ਆਮ ਤੌਰ ‘ਤੇ ਲੋਕ ਬੀਮਾਰੀ ਵਿਚ ਡਾਕਟਰ ਦੀ ਸਲਾਹ ਜਾਂ ਮੈਡੀਕਲ ਸਟੋਰ ਤੋਂ ਦਵਾਈਆਂ ਖਰੀਦਦੇ ਹਨ ਜੋ ਕਿ ਸੁਭਾਵਿਕ ਹੈ। ਪਰ ਕੀ ਤੁਸੀਂ ਕਦੇ ਧਿਆਨ ਦਿੱਤਾ ਹੈ ਕਿ ਤੁਸੀਂ ਜੋ ਦਵਾਈਆਂ ਖਰੀਦ ਰਹੇ ਹੋ ਉਨ੍ਹਾਂ ਵਿਚੋਂ ਕੁਝ ਦਵਾਈਆਂ ਦੇ ਪੈਕੇਟ ‘ਤੇ ਲਾਲ ਰੰਗ ਦੀ ਲਾਈਨ ਬਣੀ ਹੁੰਦੀ ਹੈ। ਦੱਸ ਦੇਈਏ ਕਿ ਜ਼ਿਆਦਾਤਰ ਲੋਕ ਇਸ ਨਿਸ਼ਾਨ ਦਾ ਅਸਲੀ ਮਤਲਬ ਨਹੀਂ ਸਮਝਦੇ ਤੇ ਇਸ ਨੂੰ ਸਿਰਫ ਇਕ ਡਿਜ਼ਾਈਨ ਸਮਝ ਲੈਂਦੇ ਹਨ।
ਦਰਅਸਲ ਇਹ ਲਾਲ ਪੱਟੀ ਦਵਾਈਆਂ ਦੇ ਸੁਰੱਖਿਅਤ ਇਸਤੇਮਾਲ ਲਈ ਸਰਕਾਰ ਵਲੋਂ ਬਣਾਇਆ ਗਿਆ ਇਕ ਗੰਭੀਰ ਚੇਤਾਵਨੀ ਸੰਕੇਤ ਹੈ। ਇਸ ਨੂੰ ਨਜ਼ਰਅੰਦਾਜ਼ ਕਰਨਾ ਨਾ ਸਿਰਫ ਤੁਹਾਡੀ ਸਿਹਤ ਲਈ ਖਤਰਨਾਕ ਹੋ ਸਕਦਾ ਹੈ ਸਗੋਂ ਇਹ ਸਰੀਰ ਵਿਚ ਦਵਾਈਆਂ ਪ੍ਰਤੀ ਰੋਗ ਰੋਕੂ ਸਮਰੱਥਾ ਵੀ ਪੈਦਾ ਕਰ ਸਕਦਾ ਹੈ।
ਜਾਣੋ ਲਾਲ ਪੱਟੀ ਦਾ ਅਸਲੀ ਮਤਲਬ
* ਜਿਸ ਦਵਾਈ ਦੇ ਪੱਤੇ ‘ਤੇ ਲਾਲ ਪੱਟੀ ਹੁੰਦੀ ਹੈ, ਉਸ ਨੂੰ ਸਿਰਫ ਡਾਕਟਰ ਦੀ ਪਰਚੀ ਦਿਖਾਉਣ ‘ਤੇ ਹੀ ਖਰੀਦਿਆ ਜਾ ਸਕਦਾ ਹੈ।
* ਇਹ ਪੱਟੀ ਅਕਸਰ ਐਂਟੀ ਬਾਇਓਟਿਕ ਦਵਾਈਆਂ ‘ਤੇ ਹੁੰਦੀ ਹੈ ਜਿਸ ਨੂੰ ਬਿਨਾਂ ਲੋੜ ਦੇ ਲੈਣ ਨਾਲ ਸਰੀਰ ਵਿਚ ‘ਦਵਾਈ ਬੇਅਸਰ’ ਹੋਣ ਦਾ ਖਤਰਾ ਵਧ ਜਾਂਦਾ ਹੈ।
* ਕਾਨੂੰਨ ਮੁਤਾਬਕ ਕੋਈ ਵੀ ਕੈਮਿਸਟ ਲਾਲ ਪੱਟੀ ਵਾਲੀ ਦਵਾਈ ਨੂੰ ਬਿਨਾਂ ਡਾਕਟਰ ਦੀ ਸਲਾਹ ਦੇ ਸਿੱਧੇ ਗਾਹਕ ਨੂੰ ਨਹੀੰ ਵੇਚ ਸਕਦਾ।
ਕੀ ਜ਼ਰੂਰੀ ਹੈ ਲਾਲ ਲਕੀਰ
ਲੋਕ ਅਸਰ ਮਾਮੂਲੀ ਸਰਦੀ ਜ਼ੁਕਾਮ ਵਿਚ ਵੀ ਸ਼ਕਤੀਸ਼ਾਲੀ ਐਂਟੀਬਾਇਓਟਿਕਸ ਖਾ ਲੈਂਦੇ ਹਨ, ਇਹ ਲਾਲ ਪੱਟੀ ਇਸੇ ਸਵੈ-ਇਲਾਜ ਨੂੰ ਰੋਕਣ ਲਈ ਹੈ।
ਇਨ੍ਹਾਂ ਦਵਾਈਆਂ ਦੇ ਹੈਵੀ ਡੋਜ਼ ਜਾਂ ਗਲਤ ਇਸਤੇਮਾਲ ਨਾਲ ਕਿਡਨੀ, ਲੀਵਰ ਜਾਂ ਐਲਰਜੀ ਵਰਗੀਆਂ ਗੰਭੀਰ ਸਮੱਸਿਆਵਾਂ ਹੋ ਸਕਦੀਆਂ ਹਨ।
ਡਾਕਟਰ ਤੈਅ ਕਰਦੇ ਹਨ ਕਿ ਤੁਹਾਨੂੰ ਇਹ ਦਵਾਈ ਕਿੰਨੇ ਦਿਨ ਤੇ ਕਿੰਨੀ ਮਾਤਰਾ ਵਿਚ ਲੈਣੀ ਹੈ, ਜੋ ਪੱਟੀ ਵਾਲੀ ਦਵਾਈਆਂ ਲਈ ਜ਼ਰੂਰੀ ਹੈ।
ਦਵਾਈ ਖਰੀਦਦੇ ਸਮੇਂ ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ
ਲਾਲ ਪੱਟੀ ਦੇ ਨਾਲ ਪੱਤਿਆਂ ‘ਤੇ ‘Rx’ ਲਿਖਿਆ ਹੋਣ ਦਾ ਮਤਲਬ ਹੈ ਡਾਕਟਰ ਦੀ ਸਲਾਹ ਤੇ ‘NRx’ ਦਾ ਮਤਲਬ ਹੈ ਕਿ ਇਹ ਨਸ਼ੀਲੀ ਦਵਾਈਆਂ ਦੀ ਸ਼੍ਰੇਣੀ ਵਿਚ ਹੋ ਸਕਦੀਆਂ ਹਨ। ਪੱਟੀ ਦੇਖਣ ਦੇ ਨਾਲ-ਨਾਲ ਹਮੇਸ਼ਾ ਦਵਾਈ ਦੇ ਨਿਰਮਾਣ ਤੇ ਐਕਸਪਾਇਰੀ ਦੀ ਤਰੀਕ ਜ਼ਰੂਰ ਚੈੱਕ ਕਰੋ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
