Madhya Pradesh ‘ਚ ਪਟਾਕੇ ਬਣਾਉਂਦੇ ਸਮੇਂ ਹੋਇਆ ਧਮਾਕਾ, ਇੱਕ ਹੀ ਪਰਿਵਾਰ ਦੀਆਂ 3 ਮਹਿਲਾਵਾਂ ਦੀ ਮੌਤ
ਮੱਧ ਪ੍ਰਦੇਸ਼ : ਮੱਧ ਪ੍ਰਦੇਸ਼ ਦੇ ਹਰਦਾ ਵਿੱਚ ਸਿਵਲ ਲਾਈਨ ਪੁਲਿਸ ਥਾਣੇ ਵਲੋਂ ਕਰੀਬ 500 ਮੀਟਰ ਦੂਰ ਇੱਕ ਮਕਾਨ ‘ਚ ਕਥਿਤ ਤੌਰ ‘ਤੇ ਗ਼ੈਰ ਕਾਨੂੰਨੀ ਪਟਾਕੇ ਬਣਾਉਂਦੇ ਸਮੇਂ ਅਚਾਨਕ ਧਮਾਕਾ ਹੋ ਗਿਆ, ਜਿਸਦੇ ਨਾਲ ਇੱਕ ਹੀ ਪਰਿਵਾਰ ਦੀਆਂ ਤਿੰਨ ਮਹਿਲਾਵਾਂ ਦੀ ਮੌਤ ਹੋ ਗਈ। ਸਿਵਲ ਲਾਈਨ ਪੁਲਿਸ ਥਾਣਾ ਇੰਚਾਰਜ ਨੇ ਮੰਗਲਵਾਰ ਨੂੰ ਦੱਸਿਆ ਕਿ ਇਹ ਘਟਨਾ ਸੋਮਵਾਰ ਦੇਰ ਸ਼ਾਮ ਹਰਦਾ ਸ਼ਹਿਰ ਦੇ ਮਗਰਧਾ ਰੋਡ ਸਥਿਤ ਬੈਰਾਗੜ੍ਹ ਦੇ ਇੱਕ ਮਕਾਨ ‘ਚ ਵਾਪਰੀ।
ਇੱਕੋ ਪਰਿਵਾਰ ਦੇ ਜੀਆਂ ਨਾਲ ਵਾਪਰਿਆ ਭਾਣਾ ! ਪਿੰਡ ਦੀਆਂ ਗਲੀਆਂ ਹੋਈਆਂ ਸੁੰਨੀਆਂ ! ਲੋਕ ਘਰਾਂ ‘ਚ ਹੋਏ ਬੰਦ !
ਉਨ੍ਹਾਂ ਨੇ ਕਿਹਾ ਕਿ ਲਾਸ਼ਾਂ ਦੀ ਪਹਿਚਾਣ ਵਿਮਲਾ ਬਾਈ (60), ਸ਼ਾਂਤਾ ਬਾਈ (80) ਅਤੇ ਪੱਪੀ (16) ਦੇ ਰੂਪ ‘ਚ ਕੀਤੀ ਗਈ ਹੈ।ਤਿੰਨੋਂ ਪਟਾਕੇ ਬਣਾ ਰਹੀਆਂ ਸਨ ਅਤੇ ਮੌਕੇ ‘ਤੇ ਹੀ ਉਨ੍ਹਾਂ ਦੀ ਮੌਤ ਹੋ ਗਈ। ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਇਸ ਹਾਦਸੇ ‘ਚ ਘਰ ਦੇ ਦੂਜੇ ਕਮਰੇ ‘ਚ ਮੌਜੂਦ ਦੋ ਹੋਰ ਲੋਕ ਜਖ਼ਮੀ ਹੋ ਗਏ, ਜਿਨ੍ਹਾਂ ਦਾ ਹਰਦਾ ਹਸਪਤਾਲ ‘ਚ ਇਲਾਜ਼ ਚੱਲ ਰਿਹਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਸ ਧਮਾਕੇ ਨਾਲ ਘਰ ‘ਚ ਅੱਗ ਲੱਗ ਗਈ। ਅਧਿਕਾਰੀ ਦਾ ਕਹਿਣਾ ਹੈ ਕਿ ਅੱਗ ਲੱਗਣ ਤੋਂ ਬਾਅਦ ਬਹੁਤ ਦੇਰ ਤੱਕ ਪਟਾਕਿਆਂ ਵਿੱਚੋਂ ਧਮਾਕਿਆਂ ਦੀ ਆਵਾਜ਼ ਗੂੰਜਦੀ ਰਹੀ।
ਲਓ ਕਿਸਾਨਾਂ ਨੇ ਘੇਰ ਲਏ ਅੰਬਾਨੀਆਂ ਦੇ ਬੰਦੇ,ਲਾਉਣ ਆਏ ਸੀ 5G ਦਾ ਟਾਵਰ,ਬੱਸ ਫੇਰ ਭਜਾਏ ਅੱਗੇ-ਅੱਗੇ
ਬਾਅਦ ‘ਚ ਫਾਇਰ ਵਿਭਾਗ ਦੇ ਕਰਮਚਾਰੀਆਂ ਨੇ ਅੱਗ ‘ਤੇ ਕਾਬੂ ਪਾਇਆ। ਉਨ੍ਹਾਂ ਨੇ ਕਿਹਾ ਕਿ ਮਾਮਲੇ ਦੀ ਜਾਂਚ ਜਾਰੀ ਹੈ। ਇਸ ‘ਚ ਹਰਦਾ ਜਿਲ੍ਹੇ ਦੇ ਅਪਰ ਕਲੈਕਟਰ ਜੇ ਪੀ ਸਿਯਾਮ ਨੇ ਦੱਸਿਆ ਕਿ ਇਸ ਘਰ ਵਿੱਚ ਗ਼ੈਰਕਾਨੂੰਨੀ ਰੂਪ ਨਾਲ ਪਟਾਕੇ ਬਣਾਏ ਜਾ ਰਹੇ ਸਨ। ਉਨ੍ਹਾਂ ਨੇ ਕਿਹਾ ‘‘ਇਸ ਗੱਲ ਦੀ ਜਾਂਚ ਕੀਤੀ ਜਾ ਰਹੀ ਹੈ ਕਿ ਇਸ ਪਰਿਵਾਰ ਨੂੰ ਪਟਾਕੇ ਬਣਾਉਣ ਲਈ ਵਿਸਫੋਟਕ ਪਦਾਰਥ ਸਮੇਤ ਕੱਚਾ ਮਾਲ ਕਿੱਥੋ ਉਪਲੱਬਧ ਕਰਵਾਇਆ ਗਿਆ ਸੀ। ’’
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
