ਅਮਰੀਕੀ ਹਵਾਈ ਹਮਲਿਆਂ ‘ਤੇ ਖੁਫੀਆ ਰਿਪੋਰਟ ਲੀਕ

ਨਿਊਯਾਰਕ : ਅਮਰੀਕੀ ਖੁਫੀਆ ਏਜੰਸੀ ਡਿਫੈਂਸ ਇੰਟੈਲੀਜੈਂਸ ਏਜੰਸੀ (DIA) ਦੀ ਸ਼ੁਰੂਆਤੀ ਰਿਪੋਰਟ ਅਨੁਸਾਰ, ਹਾਲ ਹੀ ਵਿੱਚ ਹੋਏ ਅਮਰੀਕੀ ਹਵਾਈ ਹਮਲੇ ਈਰਾਨ ਦੇ ਤਿੰਨ ਮੁੱਖ ਪ੍ਰਮਾਣੂ ਸਥਾਨਾਂ (ਫੋਰਡੋ, ਨਤਾਨਜ਼, ਇਸਫਾਹਨ) ਨੂੰ ਪੂਰੀ ਤਰ੍ਹਾਂ ਤਬਾਹ ਕਰਨ ਵਿੱਚ ਅਸਫਲ ਰਹੇ।

ਰਿਪੋਰਟ ਵਿੱਚ ਕਿਹਾ ਗਿਆ ਕਿ ਹਮਲਿਆਂ ਕਾਰਨ ਈਰਾਨ ਦੇ ਪ੍ਰਮਾਣੂ ਪ੍ਰੋਗਰਾਮ ਨੂੰ ਸਿਰਫ਼ ਕੁਝ ਮਹੀਨਿਆਂ ਲਈ ਪਿੱਛੇ ਧੱਕਿਆ ਗਿਆ ਹੈ, ਪਰ ਕੋਰ ਕੰਪੋਨੈਂਟਸ, ਜਿਵੇਂ ਕਿ ਸੈਂਟਰੀਫਿਊਜ ਅਤੇ ਉੱਚ-ਭਰਪੂਰ ਯੂਰੇਨੀਅਮ, ਨਸ਼ਟ ਨਹੀਂ ਹੋਏ। ਇਸ ਮੁਲਾਂਕਣ ਦੇ ਅਨੁਸਾਰ, ਹਮਲਿਆਂ ਨੇ ਉਪਰਲਾ ਢਾਂਚਾ ਦਾ ਤਾਂ ਨੁਕਸਾਨ ਕੀਤਾ, ਪਰ ਜ਼ਮੀਨ ਹੇਠਾਂ ਮੌਜੂਦ ਪ੍ਰਮਾਣੂ ਢਾਂਚਾ ਵੱਡੇ ਪੱਧਰ ‘ਤੇ ਬਰਕਰਾਰ ਹੈ।ਵ੍ਹਾਈਟ ਹਾਊਸ ਨੇ ਇਸ ਖੁਫੀਆ ਰਿਪੋਰਟ ਨੂੰ “ਸਿੱਧਾ ਗਲਤ” ਕਹਿ ਕੇ ਰੱਦ ਕਰ ਦਿੱਤਾ। ਵ੍ਹਾਈਟ ਹਾਊਸ ਦੀ ਪ੍ਰੈਸ ਸਕੱਤਰ ਕੈਰੋਲੀਨ ਲੀਵਿਟ ਨੇ ਕਿਹਾ ਕਿ ਇਹ ਰਿਪੋਰਟ ਲੀਕ ਕਰਕੇ ਰਾਸ਼ਟਰਪਤੀ ਟਰੰਪ ਦੀ ਇਮੇਜ ਨੂੰ ਨੁਕਸਾਨ ਪਹੁੰਚਾਉਣ ਅਤੇ ਮਿਸ਼ਨ ‘ਚ ਸ਼ਾਮਲ ਅਮਰੀਕੀ ਪਾਇਲਟਾਂ ਦੀ ਯੋਗਤਾ ‘ਤੇ ਸਵਾਲ ਚੁੱਕਣ ਦੀ ਕੋਸ਼ਿਸ਼ ਹੈ। ਉਨ੍ਹਾਂ ਨੇ ਦਾਅਵਾ ਕੀਤਾ ਕਿ “ਜਦੋਂ ਤੁਸੀਂ ਚੌਦਾਂ 30,000 ਪੌਂਡ ਦੇ ਬੰਬ ਨਿਸ਼ਾਨਿਆਂ ‘ਤੇ ਸੁੱਟਦੇ ਹੋ ਤਾਂ ਪੂਰੀ ਤਰ੍ਹਾਂ ਤਬਾਹੀ ਹੁੰਦੀ ਹੈ।”