ਹੈਰਾਨੀਜਨਕ! ਬੱਚੇ ਨੇ ਸੀਟਬੈਲਟ ਬੰਨ੍ਹਣ ਤੋਂ ਕੀਤਾ ਇਨਕਾਰ, ਏਅਰਲਾਈਨ ਨੂੰ ਕੈਂਸਲ ਕਰਨੀ ਪਈ ਟੋਰਾਂਟੋ ਦੀ ਫਲਾਈਟ

ਕੈਨੇਡਾ ਵਿੱਚ ਇੱਕ ਸ਼ਰਾਰਤੀ ਬੱਚੇ ਦੀ ਜ਼ਿੱਦ ਕਰਕੇ ਸੈਂਕੜੇ ਯਾਤਰੀਆਂ ਨੂੰ 24 ਘੰਟੇ ਤੱਕ ਇੰਤਜ਼ਾਰ ਕਰਨਾ ਪਿਆ। 6 ਅਗਸਤ ਨੂੰ ਵਿਕਟੋਰੀਆ ਇੰਟਰਨੈਸ਼ਨਲ ਏਅਰਪੋਰਟ ਤੋਂ ਟੋਰਾਂਟੋ ਜਾਣ ਵਾਲੀ ‘ਪੋਰਟਰ ਫਲਾਈਟ PD4444’ ਰਨਵੇਅ ‘ਤੇ ਜਾਣ ਲਈ ਤਿਆਰ ਸੀ, ਉਦੋਂ ਹੀ ਕਰੂ  ਨੇ ਦੇਖਿਆ ਕਿ ਇੱਕ ਬੱਚਾ ਸੀਟਬੈਲਟ ਨਹੀਂ ਪਹਿਨ ਰਿਹਾ ਹੈ।
ਕਰੂ ਮੈਂਬਰਾਂ ਅਤੇ ਬੱਚੇ ਦੇ ਮਾਤਾ-ਪਿਤਾ ਨੇ ਉਸਨੂੰ ਮਨਾਉਣ ਦੀ ਬਹੁਤ ਕੋਸ਼ਿਸ਼ ਕੀਤੀ, ਪਰ ਬੱਚਾ ਮੰਨਣ ਨੂੰ ਤਿਆਰ ਨਹੀਂ ਸੀ। ਸੁਰੱਖਿਆ ਨਿਯਮਾਂ ਕਰਕੇ ਬਿਨਾਂ ਸੀਟਬੈਲਟ ਦੇ ਟੇਕ-ਆਫ਼ ਮੁਮਕਿਨ ਨਹੀਂ ਸੀ। ਏਅਰਲਾਈਨ ਨੇ ਕਿਹਾ, ਮਾਤਾ-ਪਿਤਾ ਅਤੇ ਕਰੂ ਦੀਆਂ ਕੋਸ਼ਿਸ਼ਾਂ ਨਾਕਾਮ ਰਹੀਆਂ। ਇਸ ਅਸੁਰੱਖਿਅਤ ਸਥਿਤੀ ਵਿੱਚ ਜਹਾਜ਼ ਉੱਡ ਨਹੀਂ ਸਕਦਾ ਸੀ, ਇਸ ਲਈ ਟਰਮੀਨਲ ਵਾਪਸ ਜਾ ਕੇ ਯਾਤਰੀਆਂ ਨੂੰ ਉਤਾਰਨਾ ਪਿਆ
