ਦਿੱਲੀ ‘ਚ ਦੋ ਵਿਦੇਸ਼ੀ ਕੋਚਾਂ ਨੂੰ ਅਵਾਰਾ ਕੁੱਤਿਆਂ ਨੇ ਵੱਢਿਆ
ਭਾਰਤ 'ਚ ਮੁੜ ਭਖਣ ਲੱਗਾ ਅਵਾਰਾ ਕੁੱਤਿਆਂ ਦਾ ਮਾਮਲਾ
ਕੀਨੀਆ ਦੇ ਡਾਕਟਰਾਂ ਨੇ ਕਿਹਾ ‘ਵੱਡੀ ਚਿੰਤਾ’ ਦਾ ਵਿਸ਼ਾ
ਕੀਨੀਆ ਦੇ ਕੋਚਾਂ ਨੂੰ ਕੁੱਤਿਆਂ ਵੱਲੋਂ ਵੱਢੇ ਜਾਣ ਦੀ ਘਟਨਾ ਤੋਂ ਬਾਅਦ ਡੈਨਿਸ ਨੂੰ ਸਫਦਰਜੰਗ ਹਸਪਤਾਲ ਲਿਜਾਂਦਾ ਗਿਆ। ਉਨ੍ਹਾਂ ਨੂੰ ਰੇਬੀਜ਼ ਦਾ ਟੀਕਾ ਲਾਇਆ ਗਿਆ।
ਕੀਨੀਆਈ ਟੀਮ ਦੇ ਡਾਕਟਰ ਮਾਈਕਲ ਓਕਾਰੋ ਅਨੁਸਾਰ, ਮਵਾਂਜ਼ੋ ਸਵੇਰ ਦੇ ਸੈਸ਼ਨ ਵਿੱਚ 200 ਮੀਟਰ ਦੌੜਾਕ ਸਟੇਸੀ ਓਬੋਨਿਓ ਨੂੰ ਸਿਖਲਾਈ ਦੇ ਰਿਹਾ ਸੀ। ਤਦ ਹੀ ਇੱਕ ਅਵਾਰਾ ਕੁੱਤੇ ਨੇ ਉਸ ਨੂੰ ਸੱਜੀ ਲੱਤ ਦੀ ਪਿੰਡਲ਼ੀ ‘ਤੇ ਵੱਢ ਲਿਆ।
ਪਿਛਲੇ ਵਰ੍ਹੇ 2024 ਦੌਰਾਨ ਦਿੱਲੀ ਵਿੱਚ ਕੁੱਤਿਆਂ ਦੇ ਵੱਢਣ ਦੇ
25,210 ਮਾਮਲੇ ਦਰਜ ਕੀਤੇ ਗਏ ਸਨ। ਜੋ ਸਾਲ 2023 ਦੇ ਮੁਕਾਬਲੇ 17847 ਤੋਂ ਕਿਤੇ ਜ਼ਿਆਦਾ ਸਨ। ਇਸ ਸਾਲ ਜਨਵਰੀ ਮਹੀਨੇ ਦਿੱਲੀ ਵਿੱਚ ਲਗਭਗ 3,200 ਕੁੱਤਿਆਂ ਦੇ ਕੱਟਣ ਦੇ ਮਾਮਲੇ ਸਾਹਮਣੇ ਆਏ ਸਨ। ਦਿੱਲੀ ਵਿੱਚ ਅਵਾਰਾ ਕੁੱਤਿਆਂ ਦੀ ਆਬਾਦੀ 8 ਲੱਖ ਹੋਣ ਦਾ ਅਨੁਮਾਨ ਹੈ।