UK Prime Minister ਬੋਰਿਸ ਜੌਨਸਨ ਡਰੋਨ ਹਮਲੇ ਤੋਂ ਵਾਲ-ਵਾਲ ਬਚੇ

ਯੂਕੇ ਦੇ ਸਾਬਕਾ ਪ੍ਰਧਾਨ ਮੰਤਰੀ ਬੋਰਿਸ ਜੌਨਸਨ ਅਤੇ ਸਵੀਡਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਕਾਰਲ ਬਿਲਡਟ ਸਮੇਤ ਕਈ ਅੰਤਰਰਾਸ਼ਟਰੀ ਨੇਤਾ ਯੂਕਰੇਨ-ਪੋਲੈਂਡ ਸਰਹੱਦ ਨੇੜੇ ਹੋਏ ਰੂਸੀ ਡਰੋਨ ਹਮਲੇ ਵਿੱਚ ਵਾਲ-ਵਾਲ ਬਚ ਗਏ। ਇਹ ਨੇਤਾ ਕੀਵ ਵਿੱਚ ਇੱਕ ਸੁਰੱਖਿਆ ਕਾਨਫਰੰਸ ਵਿੱਚ ਹਿੱਸਾ ਲੈਣ ਤੋਂ ਬਾਅਦ ਡਿਪਲੋਮੈਟਿਕ ਰੇਲਗੱਡੀ ਰਾਹੀਂ ਪੋਲੈਂਡ ਵੱਲ ਜਾ ਰਹੇ ਸਨ।ਯੂਕਰੇਨ ਦੇ ਸਰਕਾਰੀ ਰੇਲ ਆਪਰੇਟਰ ਅਨੁਸਾਰ, ਡਰੋਨ ਅਲਰਟ ਤੋਂ ਬਾਅਦ ਜੌਨਸਨ ਦੀ ਟ੍ਰੇਨ ਨੂੰ ਯਾਹੋਦੀਨ ਸਟੇਸ਼ਨ ਤੋਂ ਸਮੇਂ ਤੋਂ ਪਹਿਲਾਂ ਹੀ ਰਵਾਨਾ ਕਰ ਦਿੱਤਾ ਗਿਆ ਸੀ। ਇਸ ਤੋਂ ਤੁਰੰਤ ਬਾਅਦ ਸਟੇਸ਼ਨ ‘ਤੇ ਆਈ ਇੱਕ ਹੋਰ ਰੇਲਗੱਡੀ ਦੇ ਨੇੜੇ ਰੂਸੀ ਡਰੋਨ ਧਮਾਕਾ ਹੋਇਆ, ਜਿਸ ਵਿੱਚ ਸਾਬਕਾ ਸੀਆਈਏ ਡਾਇਰੈਕਟਰ ਡੇਵਿਡ ਪੈਟ੍ਰੀਅਸ ਸਵਾਰ ਸਨ। ਰੇਲ ਆਪਰੇਟਰ ਨੇ ਖਦਸ਼ਾ ਜਤਾਇਆ ਹੈ ਕਿ ਰੂਸ ਦਾ ਅਸਲ ਨਿਸ਼ਾਨਾ ਉਹੀ ਡਿਪਲੋਮੈਟਿਕ ਟ੍ਰੇਨ ਸੀ।ਇਸ ਹਮਲੇ ਨਾਲ ਨੇੜਲੇ ਪੈਟਰੋਲ ਸਟੇਸ਼ਨ ਅਤੇ ਟਰੱਕਾਂ ਨੂੰ ਅੱਗ ਲੱਗ ਗਈ, ਜਿਸ ਕਾਰਨ ਸਰਹੱਦੀ ਲੰਘਾ ਥੋੜ੍ਹੇ ਸਮੇਂ ਲਈ ਬੰਦ ਰਿਹਾ, ਹਾਲਾਂਕਿ ਕਿਸੇ ਜਾਨੀ ਨੁਕਸਾਨ ਦੀ ਖ਼ਬਰ ਨਹੀਂ ਹੈ। ਯੂਕਰੇਨ ਦੇ ਵਿਦੇਸ਼ ਮੰਤਰੀ ਐਂਡਰੀ ਸਿਬੀਹਾ ਨੇ ਇਸ ਨੂੰ ਪੁਤਿਨ ਦਾ ਸਿੱਧਾ ਯੂਰਪੀਅਨ ਯੂਨੀਅਨ ਅਤੇ ਨਾਟੋ ਦੀਆਂ ਸਰਹੱਦਾਂ ‘ਤੇ ਅੱਤਵਾਦ ਕਰਾਰ ਦਿੱਤਾ ਹੈ।