ਦੂਸਰੇ ਦਿਨ ਰਾਮ ਸੇਤੂ ਦੀ ਕਮਾਈ `ਚ ਆਈ ਗਿਰਾਵਟ

ਬਾਲੀਵੁੱਡ ਦੇ ਦਮਦਾਰ ਕਲਾਕਾਰ ਅਕਸ਼ੇ ਕੁਮਾਰ ਦੀ ਫ਼ਿਲਮ ਰਾਮ ਸੇਤੂ ਨੇ ਪਹਿਲੇ ਦਿਨ ਰਿਕਾਰਡਤੋੜ ਕਮਾਈ ਕੀਤੀ ਸੀ ਪਰ ਫ਼ਿਲਮ ਦੀ ਰਿਲੀਜ਼ ਦੇ ਦੂਜੇ ਦਿਨ ਬਾਕਸ ਆਫ਼ਿਸ ਤੇ ਕਮਾਈ ਦੇ ਮਾਮਲੇ `ਚ ਫ਼ਿਲਮ ਨੂੰ ਕਰਾਰਾ ਝਟਕਾ ਲੱਗਿਆ ਹੈ। ਪਹਿਲੇ ਦਿਨ ਦੇ ਮੁਕਾਬਲੇ ਦੂਜੇ ਦਿਨ ਫ਼ਿਲਮ ਦੇ ਕਲੈਕਸ਼ਨ `ਚ ਜ਼ਬਰਦਸਤ ਗਿਰਾਵਟ ਦਰਜ ਕੀਤੀ ਗਈ ਹੈ। ਪਹਿਲੇ ਦਿਨ ਫ਼ਿਲਮ ਨੇ 15 ਕਰੋੜ ਦਾ ਕਾਰੋਬਾਰ ਕੀਤਾ ਸੀ, ਜਦਕਿ ਦੂਜੇ ਦਿਨ ਫ਼ਿਲਮ ਦੇ ਕਾਰੋਬਾਰ `ਚ 25 ਫ਼ੀਸਦੀ ਦੀ ਗਿਰਾਵਟ ਆਈ ਅਤੇ ਫ਼ਿਲਮ ਸਿਰਫ਼ 11 ਕਰੋੜ ਕਮਾ ਸਕੀ। ਹੁਣ ਤੱਕ ਰਾਮਸੇਤੂ ਦੀ ਕੁੱਲ ਕਮਾਈ 26 ਕਰੋੜ ਦੱਸੀ ਜਾ ਰਹੀ ਹੈ, ਜੋ ਕਿ ਅਕਸ਼ੇ ਕੁਮਾਰ ਦੀਆਂ ਪਿਛਲੀਆਂ ਫ਼ਿਲਮਾਂ ਤੋਂ ਬੇਹੱਦ ਘੱਟ ਹੈ।ਬਾਲੀਵੁੱਡ ਫ਼ਿਲਮਾਂ ਦਾ ਬਾਕਸ ਆਫ਼ਿਸ ਤੇ ਇਨ੍ਹਾਂ ਬੁਰਾ ਹਾਲ ਦੇਖ ਕੇ ਹਰ ਕਿਸੇ ਦੇ ਮਨ `ਚ ਇਹੀ ਸਵਾਲ ਹੈ ਕਿ ਆਖਰ ਜਨਤਾ ਨੇ ਬਾਲੀਵੁੱਡ ਫ਼ਿਲਮਾਂ ਨੂੰ ਕਿਉਂ ਨਕਾਰ ਦਿੱਤਾ ਹੈ। ਸਭ ਤੋਂ ਹੈਰਾਨੀ ਵਾਲੀ ਗੱਲ ਇਹ ਹੈ ਕਿ ਬਾਲੀਵੁੱਡ ਦੇ ਦਿੱਗਜ ਐਕਟਰਾਂ ਦੀਆਂ ਫ਼ਿਲਮਾਂ ਜ਼ਰਾ ਵੀ ਨਹੀਂ ਚੱਲ ਰਹੀਆਂ ਹਨ। ਇੰਜ ਲੱਗ ਰਿਹਾ ਹੈ ਕਿ ਜਨਤਾ ਹੁਣ ਉਹੀ ਪੁਰਾਣੇ ਐਕਟਰਾਂ ਨੂੰ ਦੇਖ ਦੇਖ ਕੇ ਬੋਰ ਹੋ ਗਈ ਹੈ। ਇਸ ਦੇ ਨਾਲ ਹੀ ਹਾਲੀਵੁੱਡ ਤੇ ਤਾਮਿਲ ਫ਼ਿਲਮਾਂ ਦੀ ਨਕਲ ਕਰਨਾ ਵੀ ਬਾਲੀਵੁੱਡ ਨੂੰ ਭਾਰੀ ਪੈ ਰਿਹਾ ਹੈ।
ਥੈਂਕ ਗੌਡ ਅਕਸ਼ੇ ਦੀ ਫ਼ਿਲਮ ਰਾਮ ਸੇਤੂ ਤੋਂ ਕਾਫ਼ੀ ਪਿੱਛੇ ਸੀ। ਪਹਿਲੇ ਦਿਨ ਅਜੇ ਦੇਵਗਨ ਦੀ ਫ਼ਿਲਮ ਨੇ 8.10 ਕਰੋੜ ਦਾ ਕਾਰੋਬਾਰ ਕੀਤਾ ਸੀ, ਜਦਕਿ ਦੂਜੇ ਦਿਨ ਫ਼ਿਲਮ ਦੀ ਕਮਾਈ 6 ਕਰੋੜ ਰਹਿ ਗਈ।