ਇੰਡੀਅਨ ਆਇਲ ਵਰਲਡ ਪੈਰਾ ਅਥਲੈਟਿਕਸ ਚੈਂਪੀਅਨਸ਼ਿਪ 2025 ਦੀ ਪ੍ਰਬੰਧਕ ਕਮੇਟੀ ਨੇ ਇਸ ਘਟਨਾ ਬਾਰੇ ਬਿਆਨ ਵੀ ਜਾਰੀ ਕੀਤੈ। ਕਮੇਟੀ ਦਾ ਕਹਿਣੈ ਕਿ ਲੋਕ ਅਕਸਰ ਅਵਾਰਾ ਕੁੱਤਿਆਂ ਨੂੰ ਵਾਰ–ਵਾਰ ਖਾਣ ਨੂੰ ਕੁਝ ਨਾ ਕੁਝ ਦਿੰਦੇ ਰਹਿੰਦੇ ਨੇ। ਅਜਿਹੀਆਂ ਘਟਨਾਵਾਂ ਇਸੇ ਕਾਰਣ ਵਾਪਰਦੀਆਂ ਨੇ।
ਜਾਪਾਨ ਦੀ ਬੌਧਿਕ ਤੌਰ ‘ਤੇ ਕਮਜ਼ੋਰ ਟੀਮ ਦੇ ਸਹਾਇਕ ਕੋਚ ਓਕੁਮਾਤਸੂ ਨੂੰ ਵੀ ਸਵੇਰੇ ਇੱਕ ਸਿਖਲਾਈ ਸੈਸ਼ਨ ਦੌਰਾਨ ਇੱਕ ਕੁੱਤੇ ਨੇ ਵੱਢ ਲਿਆ ਸੀ। ਪਰ ਉਨ੍ਹਾਂ ਦੇ ਜ਼ਖ਼ਮ ਕੋਈ ਬਹੁਤੇ ਖ਼ਤਰਨਾਕ ਨਹੀਂ ਸਨ।
ਸੁਪਰੀਮ ਕੋਰਟ ਨੇ 11 ਅਗਸਤ ਨੂੰ ਸਾਰੇ ਅਵਾਰਾ ਕੁੱਤਿਆਂ ਨੂੰ ਸੜਕਾਂ ਤੋਂ ਸਮਰਪਿਤ ਆਸਰਾ ਸਥਾਨਾਂ ਵਿੱਚ ਤਬਦੀਲ ਕਰਨ ਦਾ ਹੁਕਮ ਦਿੱਤਾ ਸੀ। ਜਿਸ ਵਿੱਚ ਇਹ ਦਰਸਾਇਆ ਗਿਆ ਸੀ ਕਿ ਕੁੱਤਿਆਂ ਨੂੰ ਸੜਕਾਂ ‘ਤੇ ਵਾਪਸ ਨਹੀਂ ਭੇਜਿਆ ਜਾਣਾ ਚਾਹੀਦਾ। ਇੱਕ ਪੰਦਰਵਾੜੇ ਤੋਂ ਵੀ ਘੱਟ ਸਮੇਂ ਬਾਅਦ, ਕੁੱਤਾ ਪ੍ਰੇਮੀਆਂ ਦੇ ਵਿਰੋਧ ਤੋਂ ਬਾਅਦ, ਸੁਪਰੀਮ ਕੋਰਟ ਨੇ ਆਪਣੇ ਪਿਛਲੇ ਆਦੇਸ਼ ਨੂੰ ‘ਬਹੁਤ ਸਖ਼ਤ’ ਕਰਾਰ ਦਿੱਤਾ। ਇਹ ਹਦਾਇਤ ਜਾਰੀ ਕੀਤੀ ਗਈ ਸੀ ਕਿ ਇਨ੍ਹਾਂ ਕੁੱਤਿਆਂ ਨੂੰ ਉੇਸ ਖੇਤਰ ਵਿੱਚ ਵਾਪਸ ਭੇਜ ਦਿੱਤਾ ਜਾਵੇ ਜਿੱਥੋਂ ਉਨ੍ਹਾਂ ਨੂੰ ਨਸਬੰਦੀ, ਕੀੜੇ ਮਾਰਨ ਅਤੇ ਟੀਕਾਕਰਨ ਤੋਂ ਪਹਿਲਾਂ ਚੁੱਕਿਆ ਗਿਆ ਸੀ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
