ਕਰ ਰਿਹਾ ਹਾਂ ਪਰ ਖੇਡ ਨਾਲ ਜੁੜਿਆ ਰਹੇਗਾ। ਮੈਂ ਇੱਕ ਕੁਮੈਂਟੇਟਰ ਅਤੇ ਮਾਹਰ ਵਜੋਂ ਅੰਤਰਰਾਸ਼ਟਰੀ ਅਤੇ ਫਰੈਂਚਾਇਜ਼ੀ ਟੂਰਨਾਮੈਂਟਾਂ ਵਿੱਚ ਪ੍ਰਸਾਰਕਾਂ ਨਾਲ ਕੰਮ ਕਰਦਾ ਰਿਹਾ ਹਾਂ। ਮਹੱਤਵਪੂਰਨ ਗੱਲ ਇਹ ਹੈ ਕਿ ਮੋਰਗਨ ਨੇ 126 ਮੈਚਾਂ ਵਿੱਚ ਇੰਗਲੈਂਡ ਦੀ ਕਪਤਾਨੀ ਕੀਤੀ, ਜਿਸ ਵਿੱਚ ਉਸ ਨੇ 76 ਜਿੱਤੇ ਅਤੇ ਇਸ ਦੌਰਾਨ ਉਸ ਦੀ ਜਿੱਤ ਦਾ ਪ੍ਰਤੀਸ਼ਤ 65.25 ਰਿਹਾ।