ਪੰਜਾਬ ਤੇ ਹਰਿਆਣਾ ਹਾਈ ਕੋਰਟ ਨੇ ਐੱਨਡੀਪੀਐੱਸ ਮਾਮਲਿਆਂ ਦੇ ਛੇਤੀ ਨਿਪਟਾਰੇ ਲਈ ਵਿਸ਼ੇਸ਼ ਅਦਾਲਤਾਂ ਨੂੰ ਨਵੀਆਂ ਗਾਈਡਲਾਈਨਜ਼ ਜਾਰੀ ਕੀਤੀਆਂ ਹਨ। ਨਸ਼ੀਲੇ ਪਦਾਰਥਾਂ ਤੇ ਨਸ਼ੀਲੀਆਂ ਦਵਾਈਆਂ ਨਾਲ ਜੁੜੇ ਮਾਮਲਿਆਂ ਵਿਚ ਤੇਜ਼ੀ ਲਿਆਉਣ ਦੇ ਉਦੇਸ਼ ਨਾਲ ਤਿਆਰ ਕੀਤੀਆਂ ਗਈਆਂ ਇਹ ਗਾਈਡਲਾਈਨਜ਼ ਪਹਿਲੀ ਜਨਵਰੀ 2026 ਤੋਂ ਲਾਗੂ ਹੋਣਗੀਆਂ। ਹਾਈ ਕੋਰਟ ਨੇ ਕਿਹਾ ਮੁਲਜ਼ਮ ਖ਼ੁਦ ਮੁਕੱਦਮੇ ਵਿਚ ਦੇਰੀ ਦਾ ਨਕਲੀ ਕਾਰਨ ਬਣਾ ਕੇ ਬਾਅਦ ਵਿਚ ਸੰਵਿਧਾਨ ਦੀ ਧਾਰਾ 21 ਤਹਿਤ ਤੇਜ਼ੀ ਨਾਲ ਮੁਕੱਦਮੇ ਦੇ ਅਧਿਕਾਰ ਦਾ ਲਾਭ ਨਹੀਂ ਚੁੱਕ ਸਕਦਾ। ਕੋਰਟ ਨੇ ਸਪੱਸ਼ਟ ਕੀਤਾ ਕਿ ਜਦੋਂ ਦੇਰੀ ਮੁਲਜ਼ਮ ਦੀ ਆਪਣੀ ਰਣਨੀਤੀ ਜਾਂ ਵਿਹਾਰ ਕਾਰਨ ਹੋਵੇ ਤਾਂ ਉਸ ਨੂੰ ਆਪਣੀ ਹੀ ਗ਼ਲਤੀ ਦਾ ਫ਼ਾਇਦਾ ਨਹੀਂ ਦਿੱਤਾ ਜਾ ਸਕਦਾ।
ਕੋਰਟ ਨੇ ਕਿਹਾ ਕਿ ਅਜਿਹੇ ਮਾਮਲਿਆਂ ਵਿਚ ਜਿੱਥੇ ਭਾਰੀ ਮਾਤਰਾ ਵਿਚ ਨਸ਼ੀਲੇ ਪਦਾਰਥ ਬਰਾਮਦ ਹੋਏ ਹਨ, ਉੱਥੇ ਟ੍ਰਾਇਲ ਨੂੰ ਤਰਜੀਹ ਦਿੱਤੀ ਜਾਵੇ। ਕੋਰਟ ਨੇ ਉਦਾਹਰਣ ਦਿੰਦੇ ਹੋਏ ਕਿਹਾ ਕਿ ਜੇਕਰ 1000 ਜਾਂ ਵੱਧ ਖੰਗ ਦੇ ਸਿਰਪ ਦੀਆਂ ਸ਼ੀਸ਼ੀਆਂ ਹਰੇਕ 100 ਮਿਲੀਲੀਟਰ ਵਿਚ ਦੋ ਫ਼ੀਸਦੀ ਕੋਡੀਨ ਫਾਸਫੇਟ ਬਰਾਮਦ ਹੋਵੇ ਜਾਂ ਪਾਪੀ ਸਟ੍ਰਾਅ, ਅਫੀਮ, ਚਰਸ, ਭੰਗ, ਕੋਕਾ ਪੱਤੀਆਂ ਜਾਂ ਕੱਥ ਏਡੁਲਿਸ ਵਰਗੀਆਂ ਹਰਬਲ ਦਵਾਈਆਂ ਦੀ ਮਾਤਰਾ ਕਾਰੋਬਾਰੀ ਹੱਦ ਤੋਂ 25 ਗੁਣਾ ਵੱਧ ਹੋਵੇ ਤਾਂ ਅਜਿਹੇ ਮਾਮਲਿਆਂ ਦੀ ਸੁਣਵਾਈ ਨੂੰ ਤਰਜੀਹ ਦਿੱਤੀ ਜਾਣੀ ਚਾਹੀਦੀ। ਇਸੇ ਤਰ੍ਹਾਂ, ਜੇਕਰ ਨਸ਼ੀਲਾ ਪਦਾਰਥ ਪਾਊਡਰ ਜਾਂ ਕੱਚੇ ਰੂਪ ਵਿਚ ਹੋਵੇ ਅਤੇ ਉਸ ਦੀ ਮਾਤਰਾ ਕਾਰੋਬਾਰੀ ਹੱਦ ਤੋਂ 10 ਗੁਣਾ ਵੱਧ ਹੋਵੇ ਤਾਂ ਅਜਿਹੇ ਮਾਮਲਿਾਂ ਦਾ ਟ੍ਰਾਇਲ ਤੇਜ਼ੀ ਨਾਲ ਪੂਰਾ ਕੀਤਾ ਜਾਣਾ ਚਾਹੀਦਾਕੋਰਟ ਵੱਲੋਂ ਦੇਰੀ ਹੋਣ ’ਤੇ ਪ੍ਰਿੰਸੀਪਲ ਸੈਸ਼ਨ ਜੱਜ ਨੂੰ ਇਹ ਜਾਣਕਾਰੀ ਪ੍ਰਸ਼ਸਾਨਿਕ ਜਾਂ ਪੋਰਟਫੋਲੀਓ ਜੱਜ ਨੂੰ ਦੇਣੀ ਹੋਵੇਗੀ। ਕੋਰਟ ਨੇ ਇਹ ਵੀ ਕਿਹਾ ਕਿ ਕਈ ਵਾਰ ਜ਼ਮਾਨਤ ’ਤੇ ਬਾਹਰ ਮੁਲਜ਼ਮ ਜਾਣਬੁੱਝ ਕੇ ਅਦਾਲਤ ਵਿਚ ਪੇਸ਼ ਨਹੀਂ ਹੁੰਦੇ ਤਾਂ ਕਿ ਮੁਕੱਦਮੇ ਵਿਚ ਦੇਰੀ ਹੋਵੇ ਅਤੇ ਜੇਲ੍ਹ ਵਿਚ ਬੰਦ ਹੋਰ ਮੁਲਜ਼ਮ ਲੰਬੇ ਟ੍ਰਾਇਲ ਦਾ ਹਵਾਲਾ ਦੇ ਕੇ ਜ਼ਮਾਨਤ ਹਾਸਲ ਕਰ ਸਕਣ। ਹਾਈ ਕੋਰਟ ਨੇ ਅਜਿਹੇ ਵਿਵਹਾਰ ਨੂੰ ਨਿਆਂ ਪ੍ਰਕਿਰਿਆ ਵਿਚ ਅੜਿੱਕਾ ਪਾਉਣ ਦੀ ਯੋਜਨਾਬੱਧ ਰਣਨੀਤੀ ਦੱਸਿਆ। ਕੋਰਟ ਨੇ ਸਖ਼ਤ ਟਿੱਪਣੀ ਕੀਤੀ ਕਿ ਜਦੋਂ ਦੇਰੀ ਖ਼ੁਦ ਮੁਲਜ਼ਮ ਦੀ ਚਾਲ ਦਾ ਹਿੱਸਾ ਬਣ ਜਾਵੇ ਤਾਂ ਧਾਰਾ 21 ਆਜ਼ਾਦੀ ਦੀ ਤਲਵਾਰ ਨਹੀਂ ਬਲਕਿ ਸਹੂਲਤ ਦੀ ਢਾਲ ਬਣ ਜਾਂਦਾ ਹੈ। ਕੋਰਟ ਨੇ ਇਹ ਟਿੱਪਣੀ ਕਰਦੇ ਹੋਏ ਛੇ ਕਿੱਲੋ ਆਈਸ ਅਤੇ 21 ਕਿੱਲੋ ਹੈਰੋਇਨ ਬਰਾਮਦ ਦੇ ਮੁਲਜ਼ਮ ਦੀ ਚੌਥੀ ਜ਼ਮਾਨਤ ਪਟੀਸ਼ਨ ਖ਼ਾਰਜ ਕਰ ਦਿੱਤੀ। ਹਾਈ ਕੋਰਟ ਨੇ ਹੁਕਮ ਦਿੱਤਾ ਕਿ ਇਸ ਫ਼ੈਸਲੇ ਦੀ ਡਿਜੀਟਲ ਕਾਪੀ ਪੰਜਾਬ, ਹਰਿਆਣਾ ਤੇ ਚੰਡੀਗੜ੍ਹ ਦੇ ਸਾਰੇ ਸੈਸ਼ਨ ਜੱਜਾਂ ਅਤੇ ਡੀਜੀਪੀਜ਼ ਨੂੰ ਭੇਜੀ ਜਾਵੇ ਤਾਂ ਕਿ ਸਾਰੇ ਸਬੰਧਤ ਅਧਿਕਾਰੀ ਇਨ੍ਹਾਂ ਦਿਸ਼ਾ-ਨਿਰਦੇਸ਼ਾਂ ਦਾ ਪਾਲਣ ਯਕੀਨੀ ਬਣਾ ਸਕਣ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
