ਅਮਰੀਕਾ ਨੇ ਪਹਿਲੀ ਵਾਰ ਮੰਨਿਆ ਕਿ ਉਸ ਨੇ ਪੁਲਾੜ ’ਚ ਹਥਿਆਰ ਤਾਇਨਾਤ ਕੀਤੇ

ਸੰਯੁਕਤ ਰਾਜ ਅਮਰੀਕਾ ਨੇ ਪਹਿਲੀ ਵਾਰ ਪੁਸ਼ਟੀ ਕੀਤੀ ਹੈ ਕਿ ਉਸ ਨੇ ਪੁਲਾੜ ’ਚ ਹਥਿਆਰ ਤਾਇਨਾਤ ਕੀਤੇ ਹਨ। ਹਵਾਈ ਫੌਜ ਦੇ ਸਕੱਤਰ ਟ੍ਰੌਏ ਮਿੰਕ ਨੇ ਮੈਰੀਲੈਂਡ ’ਚ ਏਅਰ ਐਂਡ ਸਪੇਸ ਸਾਈਬਰ ਕਾਨਫਰੰਸ ਨੂੰ ਦੱਸਿਆ ਕਿ ਅਮਰੀਕਾ ਨੇ “ਔਰਬਿਟ ਸਪੇਸ ਕੰਟਰੋਲ ਹਥਿਆਰਾਂ ‘ਤੇ ਤਾਇਨਾਤ ਕੀਤੇ ਹਨ, ਜੋ ਸੰਯੁਕਤ ਫੌਜ ਨੂੰ ਦੁਸ਼ਮਣ ਵਿਰੋਧੀ ਕਾਰਵਾਈ ਤੋਂ ਬਚਾਉਣ ਦੇ ਸਮਰੱਥ ਹਨ। ਮਿੰਕ ਨੇ ਇਹ ਨਹੀਂ ਦੱਸਿਆ ਕਿ ਹਥਿਆਰ ਕੀ ਹਨ ਜਾਂ ਉਹ ਕਿਵੇਂ ਕੰਮ ਕਰਦੇ ਹਨ।2024 ’ਚ ਅਮਰੀਕਾ ਨੇ ਕਿਹਾ ਸੀ ਕਿ ਰੂਸ ਇਕ ਨਵਾਂ ਐਂਟੀ-ਸੈਟੇਲਾਈਟ ਹਥਿਆਰ ਵਿਕਸਿਤ ਕਰ ਰਿਹਾ ਹੈ, ਜਿਸ ਨੂੰ ਸਪੇਸ ਤੋਂ ਲਾਂਚ ਕੀਤਾ ਜਾ ਸਕਦਾ ਹੈ। ਉਸ ਸਮੇਂ ਵ੍ਹਾਈਟ ਹਾਊਸ ਨੇ ਕਿਹਾ ਸੀ ਕਿ ਖ਼ਤਰਾ ਨੇੜੇ ਨਹੀਂ ਹੈ। ਐਂਟੀ-ਸੈਟੇਲਾਈਟ ਹਥਿਆਰ ਦੀਆਂ ਰਿਪੋਰਟਾਂ ਰੂਸ ਤੇ ਚੀਨ ਤੋਂ ਪੁਲਾੜ ਖਤਰਿਆਂ ਬਾਰੇ ਲੰਬੇ ਸਮੇਂ ਤੋਂ ਚੱਲ ਰਹੀਆਂ ਚਿੰਤਾਵਾਂ ਨੂੰ ਦਰਸਾਉਂਦੀਆਂ ਹਨ ਕਿਉਂਕਿ ਬਹੁਤ ਸਾਰਾ ਅਮਰੀਕੀ ਬੁਨਿਆਦੀ ਢਾਂਚਾ ਸੈਟੇਲਾਈਟ ਸੰਚਾਰ ’ਤੇ ਨਿਰਭਰ ਹੈ। ਆਪਣੀਆਂ ਟਿੱਪਣੀਆਂ ’ਚ ਮਿੰਕ ਨੇ ਇਹ ਵੀ ਕਿਹਾ ਕਿ ਹਵਾਈ ਫੌਜ ਆਪਣੀਆਂ ਸਮਰੱਥਾਵਾਂ ’ਚ ਹੋਰ ਖੁਦਮੁਖਤਿਆਰ ਪ੍ਰਣਾਲੀਆਂ ਜੋੜ ਰਹੀ ਹੈ। ਅਸੀਂ ਮੌਜੂਦਾ ਖਤਰਿਆਂ ਵਿਰੁੱਧ ਤਿਆਰੀ ਵਧਾ ਰਹੇ ਹਾਂ। ਟਰੰਪ ਨੇ 2019 ’ਚ ਸਪੇਸ ਫੋਰਸ ਬਣਾਈ ਸੀ।