D5 Channel PunjabiD5 specialfood and healthhealthIndiaNationalNews for Punjab
ਭਾਰਤ ‘ਚ ਖੰਘ ਦੀ ਦਵਾਈ ਨਿੱਕੇ ਬੱਚਿਆਂ ਨੂੰ ਦੇਣ ‘ਤੇ ਪਾਬੰਦੀ
ਦੋ ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਨੂੰ ਦਵਾਈ ਤੋਂ ਖ਼ਤਰਾ
ਕਫ਼ ਸਿਰਪ ਦੇ ਗੁਰਦਿਆਂ ‘ਤੇ ਮਾੜਾ ਅਸਰ ਪੈਣ ਦਾ ਦਾਅਵਾ
ਨਵੀਂ ਦਿੱਲੀ: ਭਾਰਤ ਸਰਕਾਰ ਨੇ ਦੇਸ਼ ਦੇ ਸਾਰੇ ਰਾਜਾਂ ਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਨੂੰ ਇੱਕ ਐਡਵਾਈਜ਼ਰੀ ਜਾਰੀ ਕੀਤੀ ਐ। ਜਿਸ ਵਿੱਚ ਦੋ ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਨੂੰ ਖੰਘ ਤੇ ਠੰਢ ਲੱਗਣ ‘ਤੇ ਦਿੱਤੀਆਂ ਜਾਣ ਵਾਲ਼ੀਆਂ ਦਵਾਈਆਂ ਦੇਣ ‘ਤੇ ਪਾਬੰਦੀ ਲਾ ਦਿੱਤੀ ਐ। ਦਰਅਸਲ, ਮੱਧ ਪ੍ਰਦੇਸ਼ ‘ਚ ਖੰਘ ਦੀ ਦਵਾਈ ਪੀ ਕੇ 12 ਤੇ ਰਾਜਸਥਾਨ ‘ਚ ਤਿੰਨ ਬੱਚਿਆਂ ਦੀ ਮੌਤ ਹੋ ਚੁੱਕੀ ਐ।
ਇਸੇ ਕਾਰਣ ਹੁਣ ਕੇਂਦਰ ਸਰਕਾਰ ਨੇ ਖ਼ਾਸ ਤੌਰ ‘ਤੇ ਖੰਘ ਦੀ ਦਵਾਈ ਨਿੱਕੇ ਬੱਚਿਆਂ ਨੂੰ ਦੇਣ ‘ਤੇ ਪਾਬੰਦੀ ਲਾ ਦਿੱਤੀ ਐ। ਇਸ ਦੌਰਾਨ ਕੇਂਦਰੀ ਸਿਹਤ ਮੰਤਰਾਲੇ ਨੇ ਪਾਇਆ ਕਿ ਮੱਧ ਪ੍ਰਦੇਸ਼ ’ਚ ਜਾਂਚ ਲਈ ਲਏ ਗਏ ਕਿਸੇ ਵੀ ਕਫ਼–ਸਿਰਪ ਦੇ ਨਮੂਨੇ ’ਚ ਡਾਇਥਿਲੀਨ ਗਲਾਈਕੌਲ ਜਾਂ ਐਥੀਲੀਨ ਗਲਾਈਕੌਲ ਨਹੀਂ ਸੀ।
ਇਨ੍ਹਾਂ ਦੋਵਾਂ ਤੱਤਾਂ ਕਾਰਨ ਗੁਰਦਿਆਂ ਨੂੰ ਗੰਭੀਰ ਨੁਕਸਾਨ ਪਹੁੰਚਦਾ ਐ। ਸਿਹਤ ਮੰਤਰਾਲੇ ਅਧੀਨ ਆਉਂਦੇ ਡੀ ਜੀ ਐੱਚ ਐੱਸ ਨੇ ਐਡਵਾਈਜ਼ਰੀ ’ਚ ਕਿਹਾ ਕਿ ਆਮ ਤੌਰ ’ਤੇ ਪੰਜ ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਲਈ ਕੱਫ ਸਿਰਪ ਦੀ ਸਿਫਾਰਸ਼ ਨਹੀਂ ਕੀਤੀ ਜਾਂਦੀ। ਇਸ ’ਚ ਕਿਹਾ ਗਿਆ ਹੈ ਕਿ ਬਿਰਧ ਲੋਕਾਂ ਲਈ ਇਸ ਦੀ ਵਰਤੋਂ ਸਾਵਧਾਨੀ ਨਾਲ ਤੇ ਢੁੱਕਵੀਂ ਨਿਗਰਾਨੀ ਨਾਲ ਕੀਤੀ ਜਾਣੀ ਚਾਹੀਦੀ ਹੈ।
