ਅਭਿਨੇਤਰੀ ਕਰੀਨਾ ਕਪੂਰ ਖਾਨ ਦੀ ਸਟਾਰਰ ਫਿਲਮ ”ਦ ਬਕਿੰਘਮ ਮਰਡਰਸ” ਨੇ ਬਾਕਸ ਆਫਿਸ ‘ਤੇ 1.62 ਕਰੋੜ ਰੁਪਏ ਦੀ ਕੀਤੀ ਕਮਾਈ

ਅਭਿਨੇਤਰੀ ਕਰੀਨਾ ਕਪੂਰ ਖਾਨ ਦੀ ਸਟਾਰਰ ਫਿਲਮ ”ਦ ਬਕਿੰਘਮ ਮਰਡਰਸ” ਦੀ ਸ਼ੁਰੂਆਤ ਬਹੁਤ ਚੰਗੀ ਨਹੀਂ ਰਹੀ। ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਨਿਰਮਾਤਾਵਾਂ ਨੇ ਦੱਸਿਆ ਕਿ ਫਿਲਮ ਨੇ ਪਹਿਲੇ ਦਿਨ ਭਾਰਤ ‘ਚ ਬਾਕਸ ਆਫਿਸ ‘ਤੇ 1.62 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਕਰੀਨਾ ਕਪੂਰ ਖਾਨ ਦੀ ਕਤਲ ਰਹੱਸ ਫਿਲਮ ‘ਦ ਬਕਿੰਘਮ ਮਰਡਰਸ’ ਸ਼ੁੱਕਰਵਾਰ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਈ। ਜਿਸ ਦਾ ਨਿਰਦੇਸ਼ਨ ਹੰਸਲ ਮਹਿਤਾ ਨੇ ਕੀਤਾ ਹੈ ਅਤੇ ਇਹ ਕਰੀਨਾ ਦੇ ਪ੍ਰੋਡਕਸ਼ਨ ਦੀ ਪਹਿਲੀ ਫਿਲਮ ਵੀ ਹੈ। ਪਰ ਫਿਲਮ ਦਾ ਸ਼ੁਰੂਆਤੀ ਦਿਨ ਕਮਾਈ ਦੇ ਲਿਹਾਜ਼ ਨਾਲ ਬਹੁਤਾ ਚੰਗਾ ਨਹੀਂ ਰਿਹਾ। ਫਿਲਮ ਨੇ ਪਹਿਲੇ ਦਿਨ ਬਾਕਸ ਆਫਿਸ ‘ਤੇ 1.62 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਜਿਸ ਤੋਂ ਪਤਾ ਚੱਲਦਾ ਹੈ ਕਿ ਫਿਲਮ ਦੀ ਸ਼ੁਰੂਆਤ ਬਹੁਤ ਧੀਮੀ ਰਹੀ ਹੈ, ਤੁਹਾਨੂੰ ਦੱਸ ਦੇਈਏ ਕਿ “ਦ ਬਕਿੰਘਮ ਮਰਡਰਸ” ਨੂੰ ਵੀ ਏਕਤਾ ਕਪੂਰ ਅਤੇ ਸ਼ੋਭਾ ਕਪੂਰ ਨੇ ਬਾਲਾਜੀ ਟੈਲੀਫਿਲਮਜ਼ ਅਤੇ ਟੀਬੀਐਮ ਫਿਲਮਸ ਦੇ ਤਹਿਤ ਪ੍ਰੋਡਿਊਸ ਕੀਤਾ ਹੈ। ਫਿਲਮ ‘ਚ ਕਰੀਨਾ ਨੇ ‘ਜਸਮੀਤ ਭਮਰਾ’ ਦਾ ਕਿਰਦਾਰ ਨਿਭਾਇਆ ਹੈ, ਜੋ ਇਕ ਜਾਸੂਸ ਹੈ ਅਤੇ ਬੱਚੇ ਦੀ ਭਾਲ ‘ਚ ਰੁੱਝਿਆ ਹੋਇਆ ਹੈ। ਇਹ ਕਹਾਣੀ ਇਸੇ ਦੁਆਲੇ ਘੁੰਮਦੀ ਰਹਿੰਦੀ ਹੈ। ਫਿਲਮ ‘ਚ ਐਸ਼ ਟੰਡਨ, ਰਣਵੀਰ ਬਰਾੜ ਅਤੇ ਕੀਥ ਐਲਨ ਵੀ ਮੌਜੂਦ ਹਨ।