ਅਮਰੀਕਾ ਦੇ ਸੀਐਟਲ ‘ਚ ਫੂਡ ਫੈਸਟੀਵਲ ਦੌਰਾਨ ਗੋਲੀਬਾਰੀ, 2 ਲੋਕਾਂ ਦੀ ਮੌਤ; 5 ਜ਼ਖ਼ਮੀ

ਅਮਰੀਕਾ ਦੇ ਸੀਏਟਲ  ਜਿੱਥੇ ‘ਬਾਈਟ ਆਫ਼ ਸੀਏਟਲ’ ਫੈਸਟੀਵਲ ਦੌਰਾਨ ਇੱਕ ਅਣਪਛਾਤੇ ਬੰਦੂਕਧਾਰੀ ਨੇ ਅੰਨ੍ਹੇਵਾਹ ਗੋਲੀਬਾਰੀ ਕੀਤੀ। ਰਿਪੋਰਟਾਂ ਦੱਸਦੀਆਂ ਹਨ ਕਿ ਇਸ ਘਟਨਾ ਵਿੱਚ ਕਈ ਲੋਕ ਮਾਰੇ ਗਏ ਹਨ।
‘ਦ ਸੀਏਟਲ ਟਾਈਮਜ਼’ ਦੇ ਅਨੁਸਾਰ, ਐਤਵਾਰ ਸ਼ਾਮ ਨੂੰ ਸੀਏਟਲ ਸੈਂਟਰ ਵਿੱਚ ਹੋਈ ਸਮੂਹਿਕ ਗੋਲੀਬਾਰੀ ਵਿੱਚ ਦੋ ਲੋਕਾਂ ਦੀ ਮੌਤ ਹੋ ਗਈ ਅਤੇ ਘੱਟੋ-ਘੱਟ ਪੰਜ ਹੋਰ ਜ਼ਖਮੀ ਹੋ ਗਏ।
ਇਹ ਘਟਨਾ ਐਤਵਾਰ ਨੂੰ ਸਥਾਨਕ ਸਮੇਂ ਅਨੁਸਾਰ ਸ਼ਾਮ 6:00 ਵਜੇ ਸੀਏਟਲ ਸੈਂਟਰ ਆਰਮਰੀ ਇਮਾਰਤ ਦੇ ਬਾਹਰ ਵਾਪਰੀ, ਜਿੱਥੇ ਹਜ਼ਾਰਾਂ ਲੋਕ ਸਾਲਾਨਾ ‘ਬਾਈਟ ਆਫ਼ ਸੀਏਟਲ’ ਫੂਡ ਫੈਸਟੀਵਲ ਲਈ ਇਕੱਠੇ ਹੋਏ ਸਨ।
ਗੋਲੀਬਾਰੀ ਤੋਂ ਬਾਅਦ ਭਗਦੜ ਵਰਗੀ ਸਥਿਤੀ ਪੈਦਾ ਹੋ ਗਈ। ਘਟਨਾ ਦੀ ਖ਼ਬਰ ਮਿਲਦੇ ਹੀ ਪੁਲਿਸ ਅਤੇ ਐਮਰਜੈਂਸੀ ਸੇਵਾਵਾਂ ਨੇ ਵੱਡੇ ਪੱਧਰ ‘ਤੇ ਰਾਹਤ ਅਤੇ ਬਚਾਅ ਕਾਰਜ ਸ਼ੁਰੂ ਕਰ ਦਿੱਤੇ।
ਸੀਏਟਲ ਪੁਲਿਸ ਨੇ ਪ੍ਰਭਾਵਿਤ ਖੇਤਰ ਨੂੰ ਘੇਰ ਲਿਆ ਹੈ ਅਤੇ ਜਨਤਾ ਨੂੰ ਉਸ ਸਥਾਨ ਤੋਂ ਬਚਣ ਦੀ ਅਪੀਲ ਕੀਤੀ ਹੈ। ਗੋਲੀਬਾਰੀ ਦੀ ਜਾਂਚ ਜਾਰੀ ਹੈ।
ਇੱਕ ਚਸ਼ਮਦੀਦ ਗਵਾਹ ਨੇ ਸਥਾਨਕ ਮੀਡੀਆ ਨੂੰ ਦੱਸਿਆ, “ਮੈਂ ਧਮਾਕਿਆਂ ਦੀਆਂ ਆਵਾਜ਼ਾਂ ਸੁਣੀਆਂ ਅਤੇ ਫਿਰ ਲੋਕ ਚੀਕਣ ਲੱਗ ਪਏ।”
‘ਬਾਈਟ ਆਫ਼ ਸੀਏਟਲ’ ਫੈਸਟੀਵਲ ਦੌਰਾਨ ਆਰਮਰੀ ਦੇ ਬਾਹਰ ਬੈਠੀ 22 ਸਾਲਾ ਕਾਇਲਾ ਕੈਰਿਸ ਨੇ ਕਿਹਾ ਕਿ ਗੋਲੀਬਾਰੀ ਤੋਂ ਬਾਅਦ ਤੇਜ਼ੀ ਨਾਲ ਦਹਿਸ਼ਤ ਫੈਲ ਗਈ। ਉਸਨੇ ਦੱਸਿਆ ਕਿ ਲੋਕ ਅਚਾਨਕ ਚੀਕਣ ਲੱਗ ਪਏ ਅਤੇ ਸੀਏਟਲ ਸੈਂਟਰ ਆਰਮਰੀ ਦੀ ਇਮਾਰਤ ਵਿੱਚ ਭੱਜਣ ਲੱਗ ਪਏ। ਭਗਦੜ ਵਰਗੀ ਸਥਿਤੀ ਪੈਦਾ ਹੋ ਗਈ, ਹਰ ਕੋਈ ਆਪਣਾ ਸਮਾਨ ਛੱਡ ਕੇ ਭੱਜ ਗਿਆ