ਪੰਜਾਬ ‘ਚ ਮੀਂਹ ਤੇ ਤੇਜ਼ ਹਨੇਰੀ ਨਾਲ ਮਚੀ ਤਬਾਹੀ (Video)

ਨਾਭਾ : ਮੌਸਮ ਦਾ ਮਿਜਾਜ਼ ਤਾਂ ਬਦਲਿਆ ਹੈ ਪਰ ਇਸ ਮੌਸਮ ਨੇ ਕਈਆਂ ਦਾ ਲੱਖਾਂ ਦਾ ਨੁਕਸਾਨ ਕਰ ਦਿੱਤਾ ਹੈ ਤੇ ਕਈਆਂ ਲਈ ਨਵੀਂਆਂ ਮੁਸੀਬਤਾਂ ਖੜੀਆਂ ਕਰ ਦਿੱਤੀਆਂ ਹਨ। ਤੇਜ਼ ਮੀਂਹ ਤੋਂ ਬਾਅਦ ਆਏ ਤੂਫ਼ਾਨ ਨੇ ਸਭ ਕੁਝ ਤਹਿਸ ਨਹਿਸ ਕਰ ਦਿੱਤਾ। ਕਿਤੇ ਵੱਡੇ ਵੱਡੇ ਦਰੱਖਤ ਜ਼ਮੀਨ ‘ਤੇ ਡਿੱਗ ਪਏ ਤੇ ਸੜਕਾਂ ਜਾਮ ਹੋ ਗਈਆਂ। ਕਿਤੇ ਬਿਜਲੀ ਦੇ ਖੰਭੇ ਤੇ ਟਰਾਂਸਫਾਰਮਰ ਡਿੱਗਣ ਨਾਲ ਲੋਕਾਂ ਨੂੰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ।

🔴 LIVE | 10ਵੀਂ, 12ਵੀਂ ਤੇ ਡਿਗਰੀਆਂ ਵਾਲੇ ਵਿਦਿਆਰਥੀ ਲਓ ਸਲਾਹ | IELTS ਨਾਲੋਂ ਚੰਗਾ ਆਹ ਕੋਰਸ ਕਰੋ 0175-5000156

ਨਾਭਾ ਦੀਆਂ ਇਹਨਾਂ ਤਸਵੀਰਾਂ ‘ਚ ਇਕ ਤਸਵੀਰ ਇਹ ਵੀ ਹੈ ਜਿਥੇ ਇਕ ਕੰਬਾਇਨ ਫੈਕਟਰੀ ਦਾ ਸ਼ੈੱਡ ਡਿੱਗਣ ਨਾਲ ਭਿਆਨਕ ਮੰਜ਼ਰ ਵੇਖਣ ਨੂੰ ਮਿਲਿਆ। ਸ਼ੈੱਡ ਥੱਲੇ ਦੱਬਣ ਨਾਲ ਕੁਝ ਲੋਕ ਜ਼ਖ਼ਮੀ ਹੋ ਗਏ। ਲੋਕਾਂ ਦਾ ਕਹਿਣਾ ਸੀ ਕਿ ਉਹਨਾਂ ਨੇ ਹੁਣ ਤੱਕ ਇਲਾਕੇ ‘ਚ ਅਜਿਹਾ ਤੇਜ਼ ਤੂਫ਼ਾਨ ਪਹਿਲੀ ਵਾਰ ਵੇਖਿਆ ਹੈ। ਜਿਸ ਨੇ ਸਭ ਕੁਝ ਬਰਬਾਦ ਕਰ ਦਿੱਤਾ ਹੈ। ਇਕ ਤਾਂ ਪਹਿਲਾਂ ਹੀ ਕੋਰੋਨਾ ਵਾਇਰਸ ਤੇ ਲੌਕਡਾਊਨ ਕਾਰਨ ਕੁਦਰਤ ਦੀ ਮਾਰ ਝੱਲ ਰਹੇ ਹਨ। ਤੇ ਹੁਣ ਤੇਜ਼ ਮੀਂਹ ਤੇ ਹਨੇਰੀ ਨੇ ਹੋਰ ਵੀ ਲੱਕ ਤੋੜ ਕੇ ਰੱਖ ਦਿੱਤਾ ਹੈ।