PSEB : ਪੇਪਰ ‘ਚ ਆਪ ਗਲਤੀਆਂ ਕਰਕੇ ਵਿਦਿਆਰਥੀਆਂ ਤੋਂ ਸਹੀ ਜਵਾਬ ਮੰਗ ਰਿਹੈ ਬੋਰਡ
ਲੁਧਿਆਣਾ : ਪੰਜਾਬ ਸਕੂਲ ਸਿੱਖਿਆ ਬੋਰਡ ਅਕਸਰ ਆਪਣੇ ਨਵੇਂ – ਨਵੇਂ ਕਾਰਨਾਮਿਆਂ ਦੇ ਚੱਲਦਿਆਂ ਸੁਰਖੀਆਂ ਬਟੋਰਦਾ ਰਹਿੰਦਾ ਹੈ। ਤਾਜ਼ਾ ਮਾਮਲਾ 8ਵੀਂ ਕਲਾਸ ਦੇ ਪੰਜਾਬੀ ਪੇਪਰ ਨਾਲ ਜੁੜਿਆ ਹੈ। ਜਿਸਦੇ ਪ੍ਰਸ਼ਨ ਪੱਤਰ ‘ਚ ਬੋਰਡ ਨੇ ਕਈ ਸ਼ਬਦਾਂ ਨੂੰ ਲਿਖਣ ‘ਚ ਹੀ ਗਲਤੀਆਂ ਕਰਕੇ ਵਿਦਿਆਰਥੀਆਂ ਤੋਂ ਸਹੀ ਜਵਾਬ ਦੀ ਉਮੀਦ ਕੀਤੀ ਹੈ। ਜਾਣਕਾਰੀ ਮੁਤਾਬਕ ਜਿੱਥੇ ਪੰਜਾਬ ਸਰਕਾਰ ਦੁਆਰਾ ਪੰਜਾਬੀ ਭਾਸ਼ਾ ਨੂੰ ਹੋਰ ਉਤਸ਼ਾਹਿਤ ਕਰਨ ਲਈ ਵਿਸ਼ੇਸ਼ ਯਤਨ ਕੀਤੇ ਜਾ ਰਹੇ ਹਨ।
ਪੰਜਾਬ ‘ਚ ਫੇਰ ਬਦਲੇਗਾ ਮੌਸਮ, ਅਲਰਟ ਜਾਰੀ.. ਇਸ ਦਿਨ ਹੋਵੇਗੀ ਭਾਰੀ ਬਾਰਿਸ਼ ਤੇ ਗੜੇਮਾਰੀ
ਉਥੇ ਹੀ ਇਸਦੇ ਉਲਟ ਅੱਜ ਪੰਜਾਬ ਸਕੂਲ ਸਿੱਖਿਆ ਬੋਰਡ ਦੁਆਰਾ ਲਈ ਗਈ 8ਵੀਂ ਜਮਾਤ ਦੇ ਪੰਜਾਬੀ ਵਿਸ਼ੇ ਦੇ ਪੇਪਰ ‘ਚ ਕਈ ਸ਼ਬਦਾਂ ਨੂੰ ਲਿਖਣ ਨੂੰ ਲੈ ਕੇ ਬੇਸ਼ੁਮਾਰ ਗਲਤੀਆਂ ਦੇਖਣ ਨੂੰ ਮਿਲੀਆਂ। ਦੱਸ ਦਈਏ ਕਿ ਲੱਗਭੱਗ 10 ਸਾਲ ਬਾਅਦ ਪੰਜਾਬ ਸਕੂਲ ਸਿੱਖਿਆ ਬੋਰਡ ਦੁਆਰਾ 8ਵੀਂ ਜਮਾਤ ਦੀ ਬੋਰਡ ਪ੍ਰੀਖਿਆ ਆਯੋਜਿਤ ਕੀਤੀ ਗਈ ਹੈ। ਪ੍ਰਸ਼ਨ ਪੱਤਰ ‘ਚ ਬੋਰਡ ਦੁਆਰਾ ਪੰਜਾਬੀ ਭਾਸ਼ਾ ਨੂੰ ਲਿਖਣ ‘ਚ ਅਜਿਹੀਆਂ ਗਲਤੀਆਂ ਦੇਖਣ ਨੂੰ ਮਿਲੀਆਂ ਹਨ। ਜਿਸਨੂੰ ਦੇਖਕੇ ਵਿਦਿਆਰਥੀ ਵੀ ਹੈਰਾਨ ਸਨ।
ਸੁਣੋ ਬਜਟ ਨੇ ਕਿਵੇਂ ਪੰਜਾਬ ਨੂੰ ਬਰਬਾਦ ਕੀਤਾ? ਲੋਕਾਂ ਦੀਆਂ ਅੱਖਾਂ ‘ਚ ਮਿੱਟੀ ਪਾਈ
ਪ੍ਰਸ਼ਨ ਪੱਤਰ ‘ਚ ਸਾਹਮਣੇ ਆਈਆਂ ਉਕਤ ਗਲਤੀਆਂ ਕਿਸੇ ਨੇ ਸੋਸ਼ਲ ਮੀਡੀਆ ‘ਤੇ ਵੀ ਵਾਇਰਲ ਕਰ ਦਿੱਤੀਆਂ ਹਨ। ਯਾਦ ਰਹੇ ਕਿ ਪੰਜਾਬੀ ਵਿਸ਼ਾ ਪੰਜਾਬ ਦੇ ਜ਼ਿਆਦਾਤਰ ਸਰਕਾਰੀ ਸਕੂਲਾਂ ‘ਚ ਪਹਿਲੀ ਭਾਸ਼ਾ ਦੇ ਰੂਪ ਵਿੱਚ ਪੜਾਇਆ ਜਾਂਦਾ ਹੈ ਅਤੇ ਇਸ ਪੇਪਰ ‘ਚ ਬੋਰਡ ਦੁਆਰਾ ਕੀਤੀਆਂ ਗਈਆਂ ਅਨੇਕਾਂ ਗਲਤੀਆਂ ਬੋਰਡ ਦੀ ਕਾਰਜ ਪ੍ਰਣਾਲੀ ‘ਤੇ ਪ੍ਰਸ਼ਨ ਲਗਾਉਂਦੀਆਂ ਹਨ। ਉਥੇ ਹੀ ਮਾਮਲਾ ਸਾਹਮਣੇ ਆਉਣ ਤੋਂ ਬਾਅਦ ਬੋਰਡ ਦੇ ਮਾਹਿਰਾਂ ਦੀ ਟੀਮ ਨੇ ਵੀ ਪ੍ਰਸ਼ਨ ਪੱਤਰ ‘ਚ ਸਾਹਮਣੇ ਆਈਆਂ ਸ਼ਬਦਾਂ ਦੀਆਂ ਗਲਤੀਆਂ ਬਾਰੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਇਸ ਸਬੰਧੀ ਬੋਰਡ ਨੇ ਕਮੇਟੀ ਵੀ ਬਣਾਈ ਹੈ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
