AI ਏਜੰਟ’ ਬਣੇ ਹੈਕਰ? ਜਰਮਨ ਵੈੱਬਸਾਈਟ ਕੀਤੀ ਹੈਕ; ਸਾਈਟ ਨੂੰ ਨੋਟਿਸ ਬੋਰਡ ’ਚ ਬਦਲਿਆ

ਏਆਈ ਦੇ ਆਉਣ ਨਾਲ ਕਈ ਚੀਜ਼ਾਂ ਬਦਲ ਗਈਆਂ ਹਨ। ਜਿੱਥੇ ਇਸ ਨੇ ਸਹੂਲਤ ਲਿਆਂਦੀ ਹੈ, ਉਥੇ ਕਈ ਚੁਣੌਤੀਆਂ ਵੀ ਸਾਹਮਣੇ ਆਈਆਂ ਹਨ। ਸ਼ੁੱਕਰਵਾਰ ਨੂੰ ਪ੍ਰਕਾਸ਼ਿਤ ਇਕ ਰਿਪੋਰਟ ਅਨੁਸਾਰ, ਓਪਨ ਏਆਈ ਦੇ ਕੁਝ ਏਜੰਟਾਂ ਨੇ ਹਾਲ ਹੀ ਵਿਚ ਇਕ ਜਰਮਨ ਵੈੱਬਸਾਈਟ ਨੂੰ ਖ਼ੁਦ ਹੈਕ ਕਰ ਲਿਆ। ਬਾਅਦ ਵਿਚ, ਹੋਰ ਏਆਈ ਏਜੰਟਾਂ ਲਈ ਇਸਨੂੰ ਇਕ ਨੋਟਿਸ ਬੋਰਡ ਵਿਚ ਬਦਲ ਦਿੱਤਾ ਗਿਆ। ਏਆਈ ਵਿਚ ਏਜੰਟ ਇਕ ਅਜਿਹਾ ਸਾਫਟਵੇਅਰ ਪ੍ਰੋਗਰਾਮ ਜਾਂ ਸਿਸਟਮ ਹੈ, ਜੋ ਕਿਸੇ ਟੀਚੇ ਨੂੰ ਪੂਰਾ ਕਰਨ ਲਈ ਖ਼ੁਦ-ਬ-ਖ਼ੁਦ ਫੈਸਲੇ ਲੈ ਸਕਦਾ ਹੈ ਅਤੇ ਕੰਮ ਕਰ ਸਕਦਾ ਹੈ। ਓਪਨ ਏਆਈ ਦੇ ਅਧਿਕਾਰੀਆਂ ਨੂੰ ਇਸ ਘਟਨਾ ਬਾਰੇ ਹਫ਼ਤਿਆਂ ਪਹਿਲਾਂ ਪਤਾ ਲੱਗ ਗਿਆ ਸੀ, ਪਰ ਉਨ੍ਹਾਂ ਨੇ ਇਸਨੂੰ ਜਨਤਕ ਨਹੀਂ ਕੀਤਾ, ਕਿਉਂਕਿ ਕੰਪਨੀ ਦੇ ਅਧਿਕਾਰੀ ਜੁਲਾਈ ਵਿਚ ਹੱਗਿੰਗ ਫੇਸ ਨਾਲ ਜੁੜੇ ਡਾਟਾ ਲੀਕ ਮਾਮਲੇ ਨਾਲ ਪਹਿਲਾਂ ਹੀ ਜੂਝ ਰਹੇ ਸਨ।ਰਿਪੋਰਟ ਵਿਚ ਕਿਹਾ ਗਿਆ ਕਿ ਕੰਪਨੀਆਂ ਜਟਿਲ ਅਤੇ ਮਹੱਤਵਪੂਰਨ ਕਾਰਜਾਂ ਨੂੰ ਪੂਰਾ ਕਰਨ ਵਿਚ ਸਮਰੱਥ ਹੋਰ ਵੱਧ ਤੋਂ ਵੱਧ ਸੁਤੰਤਰ ਏਜੰਟ ਬਣਾਉਣ ਦੀ ਹੋੜ ਵਿਚ ਹਨ, ਪਰ ਸਬੂਤ ਸਾਹਮਣੇ ਆ ਰਹੇ ਹਨ ਕਿ ਇਹ ਸਿਸਟਮ ਨਿਯਮਾਂ ਨੂੰ ਤੋੜਨਾ, ਖਾਮੀਆਂ ਦਾ ਫਾਇਦਾ ਉਠਾਉਣਾ ਅਤੇ ਇਕ-ਦੂਜੇ ਨਾਲ ਇਸ ਤਰ੍ਹਾਂ ਸਹਿਯੋਗ ਕਰਨਾ ਸਿੱਖ ਸਕਦੇ ਹਨ, ਜਿਸਦੀ ਡੈਵਲਪਰਜ਼ ਨੇ ਨਾ ਤਾਂ ਕਲਪਨਾ ਕੀਤੀ ਸੀ ਅਤੇ ਨਾ ਹੀ ਇਰਾਦਾ ਕੀਤਾ ਸੀਇਸ ਦੌਰਾਨ, ਓਪਨ ਏਆਈ ਨੇ ਆਪਣੇ ਮਾਡਲਾਂ ਦੀ ਨਿਗਰਾਨੀ ਦੇ ਤਰੀਕੇ ਨੂੰ ਮਜ਼ਬੂਤ ਕਰਨ ਦਾ ਵਾਅਦਾ ਕੀਤਾ ਹੈ। ਕੰਪਨੀ ਨੇ ਪਿਛਲੇ ਮਹੀਨੇ ਕੁਝ ਸੁਰੱਖਿਆ ਉਪਾਅ ਨੂੰ ਸ਼ਾਮਲ ਕਰਨ ਲਈ ਕੁਝ ਮਾਡਲ ਸਿਖਲਾਈ ਨੂੰ ਥੋੜੇ ਸਮੇਂ ਲਈ ਰੋਕ ਦਿੱਤਾ ਸੀ। ਹਾਲਾਂਕਿ, ਇਸ ਹਫ਼ਤੇ ਇਸਨੇ ਆਪਣਾ ਨਵਾਂ ਐਸਟਰ ਮਾਡਲ ਪੇਸ਼ ਕੀਤਾ ਹੈ, ਜੋ ਕਾਫੀ ਬਿਹਤਰ ਹੈ ਅਤੇ ਮੁਮਕਿਨ ਹੈ ਕਿ ਮਨੁੱਖੀ ਨਿਗਰਾਨੀ ਤੋਂ ਵੀ ਬਚ ਸਕਦਾ ਹੈ।