ਹਾਲ਼ੇ ਮੱਧ ਪ੍ਰਦੇਸ਼ ਤੇ ਰਾਜਸਥਾਨ ਦੀਆਂ ਸਰਕਾਰਾਂ ਨੇ ਖੰਘ ਦੀ ਦਵਾਈ ਨਿੱਕੇ ਬੱਚਿਆਂ ਨੂੰ ਦੇਣ ‘ਤੇ ਪਾਬੰਦੀ ਲਾਈ ਐ। ਇਹ ਪਾਬੰਦੀ ਉਸ ਦਵਾਈ ‘ਤੇ ਖ਼ਾਸ ਤੌਰ ‘ਤੇ ਹੈ, ਜਿਸ ਵਿੱਚ ਡੈਕਸਟ੍ਰੋਮੇਥੋਰਫਾਨ ਤੱਤ ਮੌਜੂਦ ਐ। ਰਾਜਸਥਾਨ ਸਰਕਾਰ ਨੇ ਕੇਸਨਸ ਫਾਰਮਾ – ਕੰਪਨੀ ਵੱਲੋਂ ਸਪਲਾਈ ਕੀਤੀਆਂ ਗਈਆਂ ਸਾਰੀਆਂ 19 ਕਿਸਮਾਂ ਦੀਆਂ ਦਵਾਈਆਂ ਦੀ ਵੰਡ ‘ਤੇ ਅਗਲੇ ਹੁਕਮਾਂ ਤੱਕ ਪਾਬੰਦੀ ਲਗਾ ਦਿੱਤੀ ਐ।
ਸਰਕਾਰ ਨੇ ਬੱਚਿਆਂ ਅਤੇ ਗਰਭਵਤੀ ਔਰਤਾਂ ਲਈ ਸੰਭਾਵੀ ਤੌਰ ‘ਤੇ ਨੁਕਸਾਨਦੇਹ ਦਵਾਈਆਂ ਬਾਰੇ ਵੀ ਜਾਣਕਾਰੀ ਆਮ ਲੋਕਾਂ ਤੱਕ ਪਹੁੰਚਾਉਣ ਦਾ ਫ਼ੈਸਲਾ ਕੀਤੈ। ਇਸ ਤੋਂ ਇਲਾਵਾ, ਇਲਾਜ ਲਈ ਵਰਤੀਆਂ ਜਾਣ ਵਾਲੀਆਂ ਦਵਾਈਆਂ ਦੀ ਖਰੀਦ ਅਤੇ ਸਪਲਾਈ ਨੂੰ ਵੀ ਨਿਯਮਤ ਕੀਤਾ ਜਾਵੇਗਾ। ਸਿਹਤ ਵਿਭਾਗ ਦੇ ਅਧਿਕਾਰੀਆਂ ਨੇ ਕਿਹਾ ਕਿ ਆਮ ਹਾਲਾਤ ਵਿੱਚ, ਖੰਘ ਦੇ ਇਲਾਜ ਲਈ ਬਦਲਵੀਆਂ ਦਵਾਈਆਂ ਦੀ ਵਰਤੋਂ ਕੀਤੀ ਜਾਵੇਗੀ।
ਰਾਜਸਥਾਨ ‘ਚ 2012 ਤੋਂ ਲੈ ਕੇ ਹੁਣ ਤੱਕ, ਕੇਸਨਸ ਫਾਰਮਾ, ਜੈਪੁਰ ਤੋਂ 10,119 ਨਮੂਨੇ ਲਏ ਗਏ ਨੇ। ਇਹੋ ਕੰਪਨੀ ਡੈਕਸਟ੍ਰੋਮੇਥੋਰਫਾਨ ਦਵਾਈ ਦੀ ਸਪਲਾਈ ਕਰਦੀ ਹੈ। ਇਨ੍ਹਾਂ ਵਿੱਚੋਂ 42 ਨਮੂਨੇ ਘਟੀਆ ਪਾਏ ਗਏ ਹਨ।
ਸਾਵਧਾਨੀ ਵਜੋਂ, ਵਿਭਾਗ ਨੇ ਇਸ ਕੰਪਨੀ ਦੁਆਰਾ ਸਪਲਾਈ ਕੀਤੀਆਂ ਗਈਆਂ ਸਾਰੀਆਂ 19 ਕਿਸਮਾਂ ਦੀਆਂ ਦਵਾਈਆਂ ਦੀ ਸਪਲਾਈ ਨੂੰ ਅਗਲੇ ਹੁਕਮਾਂ ਤੱਕ ਮੁਲਤਵੀ ਕਰ ਦਿੱਤੈ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
