ਨੌਰਥ ਮੈਸੇਡੋਨੀਆ ਦੇ ਕੋਕਾਨੀ ਸ਼ਹਿਰ ਇੱਕ ਨਾਈਟ ਕਲੱਬ ‘ਚ ਲੱਗੀ ਅੱਗ, 51 ਲੋਕਾਂ ਦੀ ਮੌਤ

ਨੌਰਥ ਮੈਸੇਡੋਨੀਆ ਦੇ ਕੋਕਾਨੀ ਸ਼ਹਿਰ ਵਿੱਚ ਐਤਵਾਰ ਨੂੰ ਇੱਕ ਨਾਈਟ ਕਲੱਬ ਵਿੱਚ ਅੱਗ ਲੱਗ ਗਈ। ਇਸ ਘਟਨਾ ‘ਚ 51 ਲੋਕਾਂ ਦੀ ਮੌਤ ਹੋ ਗਈ ਹੈ, ਜਦਕਿ ਦਰਜਨਾਂ ਲੋਕ ਜ਼ਖਮੀ ਹਨ। ਸਥਾਨਕ ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਨਾਈਟ ਕਲੱਬ ਵਿੱਚ ਲੱਗੀ ਭਿਆਨਕ ਅੱਗ ਜਲਦੀ ਹੀ ਕਲੱਬ ਦੀ ਛੱਤ ਤੱਕ ਫੈਲ ਗਈ, ਜਿਸ ਤੋਂ ਬਾਅਦ ਅੱਗ ਹੋਰ ਭੜਕ ਗਈ। ਖਬਰਾਂ ਮੁਤਾਬਕ ਅੱਗ ਲੱਗਣ ਸਮੇਂ ਕਲੱਬ ‘ਚ ਕਰੀਬ 1500 ਲੋਕ ਮੌਜੂਦ ਸਨ।ਮੈਸੇਡੋਨੀਅਨ ਮੀਡੀਆ ਇਨਫਰਮੇਸ਼ਨ ਏਜੰਸੀ (ਐਮਆਈਏ) ਨੇ ਦੱਸਿਆ ਕਿ ਨਾਈਟ ਕਲੱਬ ਵਿੱਚ ਅੱਗ ਉਦੋਂ ਲੱਗੀ ਜਦੋਂ 15 ਮਾਰਚ ਦੇਰ ਰਾਤ ਨੂੰ ਕਲੱਬ ਵਿੱਚ ਬੈਂਡ ਡੀਐਨਏ ਦੁਆਰਾ ਕੀਤੇ ਗਏ ਇੱਕ ਸੰਗੀਤ ਸਮਾਰੋਹ ਦੌਰਾਨ ਆਤਿਸ਼ਬਾਜ਼ੀ ਚਲਾਈ ਗਈ।