ਅਮਰੀਕਾ – ਕੈਨੇਡਾ ‘ਚ ‘ਜ਼ੋਮਬੀ ਡੀਅਰ’ ਬਿਮਾਰੀ ਨਾਲ ਪਾਗਲ ਹੋ ਰਹੇ ਨੇ ਹਿਰਨ, ਇਨਸਾਨਾਂ ‘ਚ ਵੀ ਫੈਲਣ ਦਾ ਖ਼ਤਰਾ
ਓਨਟਾਰੀਓ : ਕੈਨੇਡਾ ਤੇ ਅਮਰੀਕਾ ਵਿਚ ਹਿਰਨਾਂ ਵਿਚ ‘ਜ਼ੋਮਬੀ ਡੀਅਰ’ (Zombie Deer) ਨਾਮ ਦੀ ਬੀਮਾਰੀ ਤੇਜ਼ੀ ਨਾਲ ਫੈਲ ਰਹੀ ਹੈ। ਅਮਰੀਕੀ ਫੈਡਰਲ ਏਜੰਸੀ ‘ਸੈਂਟਰਸ ਫੌਰ ਡਿਜੀਜ਼ ਕੰਟਰੋਲ ਐਂਡ ਪ੍ਰੀਵੈਨਸ਼ਨ’ ਮੁਤਾਬਕ ਇੱਥੋਂ ਦੇ 24 ਰਾਜਾਂ ਅਤੇ ਕੈਨੇਡਾ ਦੇ ਦੋ ਸੂਬਿਆਂ ‘ਚ ਇਹ ਬੀਮਾਰੀ ਫੈਲ ਚੁੱਕੀ ਹੈ ਜਿਸ ਤੋਂ ਬਾਅਦ ਇਨਸਾਨਾਂ ਵਿਚ ਵੀ ਇਸ ਬੀਮਾਰੀ ਦੇ ਫੈਲਣ ਦਾ ਖਤਰਾ ਬਣਿਆ ਹੋਇਆ ਹੈ। ਹਿਰਨਾਂ ‘ਚ ਹੋਣ ਵਾਲੀ ਇਸ ਬਿਮਾਰੀ ਕਾਰਨ ਉਹ ਹਮਲਾਵਰ ਹੋ ਜਾਂਦੇ ਹਨ ਅਤੇ ਅਜੀਬ ਵਿਵਹਾਰ ਕਰਨ ਲੱਗਦੇ ਹਨ। ਪਿਛਲੇ ਸਾਲ ਕੈਨੇਡਾ ਵਿਚ ਇਸ ਸਬੰਧੀ ਮਾਮਲੇ ਸਾਹਮਣੇ ਆਏ ਸਨ ਅਤੇ ਅਥਾਰਿਟੀ ਨੂੰ ਗਾਈਡਲਾਈਨਜ਼ ਜਾਰੀ ਕਰਨੀਆਂ ਪਈਆਂ ਸਨ।
ਬੀਮਾਰੀ ਦੇ ਲੱਛਣ
‘ਜ਼ੋਮਬੀ ਡੀਅਰ’ ਨੂੰ ਕ੍ਰੋਨਿਕ ਵੈਸਟਿੰਗ ਡਿਜੀਜ਼ ਵੀ ਕਿਹਾ ਜਾਂਦਾ ਹੈ ਤੇ ਇਹ ਲਾਇਲਾਜ ਬੀਮਾਰੀ ਹੈ। ਦੰਦ ਪੀਸਣਾ, ਵਜ਼ਨ ਤੇਜ਼ੀ ਨਾਲ ਘੱਟਣਾ, ਮੂੰਹ ਵਿਚ ਜ਼ਿਆਦਾ ਲਾਰ ਬਣਨਾ, ਸਿਰ ਅਕਸਰ ਝੁਕਿਆ ਰਹਿਣਾ ਅਤੇ ਹਮਲਾਵਰ ਹੋ ਕੇ ਇੱਧਰ-ਉੱਧਰ ਭੱਜਣਾ ਇਸ ਬਿਮਾਰੀ ਦੇ ਮੁੱਖ ਲੱਛਣ ਹਨ। ਦਿਮਾਗ ਵਿਚ ਦਿਮਾਗ ‘ਚ ਸੰਕਰਮਣ ਹੋਣ ਕਾਰਨ ਇਸ ਦਾ ਸਿੱਧਾ ਅਸਰ ਦਿਮਾਗ ਅਤੇ ਸਪਾਈਨਲ ਕੋਰਡ ‘ਤੇ ਹੁੰਦਾ ਹੈ। ਮੰਨਿਆ ਜਾਂਦਾ ਹੈ ਕਿ ਇਸ ਦਾ ਕਾਰਨ ਸਰੀਰ ਵਿਚ ਪ੍ਰਦੂਸ਼ਿਤ ਪ੍ਰੋਟੀਨ ਦਾ ਪਹੁੰਚਣਾ ਹੈ। ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਇਸ ਨਾਲ ਇਨਸਾਨਾਂ ਵਿਚ ਵੀ ਇਨਫੈਕਸ਼ਨ ਫੈਲਣ ਦਾ ਖਤਰਾ ਹੈ।
