ਕਿਵੇਂ 6 ਮਿਸਡ ਕਾਲ ਤੋਂ ਬਾਅਦ ਇਸ ਬਿਜਨਸਮੈਨ ਦੇ ਖਾਂਤੇ ਤੋਂ ਉੱਡੇ 2 ਕਰੋੜ ਰੁਪਏ

ਮੁੰਬਈ : ਮੁੰਬਈ ‘ਚ ਸਿਮ ਸਵੈਪਿੰਗ ਨਾਲ ਠੱਗੀ ਦਾ ਇੱਕ ਅਜਿਹਾ ਮਾਮਲਾ ਸਾਹਮਣੇ ਆਇਆ ਹੈ ਜਿਸਨੂੰ ਜਾਣ ਕੇ ਤੁਹਾਡੇ ਹੋਸ਼ ਉੱਡ ਜਾਣਗੇ। ਇੱਥੇ ਦੇ ਮਾਹਿਮ ਇਲਾਕੇ ਵਿੱਚ ਰਹਿਣ ਵਾਲੇ ਬਿਜਨਸਮੈਨ ਵੀ ਸ਼ਾਹ ਦੇ ਮੋਬਾਇਲ ‘ਤੇ 27-28 ਦਸੰਬਰ ਦੀ ਰਾਤ ਦੋ ਨਵੇਂ ਨੰਬਰਾਂ ਤੋਂ 6 ਮਿਸ ਕਾਲ ਆਈਆਂ ਤੇ ਇਸ ਤੋਂ ਕੁੱਝ ਹੀ ਦੇਰ ਬਾਅਦ ਉਨ੍ਹਾਂ ਦੇ ਖਾਂਤੇ ਤੋਂ 2 ਕਰੋੜ ਰੁਪਏ ਕੱਢ ਲਏ। ਜਦੋਂ ਇਸ ਗੱਲ ਦਾ ਪਤਾ ਉਨ੍ਹਾਂ ਨੂੰ ਲੱਗਾ ਤੱਦ ਤੱਕ ਉਨ੍ਹਾਂ ਦੇ ਖਾਂਤੇ ਤੋਂ 14 ਵੱਖ-ਵੱਖ ਖਾਤਿਆਂ ਵਿੱਚ ਇਹ ਰਕਮ ਟਰਾਂਸਫਰ ਹੋ ਗਈ ਸੀ।

ਪੀੜਤ ਨੇ ਦੱਸਿਆ ਕਿ 27 ਦਸੰਬਰ ਦੀ ਰਾਤ ਮੁੰਬਈ ਦੇ ਇਸ ਬਿਜਨਸਮੈਨ ਨੂੰ 6 ਮਿਸ ਕਾਲਾਂ ਆਈਆਂ ਜਿਨ੍ਹਾਂ ਵਿਚੋਂ 2 ਨੰਬਰ ਯੂਕੇ, 2 ਇੰਡੀਆ ਅਤੇ 2 ਬਿਨ੍ਹਾਂ ਨਾਮ ਦੇ ਸੀ। ਸਵੇਰ ਜਦੋਂ ਕਾਰੋਬਾਰੀ ਨੇ ਉੱਠ ਕੇ ਫੋਨ ਦੇਖਿਆ ਤਾਂ ਹੈਰਾਨ ਹੋ ਗਿਆ ਕਿਉਂਕਿ ਉਸ ਦਾ ਸਿਮ ਡੀਐਕਟੀਵੇਟ ਹੋ ਗਿਆ ਸੀ। ਇਸ ਤੋਂ ਬਾਅਦ ੳੇੁਸ ਨੇ ਸਰਵਿਸ ਪ੍ਰੋਵਾਈਡਰ ਨੂੰ ਕਾਲ ਕੀਤੀ ਅਤੇ ਆਪਣਾ ਨੰਬਰ ਐਕਟੀਵੈਟ ਕਰਨ ਦੀ ਰਿਕਵੈਸਟ ਪਾਈ।

Read Also ਸਾਵਧਾਨ ! ਇੱਕ ਬਟਨ ਦਬਾਉਂਦੇ ਹੀ ਤੁਹਾਡੇ ਅਕਾਊਂਟ ਤੋਂ ਗਾਇਬ ਹੋ ਸਕਦੇ ਨੇ ਸਾਰੇ ਪੈਸੇ

ਇਸ ਤੋਂ ਬਾਅਦ ਉਸ ਨੂੰ ਪਤਾ ਲੱਗਿਆ ਕਿ ਕਿਸੇ ਨੇ ਉਸ ਦੇ ਬੈਂਕ ਅਕਾਉਂਟ ਤੋਂ 1.86 ਕਰੋੜ ਰੁਪਏ ਉਡਾ ਲਏ ਹਨ। ਬੈਂਕ ਨੇ ਦੱਸਿਆ ਕਿ ਇਹ ਰੁਪਏ ਦੇਸ਼ ਦੇ ਹੀ 14 ਅਕਾਉਂਟ ‘ਚ ਟ੍ਰਾਂਸਫਰ ਹੋਏ ਹਨ ਅਤੇ 14 ਅਕਾਉਂਟ ਤੋਂ 28 ਥਾਂਵਾਂ ‘ਤੇ ਟ੍ਰਾਂਜੇਕਸ਼ਨ ਹੋਈ ਹੈ। ਬੈਂਕ ਸਿਰਫ 20 ਲੱਖ ਰੁਪਏ ਹੀ ਰੀਕਵਰ ਕਰ ਸਕਿਆ ਹੈ।

ਬੀਕੇਸੀ ਸਾਈਬਰ ਕ੍ਰਾਈਮ ਪੁਲਿਸ ਸਟੇਸ਼ਨ ‘ਚ ਇਸ ਦੀ ਐਫਆਈਆਰ ਦਰਜ ਕਰ ਲਈ ਹੈ ਅਤੇ ਕਾਰੋਬਾਰੀ ਨੂੰ ਇਸ ਦੀ ਕਿਸੇ ‘ਤੇ ਸ਼ੱਕ ਨਹੀਂ ਹੈ। ਉਥੇ ਹੀ ਇੱਕ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਸਾਨੂ ਸ਼ੱਕ ਹੈ ਕਿ ਧੋਖਾਧੜੀ ਕਰਨ ਵਾਲੇ ਦੇ ਕੋਲ ਪੀੜਤ ਦੇ ਸਿਮ ਕਾਰਡ ਦੀ ਐਕਸੈਸ ਸੀ ਇਸ ਲਈ ਓਹਨਾ ਨੇ ਸਿਮ ਕਾਰਡ ਬਦਲਣ ਦੀ ਅਰਜੀ ਪਾਈ।