ਹਿਜੜਿਆਂ ਦੀ ਦਾਦਾਗਿਰੀ, ਪੁਲਿਸ ਵਾਲਿਆਂ ਦੀਆਂ ਕਢਾਈਆਂ ਚੀਕਾਂ
ਚੰਡੀਗੜ੍ਹ : ਅਕਸਰ ਜਦੋਂ ਕਿਸੇ ਨੂੰ ਕਮਜ਼ੋਰ ਦੱਸਣਾ ਹੋਵੇ ਤਾਂ ਉਸ ਬਾਰੇ ਉਦਾਹਰਣ ਦਿੱਤੀ ਜਾਂਦੀ ਹੈ ਕਿ ਇੰਨੇ ਕੀ ਕਰਨੈ ਇਹ ਤਾਂ ਹਿਜੜੈ। ਪਰ ਹਿਜੜਿਆਂ ਨੇ ਇਸ ਉਦਾਹਰਣ ਨੂੰ ਗਲਤ ਸਾਬਤ ਕਰਦਿਆਂ ਉਹ ਕੰਮ ਕਰ ਦਿੱਤਾ ਹੈ ਜਿਹੜਾ ਚੰਗੇ ਚੰਗੇ ਤਾਕਤਵਰ ਮਰਦ ਨਹੀਂ ਕਰ ਪਾਉਂਦੇ। ਚਲੋ ਲੁਕਣ-ਮੀਟੀ ਖਤਮ ਕਰਦੇ ਆਂ। ਕਹਾਣੀ ਇਹ ਹੈ ਕਿ ਜਦੋਂ ਬੀਤੀ ਰਾਤ 1 ਵਜੇ ਚੰਡੀਗੜ੍ਹ ਦੇ ਸੈਕਟਰ 43 ਬੱਸ ਅੱਡੇ ਇਲਾਕੇ ਦੇ ਚੌਂਕੀ ਇੰਚਾਰਜ ਅਤੇ ਇੱਕ ਹੌਲਦਾਰ ਨੇ ਆਪਣੀ ਗਸ਼ਤ ਡਿਊਟੀ ਦੌਰਾਨ ਉੱਥੇ ਘੁੰਮ ਰਹੇ ਦੋ ਹਿਜੜਿਆਂ ਨੂੰ ਸ਼ੱਕ ਦੇ ਆਧਾਰ ਤੇ ਰੋਕ ਕੇ ਅੱਧੀ ਰਾਤ ਨੂੰ ਉੱਥੇ ਘੁੰਮਣ ਦਾ ਕਾਰਨ ਪੁੱਛਿਆ ਤਾਂ ਉਹ ਹਿਜੜੇ ਤੈਸ਼ ਵਿੱਚ ਆ ਗਏ ਜਿਸ ਤੋਂ ਬਾਅਦ ਇਹ ਭਾਣਾ ਵਾਪਰ ਗਿਆ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਚੌਂਕੀ ਇੰਚਾਰਜ ਚੰਦਰ ਅਤੇ ਉਸਦੇ ਸਾਥੀ ਹੌਲਦਾਰ ਨਾਲ ਮਾਮੂਲੀ ਬਹਿਸ ਤੋਂ ਸ਼ੁਰੂ ਹੋਇਆ ਇਹ ਮਾਮਲਾ ਉਸ ਵੇਲੇ ਵਧਿਆ ਜਦੋਂ ਹਿਜੜਿਆਂ ਨੇ ਫੋਨ ਕਰਕੇ ਆਪਣੇ ਹੋਰ ਸਾਥੀਆਂ ਨੂੰ ਬੁਲਾ ਲਿਆ।
Read Also ਪੰਜਾਬ ਪੁਲਿਸ ਨੇ ਖੇਡੀ ਖ਼ੂਨ ਦੀ ਹੋਲੀ
ਇਸ ਰੌਲੇ ਨੇ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਤਾਂ ਦੇਖਦੇ ਹੀ ਦੇਖਦੇ ਭੀੜ ਇਕੱਠੀ ਹੋ ਗਈ ਤੇ ਇਸ ਦੌਰਾਨ ਹਿਜੜਿਆਂ ਨੇ ਕਦੋਂ ਪੁਲਿਸ ਵਾਲਿਆਂ ਨੂੰ ਢਾਹ ਲਿਆ ਇਹ ਪਤਾ ਈ ਨਈ ਚੱਲਿਆ। ਫਿਰ ਤਾੜੀਆਂ ਦੀ ਗੂੰਜ ਅਤੇ ਥੱਪੜਾਂ ਦੀ ਆਵਾਜ਼ ਦੌਰਾਨ ਪੁਲਿਸ ਵਾਲਿਆਂ ਦੀਆਂ ਅਜਿਹੀਆਂ ਚੀਕਾਂ ਨਿਕਲੀਆਂ ਕਿ ਦੂਰ ਗਸ਼ਤ ਕਰ ਰਹੀ ਅਰਧ ਸੈਨਿਕ ਬਲਾਂ ਦੀ ਟੁਕੜੀ ਦੌੜ ਕੇ ਉਨ੍ਹਾਂ ਦੇ ਬਚਾਅ ਲਈ ਉੱਥੇ ਪਹੁੰਚ ਗਈ ਜਿਨ੍ਹਾਂ ਨੂੰ ਆਉਂਦਿਆਂ ਦੇਖ ਹਿਜੜੇ ਉੱਥੋਂ ਅਥਲੀਟਾਂ ਵਾਂਗ ਭੱਜ ਗਏ। ਜਿਨ੍ਹਾਂ ਵਿੱਚੋਂ ਤਿੰਨ ਨੂੰ ਬਾਅਦ ਵਿੱਚ ਹਿਰਾਸਤ ਵਿੱਚ ਲੈ ਕੇ ਉਨ੍ਹਾਂ ਖਿਲਾਫ਼ ਪਰਚਾ ਦਰਜ ਕਰ ਲਿਆ ਗਿਆ। ਫੜੇ ਗਏ ਹਿਜੜਿਆਂ ਨੂੰ ਐਸਡੀਐਮ ਦੇ ਸਾਹਮਣੇ ਪੇਸ਼ ਕੀਤਾ ਗਿਆ ਜਿਨ੍ਹਾਂ ਨੂੰ ਬਾਅਦ ਵਿੱਚ ਜ਼ਮਾਨਤ ਤੇ ਰਿਹਾਅ ਕਰ ਦਿੱਤਾ ਗਿਆ। ਜੋ ਕਿ ਤਾੜੀਆਂ ਮਾਰਦੇ ਮਾਰਦੇ ਆਪੋ ਆਪਣੇ ਘਰਾਂ ਨੂੰ ਚਲੇ ਗਏ। ਪੁਲਿਸ ਅਧਿਕਾਰੀਆਂ ਅਨੁਸਾਰ ਇਸ ਕੇਸ ਦੀ ਜਾਂਚ ਜਾਰੀ ਹੈ ਅਤੇ ਬਾਕੀ ਹਿਜੜਿਆਂ ਨੂੰ ਵੀ ਜਲਦ ਗ੍ਰਿਫਤਾਰ ਕਰ ਲਿਆ ਜਾਵੇਗਾ। ਜਾਂਚ ਤੋਂ ਬਾਅਦ ਇਨ੍ਹਾਂ ਖਿਲਾਫ਼ ਹੋਰ ਸਖਤ ਧਾਰਾਵਾਂ ਜੋੜੇ ਜਾਣ ਦੀ ਪੂਰੀ ਉਮੀਦ ਹੈ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
