ਹਾਈਡ੍ਰੋਜਨ ਨਾਲ ਚੱਲਣ ਵਾਲੀ ਟ੍ਰੇਨ ਦਾ ਸਫਲ ਟ੍ਰਾਇਲ

 ਦੇਸ਼ ਦੀ ਪਹਿਲੀ ਹਾਈਡ੍ਰੋਜਨ-ਸੰਚਾਲਿਤ ਰੇਲਗੱਡੀ ਦਾ ਚੇਨਈ ਦੇ ਇੰਟੈਗਰਲ ਕੋਚ ਫੈਕਟਰੀ (ICF) ਵਿੱਚ ਸਫਲਤਾਪੂਰਵਕ ਟੈਸਟ ਕੀਤਾ ਗਿਆ ਹੈ। ਰੇਲ ਮੰਤਰੀ ਅਸ਼ਵਨੀ ਵੈਸ਼ਨਵ ਨੇ ਇਸ ਟੈਸਟ ਦੀ ਪੁਸ਼ਟੀ ਕੀਤੀ।ਰੇਲ ਮੰਤਰੀ ਅਸ਼ਵਨੀ ਵੈਸ਼ਨਵ ਨੇ ਸੋਸ਼ਲ ਮੀਡੀਆ ਹੈਂਡਲ X ‘ਤੇ ਪੋਸਟ ਕਰਕੇ ਇਸ ਟੈਸਟ ਦੀ ਪੁਸ਼ਟੀ ਕੀਤੀ ਹੈ। ਉਨ੍ਹਾਂ ਨੇ ਟੈਸਟ ਦੀ ਇੱਕ ਵੀਡੀਓ ਵੀ ਸਾਂਝੀ ਕੀਤੀ ਹੈ।

ਉਨ੍ਹਾਂ ਇਹ ਵੀ ਕਿਹਾ, ਪਹਿਲੇ ਹਾਈਡ੍ਰੋਜਨ-ਸੰਚਾਲਿਤ ਕੋਚ (ਡਰਾਈਵਿੰਗ ਪਾਵਰ ਕਾਰ) ਦਾ ICF ਚੇਨਈ ਵਿਖੇ ਸਫਲਤਾਪੂਰਵਕ ਟੈਸਟ ਕੀਤਾ ਗਿਆ ਸੀ। ਉਨ੍ਹਾਂ ਅੱਗੇ ਕਿਹਾ, ਭਾਰਤ 1,200 HP ਹਾਈਡ੍ਰੋਜਨ ਟ੍ਰੇਨ ਵਿਕਸਤ ਕਰ ਰਿਹਾ ਹੈਜਿਸ ਕੋਚ ਦੀ ਜਾਂਚ ਕੀਤੀ ਗਈ ਸੀ ਉਸ ਨੂੰ ਡਰਾਈਵਿੰਗ ਪਾਵਰ ਕਾਰ ਵਜੋਂ ਜਾਣਿਆ ਜਾਂਦਾ ਹੈ। ਰੇਲ ਮੰਤਰੀ ਨੇ ਜ਼ੋਰ ਦੇ ਕੇ ਕਿਹਾ ਕਿ ਇਹ ਕਦਮ ਹਰਿਤ ਊਰਜਾ ਅਤੇ ਭਵਿੱਖ ਲਈ ਤਿਆਰ ਆਵਾਜਾਈ ਹੱਲਾਂ ਪ੍ਰਤੀ ਭਾਰਤ ਦੀ ਵਚਨਬੱਧਤਾ ਨੂੰ ਦਰਸਾਉਂਦਾ ਹੈ।