Germany ’ਚ ਏ.ਐਫ਼.ਡੀ. ਪਾਰਟੀ ਦੀ ਜਿੱਤ ਤੋਂ ਡਰੇ ਲੋਕ ‘Never Again’ ਦੇ ਨਾਅਰਿਆਂ ਨਾਲ ਸੜਕਾਂ ’ਤੇ ਉਤਰੇ

ਦੂਜੇ ਵਿਸ਼ਵ ਯੁੱਧ ਦੌਰਾਨ ਨਾਜ਼ੀ ਤਾਨਾਸ਼ਾਹੀ ਦੇ ਪਤਨ ਤੋਂ ਲਗਭਗ ਅੱਠ ਦਹਾਕਿਆਂ ਬਾਅਦ ਜਰਮਨੀ ਵਿੱਚ ਦੱਖਣਪੰਥੀ ਰਾਜਨੀਤੀ ਦੇ ਉਭਾਰ ਨੇ ਦੇਸ਼ ਦੇ ਨਾਲ-ਨਾਲ ਪੂਰੇ ਯੂਰਪ ਵਿੱਚ ਚਿੰਤਾ ਵਧਾ ਦਿੱਤੀ ਹੈ। ਦੱਖਣਪੰਥੀ ਪਾਰਟੀ ਅਲਟਰਨੇਟਿਵ ਫ਼ੋਰ ਜਰਮਨੀ (ਏ.ਐਫ.ਡੀ.) ਦੀ ਚੋਣੀ ਪਕੜ ਲਗਾਤਾਰ ਮਜ਼ਬੂਤ ਹੋ ਰਹੀ ਹੈ, ਜਿਸ ਕਾਰਨ ਜਰਮਨੀ ਦੇ ਨਾਜ਼ੀ ਅਤੀਤ ਦੀਆਂ ਯਾਦਾਂ ਮੁੜ ਚਰਚਾ ਵਿੱਚ ਆ ਗਈਆਂ ਹਨ। ਸੈਕਸਨੀ-ਐਨਹਾਲਟ ਦੀਆਂ ਚੋਣਾਂ ਵਿੱਚ ਏ.ਐਫ.ਡੀ. ਨੇ ਕਰੀਬ 44 ਫ਼ੀਸਦੀ ਵੋਟ ਹਾਸਲ ਕਰਦਿਆਂ 83 ਮੈਂਬਰੀ ਰਾਜ ਵਿਧਾਨ ਸਭਾ ਵਿੱਚ 39 ਸੀਟਾਂ ਜਿੱਤੀਆਂ। ਹਾਲਾਂਕਿ ਪਾਰਟੀ ਆਪਣੇ ਦਮ ’ਤੇ ਸਰਕਾਰ ਬਣਾਉਣ ਲਈ ਲੋੜੀਂਦਾ ਬਹੁਮਤ ਹਾਸਲ ਨਹੀਂ ਕਰ ਸਕੀ। ਸਰਕਾਰ ਬਣਾਉਣ ਲਈ ਉਸਨੂੰ ਹੋਰ ਪਾਰਟੀਆਂ ਦੇ ਵਿਧਾਇਕਾਂ ਜਾਂ ਸਮਰਥਨ ਦੀ ਲੋੜ ਪਵੇਗੀ।‘ਨੇਵਰ ਅਗੇਨ’ ਦੇ ਲਗਾਏ ਨਾਅਰੇਏ.ਐਫ.