ਕੈਲੀਫੋਰਨੀਆ ‘ਚ ਹਵਾ ਵਿੱਚ ਟਕਰਾਏ ਸਕਾਈਡਾਈਵਰ, ਜ਼ਮੀਨ ਤੋਂ 150 ਫੁੱਟ ਉੱਪਰ ਉਲਝੇ ਪੈਰਾਸ਼ੂਟ; ਦੋ ਦੀ ਮੌਤ
ਅਮਰੀਕਾ ਦੇ ਕੈਲੀਫੋਰਨੀਆ ਵਿੱਚ ਸਕਾਈਡਾਈਵਿੰਗ ਇਵੈਂਟ ਦੌਰਾਨ ਹਵਾ ਵਿੱਚ ਦੋ ਸਕਾਈਡਾਈਵਰਾਂ ਦੀ ਆਪਸ ਵਿੱਚ ਟੱਕਰ ਹੋ ਗਈ। ਇਸ ਤੋਂ ਬਾਅਦ ਦੋਵੇਂ ਜ਼ਮੀਨ ‘ਤੇ ਡਿੱਗ ਪਏ, ਜਿਸ ਕਾਰਨ ਉਨ੍ਹਾਂ ਦੀ ਮੌਤ ਹੋ ਗਈ। ਇਹ ਹਾਦਸਾ ਸ਼ੁੱਕਰਵਾਰ ਨੂੰ ਵਾਪਰਿਆ। ਹਾਦਸੇ ਦਾ ਸ਼ਿਕਾਰ ਹੋਏ ਦੋਵੇਂ ਸਕਾਈਡਾਈਵਰ ਤਜਰਬੇਕਾਰ ਸਨ ਅਤੇ ਉਨ੍ਹਾਂ ਕੋਲ ਲਾਇਸੈਂਸ ਵੀ ਸੀ। ਉਹ ਸਕਾਈਡਾਈਵ ਐਲਸਿਨੋਰ ਨਾਲ ਜੁੜੇ ਹੋਏ ਸਨ। ਰਿਵਰਸਾਈਡ ਕਾਊਂਟੀ ਫਾਇਰ ਡਿਪਾਰਟਮੈਂਟ ਮੁਤਾਬਕ, ਦੋਵਾਂ ਨੂੰ ਗੰਭੀਰ ਸੱਟਾਂ ਲੱਗੀਆਂ ਸਨ ਅਤੇ ਨਾਜ਼ੁਕ ਹਾਲਤ ਵਿੱਚ ਇੱਕ ਸਥਾਨਕ ਹਸਪਤਾਲ ਲਿਜਾਇਆ ਗਿਆ।ਸਕਾਈਡਾਈਵ ਐਲਸਿਨੋਰ ਨੇ ਦੱਸਿਆ ਕਿ ਡਾਈਵ ਦੌਰਾਨ ਫ੍ਰੀ ਫਾਲ ਅਤੇ ਪੈਰਾਸ਼ੂਟ ਖੋਲ੍ਹਣ ਦੀ ਪ੍ਰਕਿਰਿਆ ਆਮ ਤਰ੍ਹਾਂ ਚੱਲ ਰਹੀ ਸੀ। ਪਰ ਜਦੋਂ ਦੋਵੇਂ ਜ਼ਮੀਨ ‘ਤੇ ਉਤਰਨ ਦੀ ਤਿਆਰੀ ਕਰ ਰਹੇ ਸਨ, ਤਾਂ ਜ਼ਮੀਨ ਤੋਂ ਲਗਭਗ 150 ਫੁੱਟ ਦੀ ਉਚਾਈ ‘ਤੇ ਉਨ੍ਹਾਂ ਦੀ ਆਪਸ ਵਿੱਚ ਟੱਕਰ ਹੋ ਗਈ। ਸਕਾਈਡਾਈਵ ਐਲਸਿਨੋਰ ਨੇ ਕਿਹਾ, “ਇਸ ਟੱਕਰ ਕਾਰਨ ਦੋਵਾਂ ਦੇ ਪੈਰਾਸ਼ੂਟ ਆਪਸ ਵਿੱਚ ਉਲਝ ਗਏ ਅਤੇ ਜ਼ਮੀਨ ‘ਤੇ ਡਿੱਗਣ ਤੋਂ ਬਾਅਦ ਉਨ੍ਹਾਂ ਨੂੰ ਗੰਭੀਰ ਸੱਟਾਂ ਲੱਗੀਆਂ।” ਬਾਅਦ ਵਿੱਚ ਹਸਪਤਾਲ ਵਿੱਚ ਦੋਵਾਂ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
