ਅਮਰੀਕਾ: ਨਿਊਯਾਰਕ ‘ਚ ਅੱਲਾਹੂ ਅਕਬਰ ਦਾ ਨਾਅਰਾ ਲਗਾ ਕੇ ਨੁਕੀਲੇ ਹਥਿਆਰ ਨਾਲ ਹਮਲਾ, ਇੱਕ ਯਹੂਦੀ ਸਮੇਤ ਦੋ ਜ਼ਖ਼ਮੀ

ਅਮਰੀਕਾ ਦੇ ਨਿਊਯਾਰਕ ਵਿੱਚ ‘ਅੱਲਾਹੂ ਅਕਬਰ’ ਦਾ ਨਾਅਰਾ ਲਗਾਉਂਦੇ ਹੋਏ ਹਮਲਾਵਰ ਨੇ ਇੱਕ ਯਹੂਦੀ ਵਿਅਕਤੀ ‘ਤੇ ਸਕ੍ਰੂਡ੍ਰਾਈਵਰ (ਪੇਚਕਸ) ਨਾਲ ਹਮਲਾ ਕਰ ਦਿੱਤਾ। ਇਸ ਦੇ ਨਾਲ ਹੀ ਇੱਕ ਹੋਰ ਵਿਅਕਤੀ ‘ਤੇ ਚਾਕੂ ਨਾਲ ਹਮਲਾ ਕੀਤਾ ਗਿਆ। ਇਹ ਘਟਨਾ ਅਜਿਹੇ ਸਮੇਂ ਵਾਪਰੀ ਹੈ, ਜਦੋਂ ਯਹੂਦੀ-ਵਿਰੋਧੀ ਭਾਵਨਾਵਾਂ ਵਧ ਰਹੀਆਂ ਹਨ। ਪੁਲਿਸ ਨੇ ਦੱਸਿਆ ਕਿ ਮੋਸ਼ੇ ਯੇਜ਼ਹਾਕ ਗ੍ਰੁਨਹਾਸ ਵੀਰਵਾਰ ਦੁਪਹਿਰ ਯਹੂਦੀ ਪ੍ਰਾਰਥਨਾ ਸਭਾ ਤੋਂ ਬਾਹਰ ਨਿਕਲੇ ਸਨ, ਉਦੋਂ ਹੀ ਉਨ੍ਹਾਂ ‘ਤੇ ਸਕ੍ਰੂਡ੍ਰਾਈਵਰ ਨਾਲ ਹਮਲਾ ਕਰ ਦਿੱਤਾ ਗਿਆ। ਉਹ ਘਰ ਪਰਤ ਰਹੇ ਸਨ। ਦੂਜੇ ਪੀੜਤ ਦੀ ਪਛਾਣ ਚੋਕ ਸੁੰਗ ਵਜੋਂ ਹੋਈ ਹੈ, ਜੋ ਪੂਰਬੀ ਏਸ਼ਿਆਈ ਮੂਲ ਦੇ ਸਨ। ਉਨ੍ਹਾਂ ਨੂੰ ਨੇੜੇ ਹੀ ਚਾਕੂ ਮਾਰਿਆ ਗਿਆ।
ਇਹ ਹਮਲੇ ਨਿਊਯਾਰਕ ਦੇ ਸੈਂਟਰਲ ਪਾਰਕ ਦੇ ਨੇੜੇ ਹੋਏ। ਪੁਲਿਸ ਕਮਿਸ਼ਨਰ ਜੈਸਿਕਾ ਟਿਸ਼ ਨੇ ਹਮਲਾਵਰ ਦੀ ਪਛਾਣ 51 ਸਾਲਾ ਰਾਊਲ ਮੋਰਾਾਲੇਸ ਵਜੋਂ ਕੀਤੀ। ਪੁਲਿਸ ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ ਕਿ ਕੀ ਇਹ ਨਫ਼ਰਤ ਤੋਂ ਪ੍ਰੇਰਿਤ ਅਪਰਾਧ (ਹੈ। ਉਨ੍ਹਾਂ ਦੱਸਿਆ ਕਿ ਪੀੜਤਾਂ ਅਤੇ ਗਵਾਹਾਂ ਦੇ ਬਿਆਨਾਂ ਅਨੁਸਾਰ, ਮੋਰਾਾਲੇਸ ਨੇ ਦੋਵਾਂ ਹਮਲਿਆਂ ਦੌਰਾਨ ‘ਅੱਲਾਹੂ ਅਕਬਰ’ ਦਾ ਨਾਅਰਾ ਲਗਾਇਆ ਸੀ। ਉਨ੍ਹਾਂ ਦੱਸਿਆ ਕਿ ਪੀੜਤ ਹਸਪਤਾਲ ਵਿੱਚ ਦਾਖ਼ਲ ਹਨ।ਯਹੂਦੀ ਸੁਰੱਖਿਆ ਗਸ਼ਤ ਦਲ ‘ਮੈਨਹਟਨ ਸ਼ੋਮਰਿਮ’ ਨੇ ਇੱਕ ਤਸਵੀਰ ਜਾਰੀ ਕੀਤੀ ਹੈ, ਜਿਸ ਵਿੱਚ ਹਮਲਾਵਰ ਨੂੰ ਦਿਖਾਇਆ ਗਿਆ ਹੈ। ਮੇਅਰ ਜ਼ੋਹਰਾਨ ਮਮਦਾਨੀ ਨੇ ਮੰਨਿਆ ਕਿ ਸ਼ਖ਼ਸ ਨੇ ਦੋਵਾਂ ਹਮਲਿਆਂ ਦੌਰਾਨ ‘ਅੱਲਾਹੂ ਅਕਬਰ’ ਦੇ ਨਾਅਰੇ ਲਗਾਏ ਸਨ, ਪਰ ਉਨ੍ਹਾਂ ਕਿਹਾ ਕਿ ਪੁਲਿਸ ਜਾਂਚ ਤੋਂ ਸੰਕੇਤ ਮਿਲਦਾ ਹੈ ਕਿ ਮਾਨਸਿਕ ਸਿਹਤ ਇਸ ਦੀ ਇੱਕ ਵਜ੍ਹਾ ਹੋ ਸਕਦੀ ਹੈ। ਸਾਡੇ ਸ਼ਹਿਰ ਵਿੱਚ ਅਜਿਹੇ ਨਫ਼ਰਤ ਭਰੇ ਅਤੇ ਘਿਨੌਣੇ ਹਮਲਿਆਂ ਲਈ ਕੋਈ ਥਾਂ ਨਹੀਂ ਹੈ।
ਸਿਟੀ ਕੌਂਸਲ ਦੀ ਸਪੀਕਰ ਜੂਲੀ ਮੇਨਿਨ ਨੇ ਕਿਹਾ ਕਿ ਯਹੂਦੀ ਭਾਈਚਾਰੇ ਵਿੱਚ ਡਰ ਅਸਲੀ ਹੈ। ਹਰ ਨਿਊਯਾਰਕ ਵਾਸੀ ਆਪਣੇ ਇਲਾਕੇ ਵਿੱਚ ਸੁਰੱਖਿਅਤ ਮਹਿਸੂਸ ਕਰਨ ਦਾ ਹੱਕਦਾਰ ਹੈ, ਚਾਹੇ ਉਸ ਦਾ ਧਰਮ ਜਾਂ ਪਛਾਣ ਕੁਝ ਵੀ ਹੋਵੇ। ਇੱਕ ਯਹੂਦੀ ਸੰਗਠਨ ਨੇ ਇਸ ਘਟਨਾ ਅਤੇ ਯਹੂਦੀਆਂ ਖ਼ਿਲਾਫ਼ ਹੋਏ ਹੋਰ ਹਮਲਿਆਂ ਨੂੰ ਇਜ਼ਰਾਈਲ ਦੇ ਖ਼ਿਲਾਫ਼ ਮਮਦਾਨੀ ਦੇ ਬਿਆਨਾਂ ਨਾਲ ਜੋੜਿਆ ਹੈ।