ਡੀ. ਦੀ ਵਧਦੀ ਲੋਕਪ੍ਰਿਯਤਾ ਦੇ ਵਿਰੋਧ ਵਿੱਚ ਜਰਮਨੀ ਦੇ ਕਈ ਸ਼ਹਿਰਾਂ ਵਿੱਚ ਵੱਡੇ ਪੱਧਰ ’ਤੇ ਪ੍ਰਦਰਸ਼ਨ ਹੋਏ। ਬਰਲਿਨ, ਮਿਊਨਿਖ ਅਤੇ ਡ੍ਰੈਸਡਨ ਸਮੇਤ ਕਈ ਥਾਵਾਂ ’ਤੇ ਲੋਕਾਂ ਨੇ ’ਨੇਵਰ ਅਗੇਨ’ ਦੇ ਨਾਅਰੇ ਲਗਾਏ। ਪ੍ਰਦਰਸ਼ਨਕਾਰੀਆਂ ਦਾ ਕਹਿਣਾ ਹੈ ਕਿ ਜਰਮਨੀ ਨੂੰ ਆਪਣੇ ਨਾਜ਼ੀ ਅਤੀਤ ਤੋਂ ਸਬਕ ਲੈਂਦਿਆਂ ਲੋਕਤੰਤਰ ਅਤੇ ਮਨੁੱਖੀ ਅਧਿਕਾਰਾਂ ਦੀ ਰੱਖਿਆ ਕਰਨੀ ਚਾਹੀਦੀ ਹੈ।ਏ.ਐਫ.ਡੀ. ਦੀ ਵਧਦੀ ਤਾਕਤ ਨੇ ਇਹ ਚਿੰਤਾ ਵੀ ਵਧਾਈ ਹੈ ਕਿ ਆਉਣ ਵਾਲੀਆਂ ਚੋਣਾਂ ਵਿੱਚ ਪਾਰਟੀ ਬਰਲਿਨ ਅਤੇ ਮੇਕਲੈਨਬਰਗ-ਵੈਸਟਰਨ ਪੋਮੇਰੇਨੀਆ ਵਰਗੇ ਖੇਤਰਾਂ ਵਿੱਚ ਆਪਣਾ ਪ੍ਰਭਾਵ ਹੋਰ ਵਧਾ ਸਕਦੀ ਹੈ।ਇਮੀਗ੍ਰੇਸ਼ਨ ਅਤੇ ਸ਼ਰਨਾਰਥੀ ਨੀਤੀ ਬਣੀ ਵੱਡਾ ਮੁੱਦਾਏ.ਐਫ.ਡੀ. ਦੀ ਚੋਣੀ ਸਫਲਤਾ ਦੇ ਪਿੱਛੇ ਇਮੀਗ੍ਰੇਸ਼ਨ ਅਤੇ ਸ਼ਰਨਾਰਥੀ ਨੀਤੀ ਨੂੰ ਇੱਕ ਵੱਡਾ ਕਾਰਨ ਮੰਨਿਆ ਜਾ ਰਿਹਾ ਹੈ। ਪਾਰਟੀ ਜਰਮਨੀ ਵਿੱਚ ਪ੍ਰਵਾਸੀਆਂ ਦੀ ਆਮਦ, ਸ਼ਰਨਾਰਥੀਆਂ ਦੀ ਗਿਣਤੀ ਅਤੇ ਸਰਹੱਦੀ ਨੀਤੀਆਂ ਨੂੰ ਲੈ ਕੇ ਸਖ਼ਤ ਰੁਖ ਅਪਣਾਉਂਦੀ ਰਹੀ ਹੈ। ਜਰਮਨੀ ਦੇ ਇੱਕ ਹਿੱਸੇ ਵਿੱਚ ਇਮੀਗ੍ਰੇਸ਼ਨ, ਸੱਭਿਆਚਾਰਕ ਪਛਾਣ, ਸੁਰੱਖਿਆ ਅਤੇ ਸ਼ਰਨਾਰਥੀ ਨੀਤੀਆਂ ਨੂੰ ਲੈ ਕੇ ਅਸੰਤੋਸ਼ ਹੈ। ਏ.ਐਫ.ਡੀ. ਇਸੇ ਅਸੰਤੋਸ਼ ਨੂੰ ਆਪਣੀ ਰਾਜਨੀਤਿਕ ਮੁਹਿੰਮ ਦਾ ਕੇਂਦਰ ਬਣਾਉਂਦੀ ਰਹੀ ਹੈ।