ਹਮੇਕੁੰਟ ਸਾਹਿਬ ਗਲੇਸ਼ੀਅਰ ਖਿਸਕਣ ਕਾਰਨ ਇੱਕ ਔਰਤ ਸਰਧਾਲੂ ਦੀ ਮੌਤ, ਪੰਜ ਬਚਾਏ ਗਏ

ਹੇਮਕੁੰਟ ਸਾਹਿਬ ਰੋਡ ‘ਤੇ ਅਟਲਕੁੜੀ ਗਲੇਸ਼ੀਅਰ ਪੁਆਇੰਟ ਨੇੜੇ ਐਤਵਾਰ ਸ਼ਾਮ 6 ਵਜੇ ਬਰਫ ‘ਚ ਫਸੀ ਇਕ ਮਹਿਲਾ ਸ਼ਰਧਾਲੂ ਲਾਪਤਾ ਹੋ ਗਈ। SDRF ਨੇ ਮਹਿਲਾ ਦੇ ਪਤੀ ਸਮੇਤ ਪੰਜ ਸ਼ਰਧਾਲੂਆਂ ਨੂੰ ਬਚਾਇਆ ਹੈ। ਬਰਫ਼ ਖਿਸਕਣ ਕਾਰਨ ਹੇਮਕੁੰਟ ਸਾਹਿਬ ਨੂੰ ਜਾਣ ਵਾਲਾ ਰਸਤਾ ਵੀ ਬੰਦ ਹੋ ਗਿਆ ਹੈ। 6 ਵਿੱਚੋਂ 5 ਲੋਕਾਂ ਨੂੰ SDRF ਦੀ ਟੀਮ ਨੇ ਬਚਾਇਆ ਹੈ। SDRF ਅਤੇ ITBP ਦੇ ਜਵਾਨਾਂ ਨੇ ਰਾਤ ਭਰ ਲਾਪਤਾ ਔਰਤ ਦੀ ਭਾਲ ਕੀਤੀ ਪਰ ਉਸ ਦਾ ਪਤਾ ਨਹੀਂ ਲੱਗ ਸਕਿਆ। ਔਰਤ ਦੀ ਲਾਸ਼ ਸੋਮਵਾਰ ਸਵੇਰੇ ਬਰਫ ‘ਚ ਦੱਬੀ ਹੋਈ ਮਿਲੀ।

ਐਤਵਾਰ ਨੂੰ ਆਖਰੀ ਜੱਥੇ ਦੇ ਛੇ ਸ਼ਰਧਾਲੂ ਸਮੇਂ ਸਿਰ ਹੇਮਕੁੰਟ ਸਾਹਿਬ ਤੋਂ ਰਵਾਨਾ ਹੋ ਗਏ ਸਨ ਪਰ ਬਹੁਤ ਥਕਾਵਟ ਕਾਰਨ ਸ਼ਾਮ 6 ਵਜੇ ਹੀ ਅਟਲਕੁੜੀ ਪਹੁੰਚੇ। ਜਦੋਂ ਸ਼ਰਧਾਲੂ ਗਲੇਸ਼ੀਅਰ ਪੁਆਇੰਟ ਤੋਂ ਲੰਘ ਰਹੇ ਸਨ ਤਾਂ ਰਸਤੇ ਵਿੱਚ ਅਚਾਨਕ ਬਰਫ਼ ਖਿਸਕ ਗਈ। ਜਿਸ ਕਾਰਨ ਸ਼ਰਧਾਲੂ ਬਰਫ ਦੇ ਵਿਚਕਾਰ ਫਸ ਗਏ। SDRF ਦੇ ਜਵਾਨਾਂ ਨੇ ਮੌਕੇ ‘ਤੇ ਪਹੁੰਚ ਕੇ ਪੰਜ ਸ਼ਰਧਾਲੂਆਂ ਨੂੰ ਬਰਫ ‘ਚੋਂ ਬਾਹਰ ਕੱਢਿਆ। ਜਦਕਿ ਅੰਮ੍ਰਿਤਸਰ ਦੀ ਰਹਿਣ ਵਾਲੀ 37 ਸਾਲਾ ਕਮਲਜੀਤ ਕੌਰ ਲਾਪਤਾ ਹੋ ਗਈ।

ਹੇਮਕੁੰਟ ਸਾਹਿਬ ਨੂੰ ਜਾਣ ਵਾਲਾ ਰਸਤਾ ਫਿਲਹਾਲ ਬੰਦ ਹੈ। ਸੜਕ ਨੂੰ ਖੋਲ੍ਹਣ ਦਾ ਕੰਮ ਸ਼ੁਰੂ ਕਰ ਦਿੱਤਾ ਗਿਆ ਹੈ।ਦੱਸਿਆ ਕਿ ਸ਼ਰਧਾਲੂਆਂ ਲਈ ਇਕ ਹੈਲੀਕਾਪਟਰ ਵੀ ਮੌਕੇ ‘ਤੇ ਭੇਜਿਆ ਗਿਆ ਸੀ ਪਰ ਭਾਰੀ ਬਰਫਬਾਰੀ ਅਤੇ ਸ਼ਾਮ ਹੋਣ ਕਾਰਨ ਹੈਲੀਕਾਪਟਰ ਲੈਂਡ ਨਹੀਂ ਕਰ ਸਕਿਆ।