Read Also ਇੱਕ ਬਲੱਡ ਟੈਸਟ ਨਾਲ 16 ਸਾਲ ਪਹਿਲਾਂ ਇਸ ਖਤਰਨਾਕ ਬਿਮਾਰੀ ਦਾ ਲੱਗ ਜਾਵੇਗਾ ਪਤਾ
ਖਤਰਨਾਕ ਬੀਮਾਰੀ ਫੈਲਣ ਦੇ ਕਾਰਨ
ਮਿਨੇਸੋਟਾ ਯੂਨੀਵਰਸਿਟੀ ਦੇ ਪ੍ਰੋਫੈਸਰ ਮਾਈਕਲ ਓਸਟਰਹੋਲਮ ਮੁਤਾਬਕ ਇਨਫੈਕਟਿਡ ਮਾਂਸ ਖਾਣ ਨਾਲ ਇਹ ਬਿਮਾਰੀ ਹੋ ਸਕਦੀ ਹੈ। ਮਿਨੇਸੋਟਾ ਵਿਚ ਵੀ ਜ਼ੋਮਬੀ ਡੀਅਰ ਬਿਮਾਰੀ ਮਹਾਮਾਰੀ ਦਾ ਰੂਪ ਲੈ ਚੁੱਕੀ ਹੈ। ਯੂਨੀਵਰਸਿਟੀ ਦੇ ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਹਿਰਨਾਂ ਵਿਚ ਇਸ ਬਿਮਾਰੀ ਦੇ ਲੱਛਣ ਤੁਰੰਤ ਨਜ਼ਰ ਨਹੀਂ ਆਉਂਦੇ। ਇਸ ਸਥਿਤੀ ਵਿਚ ਇਨ੍ਹਾਂ ਨੂੰ ਸਿਹਤੰਮਦ ਸਮਝ ਕੇ ਭੋਜਨ ਦਾ ਹਿੱਸਾ ਬਣਾਏ ਜਾਣ ਦਾ ਖਤਰਾ ਰਹਿੰਦਾ ਹੈ।
ਮੀਡੀਆ ਰਿਪੋਰਟਾਂ ਮੁਤਾਬਕ ਹਰ ਚਾਰ ਵਿਚੋਂ ਇਕ ਹਿਰਨ ਇਸ ਬਿਮਾਰੀ ਨਾਲ ਪ੍ਰਭਾਵਿਤ ਹੈ ਅਤੇ ਇਹ ਅੰਕੜਾ ਤੇਜ਼ੀ ਨਾਲ ਵੱਧ ਰਿਹਾ ਹੈ। ਮਿਨੇਸੋਟਾ ਯੂਨੀਵਰਸਿਟੀ ਦੀ ਇਕ ਖਾਸ ਟੀਮ ਇਸ ਨੂੰ ਰੋਕਣ ਲਈ ਇਕ ਡਿਵਾਈਸ ਵਿਕਸਿਤ ਕਰ ਰਹੀ ਹੈ ਜਿਸ ਦੀ ਮਦਦ ਨਾਲ ਇਨ੍ਹਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਇਹ ਡਿਵਾਈਸ ਜਿਉਂਦੇ ਅਤੇ ਮ੍ਰਿਤਕ ਦੋਹਾਂ ਤਰ੍ਹਾਂ ਦੇ ਜਾਨਵਰਾਂ ਦੀ ਜਾਂਚ ਕਰਨ ਵਿਚ ਸਮਰੱਥ ਹੋਵੇਗਾ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
