Bengal : ਟੀਵੀ,ਵੈਬ ਸੀਰੀਜ਼ ਅਤੇ ਫਿਲਮਾਂ ਦੀ ਸ਼ੂਟਿੰਗ ‘ਤੇ ਲੱਗੀ ਰੋਕ, FWICE ਪ੍ਰਧਾਨ ਨੇ CM ਨੂੰ ਕੀਤੀ ਇਹ ਅਪੀਲ

ਕੋਲਕਾਤਾ : ਪੱਛਮੀ ਬੰਗਾਲ ‘ਚ ਟੀਵੀ ਧਾਰਾਵਾਹਿਕਾਂ, ਵੈਬ ਸੀਰੀਜ਼ ਅਤੇ ਫਿਲਮਾਂ ਦੀ ਸ਼ੂਟਿੰਗ ‘ਤੇ ਐਤਵਾਰ ਤੋਂ ਰੋਕ ਲੱਗ ਗਈ। ਸੂਬਾ ਸਰਕਾਰ ਨੇ ਕੋਵਿਡ – 19 ਨੂੰ ਫੈਲਣ ਤੋਂ ਰੋਕਣ ਲਈ ਸਖ਼ਤ ਪਾਬੰਦੀਆਂ ਲਾਗੂ ਕੀਤੀਆਂ ਹਨ। ‘ਫੈਡਰੇਸ਼ਨ ਆਫ ਸਿਨੇ ਟੈਕਨੀਸ਼ੀਅਨ ਐਂਡ ਵਰਕਰਸ ਆਫ ਵੈਸਟਰਨ ਇੰਡੀਆ’ ਦੇ ਪ੍ਰਧਾਨ ਸਵਰੂਪ ਬਿਸਵਾਸ ਨੇ ਇਕ ਏਜੰਸੀ ਨੂੰ ਦੱਸਿਆ ਕਿ ਸੂਬੇ ‘ਚ ਅਜੇ 36 ਧਾਰਾਵਾਹਿਕਾਂ, ਤਿੰਨ ਵੈਬ ਸੀਰੀਜ਼ ਅਤੇ ਇੱਕ ਫਿਲਮ ਦੀ ਸ਼ੂਟਿੰਗ ਚੱਲ ਰਹੀ ਸੀ ਜੋ ਐਤਵਾਰ ਤੋਂ 30 ਮਈ ਤੱਕ ਰੁਕ ਜਾਵੇਗੀ ।

🔴LIVE ਰਾਜੇਵਾਲ ਦੇ ਵੱਡੇ ਐਲਾਨ ਤੋਂ ਕੰਬੀ ਸਰਕਾਰ !ਨਵਜੋਤ ਸਿੱਧੂ ‘ਤੇ ਕੈਪਟਨ ਦਾ ਵੱਡਾ ਐਕਸ਼ਨ, ਫਸਿਆ ਸਿੱਧੂ !

ਬਿਸਵਾਸ ਨੇ ਕਿਹਾ , ‘‘ਮੁੱਖਮੰਤਰੀ ਮਮਤਾ ਬੈਨਰਜੀ ਨੂੰ ਸਾਡੀ ਅਪੀਲ ਹੈ ਕਿ ਉਹ ਦੇਖਣ ਕੀ ਕੁਝ ਅਜਿਹਾ ਉਪਾਅ ਕੱਢਿਆ ਜਾ ਸਕਦਾ ਹੈ, ਜਿਸਦੇ ਨਾਲ ਇਸ ਪੇਸ਼ੇ ‘ਚ ਸ਼ਾਮਿਲ ਅਣਗਿਣਤ ਲੋਕ ਬੇਰੁਜ਼ਗਾਰ ਨਾ ਹੋਣ ਜਾਣ। ਬਿਹਤਰ ਹੋਵੇਗਾ ਕਿ ਉਹ ਕੋਵਿਡ – 19 ਸਬੰਧੀ ਸਾਰੇ ਸੁਰੱਖਿਆ ਉਪਰਾਲਿਆਂ ਦਾ ਪਾਲਣ ਕਰਦੇ ਹੋਏ ਆਪਣਾ ਕੰਮ ਕਰ ਸਕਣ।’’ ਸੂਬੇ ‘ਚ ਜਿਨ੍ਹਾਂ 746 ਤਕਨੀਸ਼ੀਅਨਾਂ ਦੀ ਕੋਰੋਨਾ ਵਾਇਰਸ ਲਈ ਜਾਂਚ ਹੋਈ, ਉਨ੍ਹਾਂ ਵਿਚੋਂ 34 ਸੰਕਰਮਿਤ ਪਾਏ ਗਏ। ਇਨ੍ਹਾਂ ‘ਚ ਜਿਆਦਾਤਰ ਮੇਕਅੱਪ ਆਰਟਿਸਟ ਸਨ, ਜੋ ਕਲਾਕਾਰਾਂ ਦੇ ਕਰੀਬੀ ਸੰਪਰਕ ‘ਚ ਆਏ । ਉਨ੍ਹਾਂ ਨੇ ਕਿਹਾ ‘‘ਸਾਨੂੰ ਕਲਾਕਾਰਾਂ ਤੋਂ ਆਪਣੀ ਕੋਵਿਡ – 19 ਸਬੰਧੀ ਜਾਂਚ ਕਰਾਉਣ ਦਾ ਅਪੀਲ ਕੀਤੀ ਹੈ ਜਿਸਦੇ ਨਾਲ ਫੈਡਰੇਸ਼ਨ ਨੂੰ ਸ਼ੂਟਿੰਗ ਵਾਲਾ ਖੇਤਰ ਕੋਵਿਡ – 19 ਮੁਕਤ ਖੇਤਰ ਬਣਾਉਣ ‘ਚ ਮਦਦ ਮਿਲੇਗੀ । ’’