ਕਰੂ ਕੋਲ ਦੂਜਾ ਆਪਸ਼ਨ ਸੀ ਕਿ ਬੱਚੇ ਅਤੇ ਉਸਦੇ ਮਾਤਾ-ਪਿਤਾ ਨੂੰ ਉੱਥੇ ਹੀ ਛੱਡ ਦਿੱਤਾ ਜਾਵੇ। ਪਰ ਜਦੋਂ ਤੱਕ ਜਹਾਜ਼ ਨੂੰ ਗੇਟ ‘ਤੇ ਲਿਆਂਦਾ ਗਿਆ, ਉਨ੍ਹਾਂ ਨੂੰ ਅਤੇ ਉਨ੍ਹਾਂ ਦਾ ਸਾਮਾਨ ਉਤਾਰਿਆ ਗਿਆ ਅਤੇ ਕਾਗਜ਼ੀ ਕਾਰਵਾਈ ਹੋਈ, ਉਦੋਂ ਤੱਕ ਦੇਰ ਹੋ ਚੁੱਕੀ ਸੀ।
ਵਿਕਟੋਰੀਆ ਏਅਰਪੋਰਟ ਰਾਤ 12.30 ਵਜੇ ਬੰਦ ਹੋ ਜਾਂਦਾ ਹੈ। ਇਸ ਵਜ੍ਹਾ ਕਰਕੇ ਫਲਾਈਟ ਨੂੰ ਅਗਲੇ ਦਿਨ 7 ਅਗਸਤ ਰਾਤ 10.49 ਵਜੇ ਲਈ ਰੀ-ਸ਼ੈਡਿਊਲ ਕੀਤਾ ਗਿਆ। ਜਹਾਜ਼ ਆਖਰਕਾਰ ਸ਼ਨੀਵਾਰ ਸਵੇਰੇ ਟੋਰੰਟੋ ਪਹੁੰਚਿਆ। ਅਜੇ ਸਾਫ਼ ਨਹੀਂ ਹੈ ਕਿ ਦੇਰੀ ਤੋਂ ਪਰੇਸ਼ਾਨ ਯਾਤਰੀਆਂ ਨੂੰ ਮੁਆਵਜ਼ਾ ਮਿਲਿਆ ਜਾਂ ਨਹੀਂ।
ਇਸ ਘਟਨਾ ਤੋਂ ਬਾਅਦ ‘ਸੌਫ਼ਟ ਪੇਰੈਂਟਿੰਗ’ ‘ਤੇ ਬਹਿਸ ਛਿੜ ਗਈ। ਲੋਕ ਹੈਰਾਨ ਹਨ ਕਿ ਮਾਤਾ-ਪਿਤਾ ਬੱਚੇ ਨੂੰ ਕੰਟਰੋਲ ਕਿਉਂ ਨਹੀਂ ਕਰ ਪਾਏ। ਰੈਡਿਟ (Reddit) ‘ਤੇ ਇੱਕ ਯੂਜ਼ਰ ਨੇ ਲਿਖਿਆ, “ਮਾਤਾ-ਪਿਤਾ ਨੇ ਕੁਝ ਨਹੀਂ ਕੀਤਾ, ਉਨ੍ਹਾਂ ਨੇ ਕਿਹਾ ਸੀਟਬੈਲਟ ਨਾ ਪਹਿਨਣਾ ਉਨ੍ਹਾਂ ਦਾ ਅਧਿਕਾਰ ਹੈ।”
ਉੱਥੇ ਹੀ ਐਕਸ (X) ‘ਤੇ ਇੱਕ ਯੂਜ਼ਰ ਨੇ ਕਿਹਾ ਕਿ ਮਾਤਾ-ਪਿਤਾ ‘ਤੇ ਜੁਰਮਾਨਾ ਲੱਗਣਾ ਚਾਹੀਦਾ ਸੀ। ਇੱਕ ਹੋਰ ਯੂਜ਼ਰ ਨੇ ਲਿਖਿਆ ਕਿ ਜਹਾਜ਼ ਨੂੰ ਜਾਣ ਦੇਣਾ ਚਾਹੀਦਾ ਸੀ, ਮਾਤਾ-ਪਿਤਾ ਨੂੰ ਉਤਾਰ ਕੇ ਉਨ੍ਹਾਂ ਦਾ ਬੈਗ ਜ਼ਬਤ ਕਰ ਲੈਣਾ ਚਾਹੀਦਾ ਸੀ।