PunjabTop News

PRTC ਦੀ ਬੱਸ ਚੋਰੀ

ਮੌੜ ਮੰਡੀ ਦੇ ਬੱਸ ਅੱਡੇ ’ਚੋਂ ਚੋਰਾਂ ਵਲੋਂ ਸਰਕਾਰੀ ਬੱਸ ਲੈ ਕੇ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ ਪਰ ਉਨ੍ਹਾਂ ਦੀ ਇਹ ਕੋਸ਼ਿਸ਼ ਡੇਢ ਕੁ ਕਿਲੋਮੀਟਰ ਦੂਰ ਜਾ ਕੇ ਉਸ ਸਮੇਂ ਫੇਲ੍ਹ ਹੋ ਗਈ, ਜਦੋਂ ਇਹ ਬੱਸ ਪਿੰਡ ਘੁੰਮਣ ਵਾਲੇ ਰਾਹ ’ਤੇ ਚਿੱਕੜ ਵਿਚ ਫਸ ਗਈ। ਚੋਰਾਂ ਨੇ ਬੱਸ ਨੂੰ ਗਾਰ ’ਚੋਂ ਕੱਢਣ ਦੀ ਕਾਫ਼ੀ ਕੋਸ਼ਿਸ਼ ਕੀਤੀ ਪਰ ਸਫ਼ਲ ਨਹੀਂ ਹੋ ਸਕੇ ਤੇ ਆਖਰ ਬੱਸ ਨੂੰ ਗਾਰ ਵਿਚ ਹੀ ਫਸੀ ਛੱਡ ਕੇ ਭੱਜ ਗਏ।ਇਸ ਘਟਨਾ ਦਾ ਸੰਬੰਧਿਤ ਬੱਸ ਦੇ ਚਾਲਕ ਨੂੰ ਉਸ ਸਮੇਂ ਪਤਾ ਲੱਗਿਆ ਜਦੋਂ ਬੱਸ ਨੂੰ ਆਪਣੇ ਰੂਟ ’ਤੇ ਲਿਜਾਣ ਲਈ ਬੱਸ ਅੱਡੇ ਪੁੱਜੇ। ਘਟਨਾ ਦਾ ਪਤਾ ਚਲਦਿਆਂ ਹੀ ਪੀ.ਆਰ.ਟੀ.ਸੀ. ਅਧਿਕਾਰੀ ਮੌਕੇ ’ਤੇ ਪੁੱਜੇ ਤੇ ਪੁਲਿਸ ਵਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਪਤਾ ਲੱਗਿਆ ਕਿ ਚੋਰਾਂ ਵਲੋਂ ਉਕਤ ਬੱਸ ਅੱਡੇ ’ਚੋਂ ਤਿੰਨ ਬੱਸਾਂ ਚੋਰੀ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਸੀ ਪਰ ਦੋ ਬੱਸਾਂ ਸਟਾਰਟ ਨਹੀਂ ਹੋ ਸਕੀਆਂ। ਇਸ ਬੱਸ ਦੀ ਕੀਮਤ 35 ਲੱਖ ਰੁਪਏ ਦੱਸੀ ਜਾ ਰਹੀ ਹੈ।

Post Disclaimer

Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.

Related Articles

Back to top button