ਓਲੰਪੀਅਨ ਪੂਨਮ ਮਲਿਕ ਨੇ ਅਸਿਸਟੈਂਟ ਸਬ ਇੰਸਪੈਕਟਰ ਸੁਨੀਲ ਖਿਆਲੀਆ ਨਾਲ ਕੀਤੀ ਕੁੜਮਾਈ

ਨਵੀਂ ਦਿੱਲੀ : ਓਲੰਪਿਕ ‘ਚ ਹਿੱਸਾ ਲੈ ਚੁੱਕੀ ਦੇਸ਼ ਦੀ ਚਰਚਿਤ ਹਾਕੀ ਖਿਡਾਰੀ ਪੂਨਮ ਮਲਿਕ ਜ਼ਲਦ ਹੀ ਵਿਆਹ  ਦੇ ਬੰਧਨ ਵਿੱਚ ਬੱਝਣ ਜਾ ਰਹੀ ਹਨ। ਪੂਨਮ ਮਲਿਕ ਨੇ ਅਸਿਸਟੈਂਟ ਸਬ ਇੰਸਪੈਕਟਰ ਸੁਨੀਲ ਖਿਆਲੀਆ ਨਾਲ ਐਤਵਾਰ ਨੂੰ ਕੁੜਮਾਈ ਕੀਤੀ ਹੈ। ਉਮਰਾ ਪਿੰਡ ਸਥਿਤ ਪੂਨਮ ਮਲਿਕ ਦੇ ਘਰ ‘ਚ ਦੋਵਾਂ ਪਰਿਵਾਰਾਂ  ਨੇ ਇੱਕ ਸਾਦੇ ਸਮਾਗਮ ‘ਚ ਕੁੜਮਾਈ ਦੀਆਂ ਰਸਮਾਂ ਨੂੰ ਪੂਰਾ ਕੀਤਾ। ਪੂਨਮ ਮਲਿਕ ਨੇ ਦੱਸਿਆ ਕਿ ਇਹ ਅਰੇਂਜ ਵਿਆਹ ਹੈ ਅਤੇ ਪਰਿਵਾਰ ਦੇ ਅਸ਼ੀਰਵਾਦ ਨਾਲ ਉਨ੍ਹਾਂਨੂੰ  ਮਿਸਟਰ ਰਾਇਟ ਮਿਲਿਆ ਹੈ। ਉੱਧਰ ਪੂਨਮ ਵੀ ਆਮਦਨ ਵਿਭਾਗ ’ਚ ਇੰਸਪੈਕਟਰ ਦੇ ਤੌਰ ’ਤੇ ਕੰਮ ਕਰ ਰਹੀ ਹੈ। ਇਨ੍ਹਾਂ ਦੋਵਾਂ ਦਾ ਵਿਆਹ 9 ਮਾਰਚ ਨੂੰ ਪੂਨਮ ਮਲਿਕ ਦੇ ਜੱਦੀ ਪਿੰਡ ਉਮਰਾ ’ਚ ਪੂਰੇ ਰੀਤੀ ਰਿਵਾਜ਼ਾਂ ਨਾਲ ਹੋਵੇਗਾ।

Sardool Sikander ਦੇ ਆਖਰੀ ਪੱਲ!ਕਿਵੇਂ ਗਮਾਂ ’ਚ ਹੋਏ ਤਬਦੀਲ

ਵਿਆਹ ਦਾ ਕਾਰਡ
ਜੇਕਰ ਵਿਆਹ ਦੇ ਕਾਰਡ ਦੀ ਗੱਲ ਕਰੀਏ ਤਾਂ ਪੂਨਮ ਦੇ ਵਿਆਹ ਦਾ ਕਾਰਡ ਬਹੁਤ ਹੀ ਖ਼ਾਸ ਹੈ। ਕਾਰਡ ’ਤੇ ਓਲੰਪਿਕ ਦਾ ਸਾਈਨ ਬਣਿਆ ਹੋਇਆ ਹੈ ਜੋ ਸਭ ਦਾ ਧਿਆਨ ਆਪਣੇ ਵੱਲ ਖਿੱਚ ਰਿਹਾ ਹੈ। ਸਾਈਨ ਦੇ ਹੇਠਾਂ ਪੂਨਮ ਵੈਡਜ਼ ਸੁਨੀਲ ਲਿਖਿਆ ਹੋਇਆ ਹੈ। ਪੂਨਮ ਨੇ 190 ਮੈਚਾਂ ’ਚ ਦੇਸ਼ ਦੀ ਅਗਵਾਈ ਕੀਤੀ ਹੈ। ਇਸ ਦੇ ਨਾਲ ਹੀ ਉਸ ਨੇ ਸਾਲ 2016 ’ਚ ਹੋਏ ਰਿਓ ਓਲੰਪਿਕ ’ਚ ਦੇਸ਼ ਦਾ ਮਾਨ-ਸਨਮਾਨ ਵਧਾਇਆ ਸੀ। ਪੂਨਮ ਨੇ ਹੁਣ ਤੱਕ ਖੇਡੇ ਮੈਚਾਂ ’ਚ 45 ਗੋਲ ਕੀਤੇ ਹਨ। 2020 ’ਚ ਹੋਏ ਨੈਸ਼ਨਲ ਚੈਂਪੀਅਨਸ਼ਿਪ ’ਚ ਉਸ ਨੇ ਹਰਿਆਣਾ ਟੀਮ ਦੀ ਕਪਤਾਨੀ ਕੀਤੀ ਸੀ। ਉਨ੍ਹਾਂ ਦੀ ਕਪਤਾਨੀ ਦੇ ਅੰਦਰ ਹੀ ਹਰਿਆਣਾ ਟੀਮ ਨੇ 7 ਸਾਲ ਬਾਅਦ ਸੋਨੇ ਦਾ ਤਮਗਾ ਜਿੱਤਿਆ ਸੀ।

ਓਲੰਪਿਕ ਖ਼ਿਡਾਰਣ ਪੂਨਮ ਮਲਿਕ ਹਰਿਆਣਾ ਦੇ ਹਿਸਾਰ ਜ਼ਿਲ੍ਹੇ ਦੇ ਇਕ ਛੋਟੇ ਜਿਹੇ ਪਿੰਡ ਉਮਰਾ ਦੀ ਰਹਿਣ ਵਾਲੀ ਹੈ। ਉਸ ਦੇ ਮਾਤਾ-ਪਿਤਾ ਕਿਸਾਨ ਹਨ ਅਤੇ ਪਿੰਡ ਦੀ ਮਿੱਟੀ ’ਚ ਅਭਿਆਸ ਕਰਕੇ ਉਸ ਨੇ ਓਲੰਪਿਕ ਤੱਕ ਦਾ ਸਫ਼ਰ ਤੈਅ ਕੀਤਾ ਹੈ। ਪੂਨਮ ਮਲਿਕ ਨੇ ਕਿਹਾ ਕਿ ਦੇਸ਼ ਲਈ ਓਲੰਪਿਕ ਗੋਲਡ ਮੈਡਲ ਜਿੱਤਣ ਦਾ ਸੁਫ਼ਨਾ ਬਾਕੀ ਹੈ ਅਤੇ ਉਹ ਇਸ ਨੂੰ ਪੂਰਾ ਕਰਨ ਲਈ ਸਖ਼ਤ ਮਿਹਨਤ ਕਰ ਰਹੀ ਹੈ।