19 ਸਾਲ ਬਾਅਦ ਰਣਬੀਰ ਕਪੂਰ ਸ਼ਾਹਰੁਖ ਖਾਨ ਦੋਹਾਂ ਕਲਾਕਾਰਾਂ ਦੀਆਂ ਫਿਲਮਾਂ ਵਿਚਾਲੇ ਹੋਣ ਜਾ ਰਹੀ ਹੈ ਟੱਕਰ

ਇਕ ਸਮਾਂ ਸੀ ਜਦੋਂ ਰਣਬੀਰ ਕਪੂਰ ਦੇ ਡੈਬਿਊ ਦੌਰਾਨ ਸ਼ਾਹਰੁਖ ਖਾਨ ਦੀ ਫਿਲਮ ‘ਓਮ ਸ਼ਾਂਤੀ ਓਮ’ ਨਾਲ ਉਨ੍ਹਾਂ ਦੀ ਫਿਲਮ ‘ਸਾਂਵਰੀਆ’ ਆਹਮੋ-ਸਾਹਮਣੇ ਸੀ। ਉਸ ਸਮੇਂ ਸ਼ਾਹਰੁਖ ਦੀ ਫਿਲਮ ਜਿੱਤ ਚੁੱਕੀ ਸੀ। ਹੁਣ 19 ਸਾਲ ਬਾਅਦ  ਸਾਲ 2026 ‘ਚ ਈਦ ਦੇ ਮੌਕੇ ‘ਤੇ ਇਕ ਵਾਰ ਫਿਰ ਅਜਿਹਾ ਹੀ ਹੋਣ ਜਾ ਰਿਹਾ ਹੈ। ਇੱਕ ਵਾਰ ਫਿਰ ਦੋਹਾਂ ਕਲਾਕਾਰਾਂ ਦੀਆਂ ਫਿਲਮਾਂ ਵਿਚਾਲੇ ਟੱਕਰ ਹੋਣ ਜਾ ਰਹੀ ਹੈ। ਹਾਲ ਹੀ ‘ਚ ਸੰਜੇ ਲੀਲਾ ਭੰਸਾਲੀ ਦੇ ਨਿਰਦੇਸ਼ਨ ‘ਚ ਬਣ ਰਹੀ ‘ਲਵ ਐਂਡ ਵਾਰ’ ਦੀ ਰਿਲੀਜ਼ ਡੇਟ ਦਾ ਐਲਾਨ ਕੀਤਾ ਗਿਆ ਹੈ, ਜੋ ਕਿ 20 ਮਾਰਚ 2026 ਹੈ। ਇਸ ਦੇ ਨਾਲ ਹੀ ਸ਼ਾਹਰੁਖ ਦੀ ਫਿਲਮ ‘ਕਿੰਗ’ ਵੀ ਰਿਲੀਜ਼ ਹੋਣ ਜਾ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਫਿਲਮ 2026 ਦੀ ਈਦ ‘ਤੇ ਵੀ ਰਿਲੀਜ਼ ਹੋਵੇਗੀ।ਆਉਣ ਵਾਲੇ ਸਾਲਾਂ ‘ਚ ਇਸ ਤਿਉਹਾਰ ਦੇ ਹੋਰ ਖਾਸ ਬਣਨ ਦਾ ਕਾਰਨ ਵੱਡੀਆਂ ਫਿਲਮਾਂ ਦਾ ਟਕਰਾਅ ਹੋਵੇਗਾ। ‘ਲਵ ਐਂਡ ਵਾਰ’ ‘ਚ ਰਣਬੀਰ ਕਪੂਰ, ਆਲੀਆ ਭੱਟ ਅਤੇ ਵਿੱਕੀ ਕੌਸ਼ਲ ਨਜ਼ਰ ਆਉਣਗੇ, ਜਦਕਿ ਦੂਜੇ ਪਾਸੇ ‘ਕਿੰਗ’ ‘ਚ ਸ਼ਾਹਰੁਖ ਅਤੇ ਉਨ੍ਹਾਂ ਦੀ ਬੇਟੀ ਸੁਹਾਨਾ ਪਹਿਲੀ ਵਾਰ ਇਕੱਠੇ ਨਜ਼ਰ ਆਉਣਗੇ। ਹਾਲਾਂਕਿ ਦੋਵਾਂ ਫਿਲਮਾਂ ਦੀ ਸ਼ੂਟਿੰਗ ਅਜੇ ਸ਼ੁਰੂ ਨਹੀਂ ਹੋਈ ਹੈ। ਪਰ ਖਬਰ ਹੈ ਕਿ ਦੋਵਾਂ ਫਿਲਮਾਂ ਦੀ ਸ਼ੂਟਿੰਗ ਅਗਲੇ ਸਾਲ ਦੇ ਸ਼ੁਰੂਆਤੀ ਮਹੀਨਿਆਂ ‘ਚ ਸ਼ੁਰੂ ਹੋ ਜਾਵੇਗੀ।