ਪੇਰੂ ਦੇ ਸ਼ਹਿਰ ਹੁਆਨਕਾਯੋ ਦੀ ਇਕ ਜੇਲ ਵਿਚ ਅੱਗ ਲੱਗਣ ਕਾਰਨ ਘੱਟੋ-ਘੱਟ 5 ਲੋਕਾਂ ਦੀ ਮੌਤ

ਪੇਰੂ ਦੇ ਸ਼ਹਿਰ ਹੁਆਨਕਾਯੋ ਦੀ ਇਕ ਜੇਲ ਵਿਚ ਅੱਗ ਲੱਗਣ ਕਾਰਨ ਘੱਟੋ-ਘੱਟ 5 ਲੋਕਾਂ ਦੀ ਮੌਤ ਹੋ ਗਈ ਅਤੇ 12 ਤੋਂ ਵੱਧ ਜ਼ਖਮੀ ਹੋ ਗਏ। ਨੈਸ਼ਨਲ ਪੇਨਟੀਨਟੀਰੀ ਇੰਸਟੀਚਿਊਟ (ਆਈ.ਐਨ.ਪੀ.ਈ.) ਨੇ ਕਿਹਾ ਕਿ ਹੁਆਨਕਾਯੋ ਜੇਲ੍ਹ ਦੇ ਪੈਵੇਲੀਅਨ 2 ਦੀ ਜੁੱਤੀ ਵਰਕਸ਼ਾਪ ਵਿੱਚ ਮੰਗਲਵਾਰ ਨੂੰ ਸਥਾਨਕ ਸਮੇਂ ਅਨੁਸਾਰ ਰਾਤ 9:30 ਵਜੇ ਅੱਗ ਲੱਗ ਗਈ। ਇਸ ਕਾਰਨ ਦਮ ਘੁੱਟਣ ਨਾਲ ਪੰਜ ਲੋਕਾਂ ਦੀ ਮੌਤ ਹੋ ਗਈ, ਸਮਾਚਾਰ ਏਜੰਸੀ ਸਿਨਹੂਆ ਦੀ ਰਿਪੋਰਟ ਮੁਤਾਬਕ ਸਥਿਤੀ ਦੀ ਜਾਣਕਾਰੀ ਮਿਲਣ ਤੋਂ ਬਾਅਦ ਸੁਰੱਖਿਆ ਕਰਮਚਾਰੀਆਂ ਨੇ ਸਥਾਨਕ ਫਾਇਰ ਕਰਮੀਆਂ ਨੂੰ ਸੂਚਨਾ ਦਿੱਤੀ। ਐਂਬੂਲੈਂਸ ਅਤੇ ਸਹਾਇਕ ਵਾਹਨਾਂ ਸਮੇਤ ਘੱਟੋ-ਘੱਟ 30 ਫਾਇਰਫਾਈਟਰ ਮੌਕੇ ‘ਤੇ ਪਹੁੰਚ ਗਏ। INPE ਦੇ ਬਿਆਨ ਦੇ ਅਨੁਸਾਰ, ਪੇਰੂਵੀਅਨ ਨੈਸ਼ਨਲ ਪੁਲਿਸ ਦੇ 100 ਅਧਿਕਾਰੀ, ਇੱਕ ਆਨ-ਡਿਊਟੀ ਪ੍ਰੌਸੀਕਿਊਟਰ, ਐਮਰਜੈਂਸੀ ਮੈਡੀਕਲ ਸੇਵਾਵਾਂ ਅਤੇ ਹੋਰ ਵਿਭਾਗਾਂ ਦੀਆਂ ਐਂਬੂਲੈਂਸਾਂ ਵੀ ਬਚਾਅ ਕਾਰਜ ਵਿੱਚ ਸ਼ਾਮਲ ਸਨ।

ਪੈਵੇਲੀਅਨ 2 ਦੇ ਕੈਦੀਆਂ ਨੂੰ ਸੁਰੱਖਿਅਤ ਸਥਾਨ ‘ਤੇ ਪਹੁੰਚਾਇਆ ਗਿਆ ਹੈ। ਅੱਗ ਲੱਗਣ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਨਿਜੀ ਪ੍ਰਸਾਰਕ ਐਕਸੀਟੋਸਾ ਦੀ ਰਿਪੋਰਟ ਅਨੁਸਾਰ ਮੰਨਿਆ ਜਾ ਰਿਹਾ ਹੈ ਕਿ ਅੱਗ ਜੁੱਤੀਆਂ ਦੀ ਵਰਕਸ਼ਾਪ ਵਿੱਚ ਸ਼ਾਰਟ ਸਰਕਟ ਕਾਰਨ ਲੱਗੀ ਹੋ ਸਕਦੀ ਹੈ, ਜੋ ਜਲਣਸ਼ੀਲ ਸਮੱਗਰੀ ਦੀ ਮੌਜੂਦਗੀ ਕਾਰਨ ਹੋਰ ਗੰਭੀਰ ਹੋ ਗਈ।