KL Rahul ਨੇ ਕਿਹਾ – ਤੰਦਰੁਸਤ ਹਾਂ ਅਤੇ ਇੰਗਲੈਂਡ ਦੇ ਖਿਲਾਫ਼ ਸੀਰੀਜ਼ ਲਈ ਤਿਆਰ ਹਾਂ

ਨਵੀਂ ਦਿੱਲੀ : ਗੁੱਟ ਦੀ ਸੱਟ ਕਾਰਨ ਆਸਟ੍ਰੇਲੀਆ ਦੌਰੇ ਦੇ ਵਿੱਚ ਆਪਣੇ ਘਰ ਆਏ ਭਾਰਤੀ ਬੱਲੇਬਾਜ਼ ਕੇਐਲ ਰਾਹੁਲ ਨੇ ਤੰਦਰੁਸਤੀ ਹਾਸਲ ਕਰ ਲਈ ਹੈ। ਉਨ੍ਹਾਂ ਨੇ ਮੰਗਲਵਾਰ ਨੂੰ ਕਿਹਾ ਕਿ ਉਹ ਇੰਗਲੈਂਡ ਦੇ ਖਿਲਾਫ਼ ਸੀਰੀਜ਼ ਲਈ ਤਿਆਰ ਹਨ। ਆਸਟ੍ਰੇਲੀਆ ਦੇ ਖਿਲਾਫ਼ 28 ਸਾਲ ਦੇ ਰਾਹੁਲ ਵਨਡੇ ਅਤੇ ਟੀ-20 ਸੀਰੀਜ਼ ‘ਚ ਖੇਡੇ ਸਨ, ਪਰ ਪਹਿਲਾਂ ਦੋ ਟੈਸਟ ਮੈਚਾਂ ‘ਚ ਉਨ੍ਹਾਂ ਨੂੰ ਮੌਕਾ ਨਹੀਂ ਮਿਲਿਆ। ਮੈਲਬਰਨ ‘ਚ ਉਨ੍ਹਾਂ ਦੇ ਖੱਬੇ ਹੱਥ ਦੇ ਗੁੱਟ ਤੇ ਸੱਟ ਲੱਗ ਗਈ ਸੀ, ਜਿਸ ਨਾਲ ਉਹ ਆਖ਼ਰੀ ਦੋ ਟੈਸਟ ਮੈਚਾਂ ਤੋਂ ਬਾਹਰ ਹੋ ਗਏ ਸਨ।

ਹੁਣੇ-ਹੁਣੇ ਮੁੱਖ ਮੰਤਰੀ ਕੇਜਰੀਵਾਲ ਨੇ ਕਿਸਾਨਾਂ ਦੇ ਹੱਕ ‘ਚ ਵੱਡਾ ਐਲਾਨ

ਰਾਹੁਲ ਇਸ ਤੋਂ ਬਾਅਦ ਆਪਣੇ ਘਰ ਆ ਗਏ ਸਨ ਅਤੇ ਸਿਹਤ ਲਾਭ ਲਈ ਬੈਂਗਲੁਰੂ ਸਥਿਤ ਰਾਸ਼ਟਰੀ ਕ੍ਰਿਕੇਟ ਅਕਾਦਮੀ (NCA ) ਨਾਲ ਜੁੜ ਗਏ ਸਨ। ਰਾਹੁਲ ਨੇ ਆਪਣੇ ਟਵਿੱਟਰ ਹੈਂਡਲ ‘ਤੇ ਲਿਖਿਆ, ‘ਖੁਸ਼ੀ ਹੈ ਕਿ ਮੈਂ ਪੁਨਰਵਾਸ ਚੰਗੀ ਤਰ੍ਹਾਂ ਪੂਰਾ ਕੀਤਾ। ਫਿਰ ਤੋਂ ਫਿਟ ਅਤੇ ਤੰਦੁਰੁਸਤ ਹੋਣ ਨਾਲ ਬਿਹਤਰ ਅਹਿਸਾਸ ਕੁੱਝ ਨਹੀਂ ਹੁੰਦਾ। ਖਿਡਾਰੀਆਂ ਦੇ ਨਾਲ ਵਾਪਸੀ ਕਰਨਾ ਹਮੇਸ਼ਾ ਮਜ਼ੇਦਾਰ ਹੁੰਦਾ ਹੈ। ਦੇਸ਼ ਦੀ ਪ੍ਰਤੀਨਿਧਤਾ ਕਰਨਾ ਮਾਣ ਵਾਲੀ ਗੱਲ ਹੈ। ਮੇਰੀ ਨਜ਼ਰਾਂ ਹੁਣ ਘਰੇਲੂ ਸੀਰੀਜ਼ ‘ਤੇ ਟਿਕੀ ਹਾਂ।’ ਆਸਟ੍ਰੇਲੀਆ ‘ਚ ਸੀਮਿਤ ਓਵਰਾਂ ਦੀ ਸੀਰੀਜ਼ ‘ਚ ਦੋ ਅਰਧਸ਼ਤਕ ਜਮਾਣ ਵਾਲੇ ਰਾਹੁਲ ਨੂੰ ਇੰਗਲੈਂਡ ਦੇ ਖ਼ਿਲਾਫ਼ 5 ਫਰਵਰੀ ਤੋਂ ਚੇਂਨਈ ‘ਚ ਸ਼ੁਰੂ ਹੋਣ ਵਾਲੇ ਪਹਿਲੇ ਦੋ ਟੇਸਟ ਮੈਚਾਂ ਲਈ ਭਾਰਤੀ ਟੀਮ ‘ਚ ਸ਼ਾਮਿਲ ਕੀਤਾ ਗਿਆ ਹੈ।

Glad to have completed my rehab strong.
No better feeling than being back fit and healthy 🧿
Always fun to get back with the boys, and an honour to represent 🇮🇳
Looking forward to the home series 🙌 pic.twitter.com/TsGc6HErPr

— K L Rahul (@klrahul11) February 2, 2021